ظلم الروح

البارت الحادي عشر 11

من يعاتبک دائماً،هو الذي يريد أن يحتفظ بك للأبد 😴🍃

رقية:
رحت لبيت احمد
بقيت يمهم ثلاثة ايام
ساعة ادرس وساعة نسولف اني وافنان
وساعة نتعلم طبخ وساعة نكنك ونتفرج يوتيوب

احاول اقضي وقتي الى ان انام
دائما افكر بسارة يا ترى شلونها
صدوك مرتاحة لْـۆ تكذب ع بابا

اما علي دائما يخابرني بليل
نضل نحجي نسولف ساعة نتغازل
وساعة نتعارك علي كال بس تكمل هاي السنة
يطلب ايدي م̷ـــِْن احمد واني كنت مطمئنة
لان احمد اكيد يوافق وبابا هم اكييد

بيوم جمعة م̷ـــِْن الصبح احمد تسوگ النه
وسوينه دولمه اني وافنان صارت تجنن
وكت الغده اخذنه الدولمه ورحنه لبيت ابوية

تغدينه يمهم ضلو الولد كاعدين بالحديقة
يسولفون ويلعبون بات المحبس
رحنه نلعب وياهم اني وافنان
صرنه فريقين

اني واحمد
وافنان وعلي
وحيدر الحكم منو اليخسر
يصير الحكم

ضلينه نلعب ضحكنه وتونسنة
ومرتاحين كولش حتى م̷ـــِْن جهة
سارة مرتاحين لان بابا كال الثلاثاء
يجي ويروح يرجع سارة

امي ملتهية تصلي دائما
وحيدر خطية م̷ـــِْن رحت
لبيت احمد هو ينظف البيت
وعلي يطبخ، ،، واني خربانة ضحك عليهم

لليل راح احمد لبيته وضلينه
احنه ايام عاديه اغلب الاوقات
ندرس كلنه البييت هدوووء

بيوم الثلاثاء الصبح
اجه احمد وافنان ومتسوگ
مسواگ مال عشيرة
كال راح يجي بابا
ويا الساده وكلها جايتنه
ع الغده

التهينه اني وامي وافنان
نطبخ ونحضر سوينه
باميه ولحم
وبرياني دجاج وسمك شوي
وانواع المقبلات كانت عليه
وفننت بيها سويت اشكال
وفواكه حضرت
وافنان خبزت كووومه خبز
خطيه انكسر ضهرها وهي حامل
عليها 6 اشهر

ساعة ب12 اجوا خوال سارة
وشيخ عشيرتنه وكومه ناس اجت.
ب 30: 12 اجه بابا وويا خوال علي
وساده معروفين كول الناس فرحت بيهم

واجن عماتي كولهن وكولها فرحانه
لان راح ترجع سارة لان احنه نعتبر الفصلية
شي رجعي وقرار تافه تتخذه العقول الفارغة

حتى شيخ عشيرتنه هم يگول سالفة الفصلية انقرضت
والناس كولها تحجي ويكولون لْـۆ ما يرجعونها
نرجعها غصبا عليهم

صارت هوسة ببيتنه وناس طابه طالعة
شفت علي لبس دشداشة بيجي
وساعته ومحبسه
رفع شعره ليفوك شگد حلوو طلع

عماتي شافنه صارن  يصلن ع النبي
ويكولنله لٱ تنحسد وهو يضحك

التهينه نصب الهم غده
احمد كال 50 نفر بالديوان
حضروا الاماعين حضرت
كتله ميكفن بس مواعين التمن
كاسات المرگة يكفن كال شنو النقص
كتله بعد يراد 25 ماعون تشريب
و30 بلم فاكهه وكاسات زلاطة
صاح ع حيدر ڱڵـه. اخذ افنان وروحوا لبيتي
جيبوا كل الاماعين واذا متكفي اشتروا م̷ـــِْن السوگ