ظلم الروح

البارت الثالث

.
.
.
.
.
له في قلبي حب يتسع جميع مجرات هذا الكون ♥
.
.
.
.
.

تقرب راد يبوسني من شفتي اني غمضت  عيوني  فززني صوت بابا وهو يصيح ع علي

تركني وراح كلي ادخلي جوه اني رحت دخلت جوه بعدني هستوني دخلت شافني حيدر

وهو شافني وصار يسمي بإسم الله ويكلي حبيبتي روحي لماما خلي تبخرج لا تنحسدين ضحكت ع سوالفه

كلي رقية اجت امي وخالاتي قبل شوية سلمي عليها عيب مهما يكون هي تبقى أمنه

رقية... يي اعرف بس اكولك أحمد سلم عليها

حيدر... أحمد ببيته بعد مجاي

عافني وطلع يركض يم الشباب أحمد بيته صار هو بيت ابوية الي چنه عايشين بي وهسه غير ديكوره ورتبه وصار آله حيدر كال وره عرس أحمد بشهر روحي اكعدي ببيته احسنلج بس اني ممقتنعة وبصراحة ما اريد اترك البيت الي عايش بي علي

دخلت لغرفتي ذبيت الفستان ولبست فستان الحفلة الجديد ورتبت تسريحتي لان كانت مخربطة من الحجاب وعطرت وطلعت

رحت لغرفة الضيوف.. الاستقبال.. دخلت شفت مره كاعدة هاي المرة شايفتها بس وييييين...... اتذكرت هاي ماما متغيرة جذريآ صايرة ضعيفة كولش وسمره ووجها مبين عليه التجاعيد تقربت عليها اسلم

هي حضنتني وبوستني وصارت تبجي بهدوء وتصلي ع النبي تكولي فدوة بنيتي صايرة عروس واحلى بنية

سلمت عليها وع خالاتي وع كل الموجودين والاقارب وكعدت بصف سارة

سارة..  رقية شو طالعة تموتين بالصالون مشفتج هيج

رقية...  قل اعوذ برب الفلق

سارة... اكولج علي شنو راد منج من نزلنا وبقيتوا لوحدكم

رقية...  اخوج حيرني أمره

سارة...  ليش؟.

رقية... تقرب عليه راد يبوسني لو ما ابوج صاح عليه

سارة...  جذذذذب عزاا اشو علي طالعة عينه جان فقير ومؤدب

رقية...  محد فقير بالدنيا... الي حيرني ليش هيج يسوي ليش يلعب بمشاعري

سارة... صوجج انت انطيتي مجال لو جايبة بكف جان مسوه هيج وياج

رقية... سارة تأدبي شنو اجيبه بكف وين كاعدين احنه بتركيا

سارة... والله كولي لروحج...... اكولج مشفتي سهام شسوت من دخلنا  الضاهر هي هم معجبه بعلي راحت كالت لامها وخالاتها ان علي ورقية يحبون بعض  حتى ماما درت ومتحلفه بيج بس تخلص الحنة اله تطيح حضج

رقية... هاي سهام شكد أخلاق سزز  هو مو صوجها صوج اخوج الي منطي مجال ويتحرش بالرايحة والجاية هسه مو هذول اخواني شو محد تجرأت وسوت هيج وياهم لان هم ممطين مجال لاي وحده واني راح اضل يومية طالعتلي وحدة ساعة عذراء وساعة سهام