ظلم الروح

مشاهد من الرواية

توسلت بيها ماما لتعوفيني اني من بعدج اضيع والله وهي ولا يمها ولا عبالك ام عجيبه اجه أحمد سحبني من ايدي كلي عوفيها لتتوسلين وتبجين عليها حرامات دموعج تنزل بسببها اخذني اني وحيدر وطلعنا برا وماما طلعت انطت مفاتيح البيت والذهب والفلوس لعمي وعمو كلها السايق راح يوصلج لسيارات بغداد هناك اخوج ينتضرج

چنت دا ابدل ملابسي فتحت الكنتور حسيت اكو شخص بالغرفة باوعت كولشي ماكوا غلست وأخذت تراك من الكنتور بمجرد ما التفتت صار بوجهي مؤيد..
رقية.. مؤيد هاي شدسوي هنا وشلون سمحت لنفسك تدخل للغرفة بدون استأذان .؟
مؤيد.. هاي شبيج يمعودة ليش هلكد خفتي وبعدين اني احبج رقية بس انت متحسين اني تعبت وانت متحسين رقية اريدج صدكيني بس نرجع اتقدم لخطبتج اتزوجج
رقية..انت شدتخربط ياحب يا بطيخ وشنو تزوجني بكيفك اني حبيبة علي ولعلي وبس... بمجرد ما كتله هيج صار حيوان بهيئة إنسان صار يحاول يتعدى علية بكل وحشية واني صوتي راح من الصراخ ولاكن لا مجيب.

علي ابتعد عني ما اريدك ما احبك هي كوة يا ابن عمي افهمني
علي.. انت كذابة تحبيني وعيونج الدليل عيونج فاضحتج.... سحبني من ايدي اخذني للمراية
علي.. شوفي هاي العيون الي تضحك من تشوفني متكدرين تنكرين حقيقتها
دفعته من صدره وكتله اطلع برا لا اصيح لابوية عليك كال تصيحي وشتكولين اني كلت لعلي احبك بس ضحكت عليه اني ما احبه اني طالع بس راح تندمين.

صارت حياتي جحيم تركت الكلية وما اطلع باب الغرفة بس ابجي واملخ بنفسي حتى طبيب نفسي جابوا الي بس ميدرون العله مو بالنفس العله بالگلب علي ما شفته من يوم الي صار مشتاقتله حيل بيوم دخلت ماما لغرفتي تكعد تحجي وياي تصبر عليه سالتها وين علي كالت بغرفته نايم سمعت بابا يصيحها كالت رايحة شوية واجيج طلعت هي واني افكر اروح لعلي واحجيله كولشي رحت صعدت الدرج وكلساع ادوخ مابيه حيل ابد وصلت لغرفته شفت الباب مفتوح شوية تقربت شفته نايم حبيبي فدوة لعمره اروح اني شلون نايم كوله براءة دخلت للغرفة رحت كعدت ع الجرباية ولزمت ايده حبيبي متغير ضعفان كولش ولحيته كبرانه مبين عليه الحزن صرت ابجي واشهك بجي اكوله حبيبي سامحني والله مو بيدي الصار علي انت روحي انت الهوا الاتنفسه اني فز علي بس شافني استغرب كال شنو الصار رقية..

دخل للغرفة بقيت بمكاني متحركت حضني من خصري وتقرب يبوس برگبتي ويشم بيها احس جسمي كزبر واني كوه مسيطرة ع نفسي لازمة ادية واكوله ع كيفك علي اذيتني وبعدين دفعني ع الجرباية وتقرب يكمل ما ابتده بي بس اني من الخوف احس روحي ماتت همست بإذنه علي ارجوك كافي والله ما اتحمل رفع راسه وباوعلي رقية والله متصورتج هيج جبانه شبيج بدون مقدمات بجيت هو حضني كال خلاص لتبجين ما لازم عادي حبيبتي كتله اخاف تعوفني وتمل مني ضحك كال اني اعوف رقتي لعد شلون اعيش

اتذكر بتاريخ 2016..4..21
فزيت ع صوت صراخ قوي بحيث كمت مرعوبة اباوع من فوك نسوان ملتمه وتصرخ وعماتي وبناتهم وحتى امي الحقيقية وخالاتي ومرت أحمد وجهاله وسارة مملخله نفسها وشعرها كوله بالكاع وماما تصيح هسه تاخذون بثاره هسه تكتلون الكتله كولها تلطم وملتمات ع مدري شنو وابوية واكف بعيد ويبجي بصوت عالي وحيدر كاعد بالكاع ويصيح كسرت ضهري ولك خوية من كال هيج فزيت ونزلت اركض لاا معقولة أحمد مات مستحيل أحمد سندي دخلت بنص النسوان ادفع بيهن اريد اشوف منو المات.

يالنايم بگلبي فكد
ما كتلي رايح ما ترد
چا ع الاقل ودعتك

حبايب القصة حقيقة حدثت في جنوب عراقنا الحبيب القصة تنقلها صديقتي رقية صاحبة القصة وحبت تنشرها وتنطي عبرة للبنات طبعاًغيرت الأسماء واسم المناطق والمحافظة بطلب من صاحبة القصة