ظلم الروح

البارت الرابع

🍃
🍃
🍃
🍃

انه وياك واحد يم الاخر ضاع
لا موعد يلمنه ولا يطشنه وداع

🍃
🍃
🍃
🍃

فزيت ع لمسات ايد خشنة كوه عليه فتحت عيوني....  عبالي علي طلع احمد

رقية.. احمد حبيبي شبيك

أحمد... رقية انت شبيج ليش محضرتي الحنة معقولة تزعليني منج إذا اختي متوگفلي بيوم عرسي لعد منو اليوگفلي؟

رقية... حبيبي والله تعبانه وحسيت راسي يريد ينفجر من الهوسة وانت هم مبين عليك تعبان شوف وجهك شلون شاحب

أحمد...يي كولش تعبت اليوم بس اني وحيدر تكفلنه بهوسة الحنة  علي مدري شبي داخل بغرفته وقافل الباب عليه...... ردت اصيحه ويانه بس ابوي ما قبل گال عوفوا براحته  حتى عشه ما تعشه

رقية...روح دز سارة عليه او اسالها هي تعرف بكل سوالف اخوها

أحمد... سارة نايمة هسه عوفيها ع باجر....... يله حبي اروح انام اني وراي تعب

رقية... نوم العوافي حبيبي...  عافني وطلع باوعت الساعة ساعة ثلاثة ونص حسيت جوعانة گمت رحت للمطبخ ادور شي أكله فتحت الثلاجة ما بيها فد أكله معينه فتحت الفرن لكيت لفات الضاهر ماما ضامتهن من الحنه اكلت لفة وشربت ببسي ورحت لغرفتي طلعت ملابس ورحت اسبح سبحت وكملت 

طلعت رجعت للجرباية الي هي سفينة احلامي ضليت اتصفن وافكر قررت بعد ما اتقرب لعلي ولا اوصل يمه ابد كافي لهنا وبس اني مو رخيصة رخصت نفسي زيادة عن اللزوم اخاف لا بابا يدري ويصير بي شي بسببي او بسبب علي

بس علي شبي من دخل للصاله وعيونه حمر وهو وضعة متخربط وعصبي نار

ثاني يوم كعدت الساعة ب12 لكيتهم مجهزين كولشي يردون يرحون للزفة للنجف كتلها سارة ليش مكعدتيني شو كلكم مبدلين وجاهزين ورقية يطبها مرض مووو

سارة...  والله العظيم كلساع اجي اكعدج وانت ميته ولا يمج

تركتها ورحت احجي وي ماما..  وماما زعلانة متقبل تحجي وياي من موقف البارحة.....  عفتهم ورجعت لغرفتي قفلت الباب وكعدت ابجي ع حضي اجه سارة تصيح عليه تريدني ابدل صرخت عليها بعلوا صوتي كتلها اتركووووني بحاااااالي ماااا الككمممم دخلللل بييييه مااااا ارروووووح...  عافتني وراحت

شوية واجه بابا دك الباب بالبداية مفتحت ما عبالي هو من سمعت صوته كمت فتحته..

ابو علي... شبيها بنيتي تبجي

رقية... بابا كولها مبدلة ومجهزة نفسها راح ترحون واني ما ادري ولا أحد سأل عليه

ابوعلي...يا روحي انت اني مقبلت احد يزعجج كلت خليها تشبع نووم وتكعد تبدل وتجهز نفسها براحتها ما عدنا شي بعد وكت