🍁
🍁
🍁
🍁
🍁
🍁
وعلمتها عيوني لو ما تبجي لاجلك والله جاا بيدي شلعتهاا !! 🍁
🍁
🍁
🍁
🍁
🍁
فتحت عيوني بغواش اضوية بعيوني وادية ما اكدر احركها ايد بيها الكانونة والثانية لافيها بلفاف جروح وراسي كوله مضمد اني بغرفة لوحدي محد موجود شوية شوية اتذكرت شنو صار واتذكرت حالة علي وهو غرگان بدمة اكيد بابا وماما هسه عايشين برعب ع ابنهم ...... تقريبا وره ساعتين اجه حيدر
حيدر... رقية حبيبتي الحمد لله ع سلامتج
رقية... الله يسلمك حيدر احجيلي شصار سارة شبيها وعلي شبي وبابا وماما احجيلي ؟؟
حيدر... سارة وضعها زين بس گزاز بعيونها وعيونها مجرحه احتمال تفقد البصر .... اما علي حالته حاله وجها مجرح كوله گزاز وايديه مكسرة ورجله اليمنى مكسورة وفطر بالجمجمة....ّ.. رقية الحمد لله وبيكم بخت ابو اللوري مسيطر ع السيارة باللحظة الاخيرة والا جان انمردتوا جواها هو هم متأذي خطية بابا تنازل اله عن الحادث بدون حتى ميعرف مصير علي شنوو .... احجيلي ليش علي خربط بالسياقة شبي
رقية ..... حجيتله كولشي من فتحت الجكمكة الى ان سارة حضنت علي
حيدر.... بلله هاي سواية تسويها سارة ؟؟
رقية.... بعد صارت
حيدر... يله حبيبتي اني اعوفج ترتاحين ........ تركني وطلع بعدها نمت ... فزيت ع صوت ماما وهي تحجي وي بابا واكفين فوك راسي فتحت عيوني ماما لازمة ادية وتبوس بيهن وبابا يمسح ع راسي تحمدولي بالسلامة بس شكلهم شابعين بجي ولطم حتى احمد عايف عروسته ببيت اهلها وجاي يركض للمشفى سوده عليه ما تهنه بعرسه اكثر من مره سالت ماما ع علي بس متجاوب تدنك راسها عرفت من عيونهم ومن الدكتور ان علي وضعه ما يطمن ابد الاصابه الي براسه خطرة جدٱ ،،،،،،،، بابا يرجع ويكول الحمد لله مدام طلعتوا منها هاي معجزة ،،
بعد اسبوع تحسنت حالتي كان براسي 8خياطات وايدي 4خياطات من الگزاز مال الجامه متفلشة عليه همزين ما دخل بعيوني وصار بيه شي ...... اما سارة عيونها انعمن بوقتها گلبت المشفى بالصراخ والبچي كسرت كول الي بالغرفة حييل انقهرت عليها صعبة الشخص بيوم وليله يفقد بصره بابا وماما قرووا بس تستقر حالة علي ياخذونها للاردن يسوولها عملية .......
،بهذه الايام گدرت اطلع من الغرفة واروح اگعد يم سارة اسولف وياها جنت احاول اونسها او اطلعها من حالتها واني نفسيتي مدمرة اني اريد واحد ينسيني الي صار كل ما اتذكر الحادث انرعب لحظات رعب ما انساها علي بهاي الفترة استعاد وعية بس ميحجي ولا ياكل كله نايم قرر بابا ان ياخذه هو وسارة يعالجهم بالاردن وفعلا بيومها طلعنا من المشفى وعلي ع الكرسي المتحرك رحنا لبيت اخو امي هم خطية ابد متركونا بفترة المشفى كلها هم ويانه جهزنا اغراضنا واخذنا مرة احمد وطلعنا .... الطريق كوله صمت محد اله خلگ يتنفس
أنت تقرأ
ظلم الروح
Romanceرواية حقيقية حدثت في جنوب العراق محتوى الرواية_ظلم _قتل _إغتصاب _زواج إجباري _يتم _معاناة _
