بسم الله. ..الفصل الخامس عشر
......
........
......
بعد مرور عدة ساعات...فى باريس...
هبطت الطائرة على الأراضى الفرنسية وبعد مرور بعض الوقت وصل كل من يوسف وسارة ويونس وجويرية إلى الفندق...
فى غرفة يوسف...
تجلس سارة على حافة الفراش بتعب ويوسف يبدل ثيابة ..
يوسف..اية يا روحى مش هتغيرى هدومك
سارة..مش قادرة اتحرك هموت وأنام
يوسف بحب..بعد الشر عليكى يا روحى خلاص هجبلك هدومك وغيرى وانت قاعدة وبعدين نامى براحتك
سارة..تعرف انا مبسوطة جدا وانا معاك ربنا يخليك ليا يا روحى
يوسف بهيام..يخليكى ليا يا قلب وعقل يوسف ..
........
وكالعادة الوضع مختلف فى غرفة يونس....
يخرج يونس من المرحاض بعد ما أبدل ثيابة ووجد جويرية تجلس على الفراش وتبكى فهرول لها وجلس على ركبتة أمامها وقال بخوف
يونس..مالك فى اية
جويرية ببكاء. .م م مفيش
يونس..ازاى مفيش حصل اية لكل دا ..هو انا ضايقتك فى حاجة
جويرية. .لاه العيب فيا انا
يونس بعدم فهم. .عيب..عيب اية..انا مش فاهم حاجة
جويرية. .أ انت ب ب بتكرهنى
يونس بصدمة..بكرهك...مين قالك الكلام المتخلف دا
جويرية. .سارة جالتلى لو ما اتغيرتش انت هتكرهنى
يونس..مش فاهم تتغيرى ازاى ولية
جويرية. .عشان مخلتكش .....
وصمتت جويرية واحمرت وجنتيها ولم تقدر على متابعة الحديث
واصابت يونس نوبة ضحك ونام على أرضية الغرفة وهو يضحك بصوت عالى
يونس..هههههههههههههههه هههههههههههههههههه اااة يا بطنى الله يخربيت عقلك ههههههههههههه
جويرية..أنت بتضحك على اية
يونس..على هبلك يا حبيبتى
جويرية بصدمة..حبيبتك
اعتدل يونس فى جلستة وامسك بكفها بين يدية وقال..
يونس بحب..طبعا حبيبتى وكل حياتى انا بحبك يا جورى
جويرية بتلعثم. .أ أ ب ....
يونس. .انا مش زعلان عشان الموضوع دا اتأخر بالعكس انا محترم شعورك جدا وأن كل حاجة حصلت بسرعة وانتى لسة متعودتيش عليا وبعدين هو انا متجوزك يوم واحد لا ياعبيطة انا قاعد على قلبك طول ما فيا نفس لحد ما تجبيلى دستة عيال
جويرية بحنين...بجد يعنى انت مش زعلان
يونس..لاء مش زعلان
ويضمهايونس لاحضانة ويقول...
يونس..بس بلاش جنان والنبى وتخنقينى تانى
جويرية بضحك...هههههههه مكنش جصدى بس خوفت من الطيارة وهى بتتحرك
يونس..وبدل ما تحضنينى تخنقينى يا مفترية
جويرية..ههههههههههه حجك عليا
يونس..بقولك اية تيجى نعمل اتفاق
جويرية باندهاش. .اتفاج اية دا
يونس..اية رأيك نعتبر نفسنا فى فترة خطوبة وسيبى كل حاجة هتحصل لوحدها
جويرية بابتسامة..موافجة
يونس بمزاح..بس اوعى الفترة تطول لحسن ليلة بعد تسع شهور تقولى سلملى عيل ولو محصلش اعرفى أننا هنتشلوح وليلة هتعلقنا على باب القصر
جويرية بضحك. .هههههههههههههه بصراحة رهيبة ليلة دى
يونس بحب. .تدوم الضحكة يا قلبى
.........
...........
...........صلى على الحبيب محمد...............
........
.........
ثرايا الهوارى...
تجلس ليلة وتنظر لهاتفها منتظرة اتصال معين ويجلس برفقتها عبد القادر و إقدام وهنا وثريا وعهد ووفاء وأسر ويقطع صمتهم رنين هاتف ليلة لنجيب مسرعة...
ليلة..ألو ..طمنى
الشخص..آسف يا ست الكل بس العربية اتقلبت على الطريق الصحراوي
ليلة بصدمة..نعم ..انتو اتجننتو ازاى تعملو كدة
الشخص..احنا ملناش علاقة احنا كنا بنراقبة زى ما طلبتى وهو بعد ماخرج من الثرايا راح بيت مهجور شرق البلد واخد منة أربع صناديق وحطهم معاة فى العربية وطلع على الصحراوى قابلة كمين وهو هرب من الحكومة وجريو وراة وفى الآخر هو مقدرش يتحكم فى العربية واتقلبت بية
ليلة بهدوء. .وهو مات
الشخص..لا نقلو على المستشفى***
ليلة..خلاص اقفل
وتغلق ليلة الهاتف وتنظر لعبد القادر ويقطع لحظاتهم دلوف رحيم وهو يصرخ ويقول..
رحيم.الحج يا كبير
عبد القادر. .فى اية يا رحيم
ليلة..خلاص يا رحيم انا عرفت أطلع انت
رحيم. ..بس
ليلة بغضب..مفيش بس قولت أطلع
عبد القادر. .فى اية يا ليلة
إقدام بغضب..قتلتية يا ليلة قتلتية وارتحتى اخدتى بتارك يا بنت هوارة وانا اخد تارى من مين منك ولا من عيالك يا بنت امى
وفاء بصدمة..تار اية وفى اية مين مات
أسر..فى اية انت ازاى تكلمها كدة
ليلة بغضب. .ااااااسر خد أختك واطلعو فوق محدش فيكم يتدخل فاهمين
أسر..بس
ليلة..قولت غورو من قدامى
وبالفعل انصاع أسر لرغبة ليلة وأخذ شقيقتة وصعد بها إلى الأعلى
ثريا..مين اللى مات يا ليلة
عبد القادر. .مات ولا لسة يابتى
ليلة..لا مامتش هو دلوقتى فى مستشفى***
عبد القادر. ..من قتل يقتل ولو بعد حين فاهمة يا ليلة
إقدام بغضب..هتقتل ابنك الوحيد يا حاج عبد القادر الهوارى
عبد القادر ببكاء..ولدى جتل أخوة الوحيد جتل ولدة أيمن ومرتو هدى عارف يعنى اية يا ولد ابوك يعنى جتل ولدى واحفادى فاهم يعنى هعمل صوان واخد عزا احمد ولدى لان ابوك دا معرفوش أنا هاخد عزا ولدى اللى كان ولدى
وفاء ببكاء..جتل أخوة ..محمود
وسقطت مغشى عليها وهرولت ليلة و إقدام لها وحملها إقدام إلى الأعلى واستدعت ليلة الطبيب
.......
..........
.............الحمد لله ...............
.........
............
فى باريس..غرفة يوسف...
...
يستيقظ يوسف ويتكأ على ذراعة ويعبث بشعر سارة ويهمني باذنها قائلا..
يوسف...سارة ..سارة اصحى بقى وحشتينى اوووى قومى يلا
سارة..امممم حاضر شوية وهقوق
يوسف. .شوية اية هتقومى دلوقتى وكمان انا جعان هتقومى نأكل ولا....
سارة ببسمة..بس صحيت
يوسف..لاء انا جوعت
....ونسكت عشان ملناش دعوة. .......
.......
..........
أما عند يونس...فى برج ايفل...
..
جويرية..ينهار مجندل يلا نمشى من اهنة
يونس ..نمشى اية تعالى هفرجك البرج من جوا
جويرية ...لاااه انا بخاف من الأماكن العالية وبعدين....
ويقطع حديثهم صوت انثوى يقول..
يونس يالله اكتير مشتاقتلك كيفك حياتى
..........
.............
فى احداى المستشفيات ..
وصل عبد القادر برفقة رحيم إلى المشفى وعلم من الطبيب الخاص بابنة أنة أصيب بشلل تام ..
دلف عبد القادر لغرفة ابنة ووجدة ممدد على الفراش ودموعة تسيل على وجنتة
عبد القادر..أنت جدرت تهرب من الحكومة وهتطلع من اهنة على دار مسنين وكرم منى هدفعلك مصاريف الدار دى ومتستناش منى اكتر من اكدة لأنك بالنسبالى ميت
وتركة عبد القادر ورحل
.......
..........يتبع.........
نهاية الفصل الخامس عشر
مجنونة قلم
منى مصطفي الاسيوطى
..........
من غير ما تقولو عارفة ان الفصل قصير بس انا تعبانة ومحبتش اسيبكو كدة من غير ما أكتب اى حاجة معلش الفترة دى صعبة عليا استحملونى دعواتكم ليا وانا هعوضكو وبعتذر طبعا لتأخر النشر بس لسة مجددة الباقة شكرا ليكم ..توقعاتكم للفصل الجاى ..بحبكم😘
