ظلم الروح

البارت الثاني

رقية …

بيوم من الأيام چنت راجعة من المدرسة چنت صف سادس علمي كان آخر يوم بإمتحانات نصف السنة وراجعة فرحانة وأخيراً راح ارتاح شوية من الدراسة 

دخلت للبيت شفت ماما الي هي عمتي اسميها ماما  سلمت عليها وكعدت يمها محد چان موجود بالبيت عمو واحمد بالشغل وحيدر وعلي طلاب كلية وسارة بالمدرسة ثالث متوسط بقيت بس اني كاعدة اسولف وي ماما

شوية ودخل علي سلم وكعد يمي ماما سألته عن حيدر كلها يتأخر اليوم عدهم شغل بقسمهم طبعاً حيدر يداوم كلية ضباط وعلي كلية هندسة

علي كال رقة صبيلي اكل راح ابدل واجي  كتله تمام بديت احظر بالاكل وارتب بي صبيت اله  وهو شوية واجه كعد ياكل واني اباوع عليه كال تعالي اكلي كتله لا بالعافية تغديت اني  وهو اني كذب ميته جوع

بس علي اخجل منه كولش ارتبك من اشوفه حتى احس نفسي شوية واتخربط كوه اسيطر ع نفسي

رحت بغرفتي سمعته يصيح عليه رحت اله كتله نعم كال فوني بغرفتي ديدك جيبي

رحت اجيب فونه دخلت للغرفة شفت يم الحاسبة رحت اجيبه لگيت ع الحاسبة ورقة مكتوب عليها عشقي عذراء.....

هنا اني تخبلت احس نفسي صرت نار منو هاي عذراء وشوكت حبها وعشقها لا يا الله  مستحيل اموت والله

صارت دموعي تنزل ع خدودي مثل حنفية وانفتحت شوية ودخل علي كال رقة وينج

اني بساع ذبيت الورقة شافني علي بهذه حالتي كال رقية شبيج ليش تبجين كتله اني ممجاوبة بإمتحان اليوم صارت حجتي بالامتحان

عفته وطلعت بسرعة قبل ميسأل سؤال ثاني بهذا اليوم عرفت اني احب علي مو بس احبه لا اني اعشقه رحت لغرفتي نمت ع الجرباية وشبعت بجي

لحد مفززني صوت الباب وهو ينفتح باوعت اجت سارة شافتني اجت تركض كالت رقية شبيج ليش تبجين منو وياج شصاير بحالج

كتلها وحده وحده سؤال سؤال ع كيفج ويايه اول مرا اقفلي الباب حتى احجي براحتي

كامت تقفل الباب  سارة احسها أكبر مني بالعمر لان تفكر احسن مني عندها حكمة بتصرفاتها مو طفلة طايشة ولا دلوعة 

سارةِّ... يله احجيلي شبيج؟؟

رقية...سارة اني احبه

سارة...منو الي تحبي يمعزاية

رقية... اخوج

سارة... علي!؟!

رقية...يي علي ليش عيب لوحرام ابن عمي وحبيته

سارة...رقية بس علي يحب...

رقية...اعرف يحب وحده اسمها عذراء

سارة... ومدامج تعرفين لعد شلون سمحتي لنفسج تحبين شخص يحب غيرج
رقية...سارةمو بكيفي ولا بأيدي حبيته وانتهى الموضوع