ظلم الروح

البارت السادس

🍃
🍃
🍃
🍃
🍃
🍃
🍃
🍃

انت الانسأن الوحيد الذي يشعرني بالأهتمام حين تقترب مني 🍂

🍃
🍃
🍃
🍃
🍃
🍃
🍃
🍃

بعد عشرين يوم تقريبا رجعوا اهلي من السفر ..
كانوا يدرون بحالتي احمد كايللهم ومفكرين ..
انه اني صار بي شي يعني مجنونة او بي جني

بابا ما خله سيد ما وداني اله اخذني لكربلاء وللنجف وايران
وحتى ببغداد هم وصفوله ناس ساده اخذني الهم بس بلا فائدة

ناس تكول تابعة وناس تكول دايسة وناس تكول مصدومة
بس اني وضعي كل ما يتقدم ينتكس اكثر

الى ان بابا يئس من حالتي علي بهاي الفترة حاول يساعدني
بس كرهت كولشي بحياتي حتى علي كرهته

سارة وماما ابد مبطلوا مني مرات اوصل لدرجة املخ شعري
والطم ع وجهي بدون شعور اما الاكل ما اكل نهائي عايشة ع المي
يمكن وزني صار 38_

مرت ع حالتي تقريبا 6اشهر واني نفس الوضع
علي هواي حاول يقترب مني بس اني جنت كارهته
كولش ما اريد اشوفه لدرجة من اشوف اصير اصرخ واملخ نفسي
بابا كله بعد لا تدخل لغرفتهه ولا تشوفهه عوفهه براحتهه

صرت مؤذية كولش اتذكر هذه اللحضات واحس ع نفسي
ادرك اني شدا اسوي بس ما اكدر اسيطر ع تصرفاتي
يعني مرات اوصل لمرحلة اضرب ماما باي شي

بابا قرر انه ياخذني للمغرب
يكول اكو هواي ناس هناك تعرف وتشوف
بابا جان كل فكره انه اني بي شي روحاني

وصدوك سافرنه اني ويا وماما اما سارة وعلي وحيدر
عندهم دراسة كانت بداية مرحلة جديدة
وهاي السنة الثانية راحت علية مستقبلي ضاع
كان حلمي اصير دكتورة والبس الروب الابيض
ويصيحولي الدكتور رقية الياسري

للاسف ضاعت احلامي بسبب هاي السفرة التعيسة
وضاع حبي الاول والاخير كولشي خسرت

سافرنه للمغرب بابا اجر النه شقة واستقرينا كم يوم
وبابا كان يسال اذا يعرفون روحاني زين ويعرف

كانوا هواي ناس يكلوله فلان شيخ وفلان روحاني
وفلان شيخة رحنه لاكثر م̷ـــِْن شخص وكلهم يضحكون ع العالم

مره اجه وكال وصفولي روحاني بمنطقة اسمها.. مكناس ..
كانت تبعد عن منطقتنه الموجودين بيها احنه ثلاث ساعات
اتذكر اسم المنطقة الاجرنه بيها بولمان

بوقتها بابا كان لازم يروح حتى يحجز عند الشيخ الروحاني
بوقتها تسوگ النه كولشي و كال لماما انه تقفل الشقة
ومتفتحها لاي احد ابد لحد ما يرجع .

طلع بابا الصبح وماما قفلت الشقة وضمت المفاتيح
والتهت تنضف وتطبخ ومر الوقت

مرة اكثر من اربع ساعات يعني تغدينا وكملنا وبابا ماكوا
هو طلع من الصبح ماما تخابر عليه جهازه مغلق