🌸 تمرد وكبرياء 🌸
يجلس في مكتبه وتبدو عليه العصبيه ثم يرفع سماعه التليفون ويستدعي السكرتيره وبعد ثواني تأتي السكرتيره
هو: ابعتيلي بشمهندس عمر دلوقتي حالا واتفضلي الملفات دي تتراجع ومش عايز اي غلط تاني فاهمه اتفضلي يلا علي مكتبك
السكرتيره: حاضر يا فندم عن اذنك وتذهب السكرتيره الي مكتب عمر
عمر: خير يا سمر فيه ايه
سمر: بشمهندس عمر الاستاذ ادهم عايز حضرتك دلوقتي حالا وكمان بيقول ان الملفات فيها غلط وطلب مني اراجعها وشكله متعصب اوي
عمر: طيب اتفضلي انتي وانا هاجي حالا ويهم بالقيام ويذهب الي مكتب ادهم ويدخل دون استأذان
عمر: ادهم فيه ايه
ادهم بوجه غاضب: انت عارف اني مبحبش حد يدخل مكتبي من غير إذن ازاي تدخل كده
عمر بتوتر: ا.ا.نا اصل سمر قالتلي انك عايزني
ادهم: ايوه عايزك ودي اخر مره تدخل مكتبي بالطريقه دي اتفضل اقعد
عمر: طيب ياسيدي قعدت اهو خير فيه ايه
ادهم: خير ايه وحضرتك نايم في العسل والملفات كلها اخطاء انا مش قولت قبل كده مفيش ورق يجي علي مكتبي غير لما حضرتك تراجعه
عمر: يابني انا مراجع كل الملفات مش انت قصدك علي الصفقه اللي بين شركتنا وشركه عمي سالم
ادهم: ايوه انا شوفت الملفات دلوقتي وكلها اخطاء
عمر: ازاي بردو مش فاهم وريني الملفات كده طيب
ادهم: يرفع سماعه التليفون ويستدعي سمر بالملفات
سمر: اتفضل يا فندم حضرتك عايز حاجه تاني
ادهم: لا اتفضلي علي مكتبك
سمر: حاضر يافندم وتذهب السكرتيره
ادهم: اتفضل شوف الملفات اهي وياخد عمر الملفات ويفتحها
عمر: ايه دا بس مش دي الملفات اللي وصلت مكتبي
ادهم: يعني ايه
عمر: والله زي مابقولك كده مش هي دي الملفات اللي وصلت مكتبي وكمان مكنش فيها اي شرط جزائي ومن امتي اصلا اي صفقه بين شركتنا وشركه عمي بيبقي فيها شروط جزائيه
ادهم: اومال مين اللي بعت الملفات دي
عمر: صدقني معرفش بس مش دي الملفات اللي انا راجعتها
ادهم ويهم بالقيام ويتحدث بعصبيه: طيب انا ماشي وحسابه معايا اللي عمل كده
عمر: استني يابني طب انت رايح فين دلوقتي
ادهم: بعدين يا عمر انا رايح مشوار مهم وهروح علي الڤيلا
عمر: طيب
ويخرج ادهم برا الشركه ويستقل سيارته ويذهب
ــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله عامر زين
يدخل الاب عامر زين ويقول بعصبيه اسياااا اسيااااا
وتنزل اسيا من اوضتها تجري وتروح لوالدها
اسيا: نعم يا بابا
الاب بعصبيه: انا قولتلك كام مره بلاش التسرع اللي انتي فيه دا ازاي تدي امر بالهجوم من غير اشاره مني
اسيا بلا مبالاه: كان قدامي فرصه ولازم استغلها
الاب: اسيا لاخر مره بقولك غيري طريقه التعامل دي علشان مطلعش قرار بوقفك عن العمل
اسيا: اسفه يا سياده اللواء بس انا محصلش مني اي غلط في اي مهمه بستلمها علشان يتم وقفي عن العمل
وتيجي والدة اسيا علي صوتهم
نڤين: فيه ايه صوتكم عالي ليه
الاب: اتفضلي شوفي بنتك عامله رعب للداخليه كلها دا حتي الفريق بتاعها اللي كله رجاله كلهم بيخافوا منها
اسيا: حضرتك دي طريقه شغلي وطريقتي اللي مش عجباكم دي هي اللي وصلتني من الظابط اسيا للرائد اسيا عن اذنكم وتطلع اسيا اوضتها
الاب: شايفه بنتك وطريقتها
الام: انا تعبت معاها ومبقتش عارفه اعمل معاها ايه مش انت اللي شجعتها علي كليه الشرطه وانا ياما قولتلك بلاش دي بنت وانت كنت فرحان بيها وبقوتها اهي اتعقدت خالص ومبقاش حد عارف يتفاهم معاها
الاب: البنت شخصيتها قويه قدام الكل ومفيش مهمه استلمتها غير وهي راجعه قابضه علي المجرمين بس مشكلتها قاسيه في التعامل وكمان الشباب في الفريق بتاعها بيشتكي منها دي مانعه عنهم وقت الراحه دي كده بتعذبهم مش بتدربهم
الام: دا شغلكم وانتو حرين فيه انا هقوم احضر الغدا علشان زمان كريم راجع من المكتب وسچي تيجي من الجامعه
الاب: طيب وانا عندي شويه شغل في المكتب قولي لصفاء تعملي فنجان قهوه
الام: صفاء اجازه النهارده علشان والدتها تعبانه وراحت تزورها هعملها انا وهجيبهالك
الاب: طيب هقوم انا
كريم: السلام عليكم
الام: وعليكم السلام ياحبيبي
الاب وعليكم السلام
كريم: مالك يا بابا شكلك متضايق
الام: هو واسيا كالعاده
كريم: ههههههه عملت ايه تاني
الاب: ابدا يابني راعبه الداخليه كلها بس ومحدش قادر عليها
كريم: ههههههههههههه بنتك كفاءه يا سياده اللواء
الام: اطلع ياحبيبي غير هدومك وانزل علشان تتغدي
كريم: حاضر اومال سچي فين
الام: لسه مجاتش عندها محاضرات كتير النهارده
كريم: طيب لما تيجي قوليلها تطلع علي اوضتي علشان كانت عايزاني اشرحلها حاجه امبارح
الام: طيب ياحبيبي اطلع غير هدومك وارتاح شويه لحد ما الغدا يجهز
كريم: حاضر ويطلع كريم علي اوضته ويغير هدومه ويروح لاوضه اسيا ويخبط علي الباب
اسيا: ادخل
كريم: سيادة الرائد تسمحيلي اقعد معاكي شويه
اسيا: تعالي يا كريم
كريم: ايه يابنتي اللي بابا بيقولوا دا ارحمي الناس شويه مش كده
اسيا: كريم لو سمحت انا مبحبش حد يتدخل في شغلي
كريم: حاضر ياستي مش هتدخل في شغلك وتدخل عليهم سچي
سچي: خياااااانه قاعدين من غيري
كريم: تعالي يا مجنونه
سچي: تشكر يا كبير حضرت الرائد قاعده علي وشها غضب ربنا ليه
كريم: هي وبابا كالعاده
سچي: ههههههههههه
اسيا: كريم سچي يلا برا علشان عايزه اغير هدومي
سچي: ايه دا انتي رايحه فين انتي ناسيه اني عندي بطوله النهارده بردو مش هتيجي تتفرجي عليا وانا بلعب
اسيا: طيب يا سچي هاجي
سچي: طيب بس والنبي بلاش تلبسي اللبس بتاع الشباب اللي بتلبسيه دا
اسيا: سچي ملكيش دعوه هي دي طريقتي ودا لبسي وانا عجباني شخصيتي كده
كريم ويرمي نفسه علي السرير: اااه ياربي ليه كده انا عملت ايه في حياتي علشان تبليني بأختين واحده عامله فيها چون سينا كل شويه تضرب في شباب الجامعه والتانيه شبه عم عبده
اسيا بعصبيه: كرييييم
كريم: احم خلاص انا خارج اهو يا عم عبده
اسيا: وتمسك المخده وتضربه بيها طيب برا بقي
سچي: خدني معاك يا كيمووووو
كريم: يلا يا صاحبي
ــــــــــــــــــــــــــــــــــــــــــــــــــــــــــــــــــــــــــــــــــــ
في شركه والد ادهم تدخل السكرتيره
السكرتيره: سالم بيه الاستاذ ادهم برا وعايز يقابل حضرتك
سالم: طيب خليه يدخل وتطلع السكرتيره ويدخل ادهم وهو متعصب
ادهم: لو سمحت يا بابا بلغ عمرو يجي هنا حالا
الاب: خير يابني فيه ايه
ادهم: حضرته بعت ملفات غير اللي وصلت من فتره وطالب توقيعي عليها لا وكمان فيها شرط جزائي
الاب: ازاي الكلام دا طيب يابني اقعد وانا هبعت السكرتيره تبلغه يجي دلوقتي ويرفع سماعه التليفون ويطلب من السكرتيره تبلغ عمرو ويجي عمرو
عمرو: حضرتك طلبتني ايه دا ادهم هنا ازيك يا ادهم
ادهم: ممكن تقولي ايه دا
عمرو: ايه دا مش فاهم
سالم: الملفات دي وصلت شركه ادهم ازاي انت مش بعت ملفات الصفقه دي واتوقعت الملفات دي مين بعتها
عمرو بتوتر: ا.انا مبعتش اي ملفات تاني
ادهم يقوم بعصبيه: اومال ايه اللي وصل الملفات دي شركتي
عمرو: ادهم لو سمحت متتكلمش معايا كده قولتلك معرفش مش انا اللي بعتها
ادهم: طيب تمام بابا لو سمحت الصفقه دي ملغيه
سالم: اهدي بس يا ادهم
ادهم: اسف يا بابا بس دا قراري النهائي
سالم: طيب يابني انت راجع الشركه تاني ولا هتروح الڤيلا
ادهم: هروح الڤيلا حضرتك عايز حاجه
سالم: لا يابني
ادهم: طيب انا ماشي ويطلع برا الشركه ويركب عربيته ويمشي
عمرو: عمي سالم اناا.. ويقاطعه سالم
سالم: عمرو علي مكتبك ويمشي عمرو
ــــــــــــــــــــــــــــــــــــــــــــــــــــــــــــــــــــــــــــــــــ
ڤيلا سليم عمران
يوصل ادهم ويدخل الڤيلا ويسمع صوت زعيق
ادهم: ايه الزعيق دا صوتكم عالي ليه
اروي بدموع: ابيه ادهم ياسين بيزعقلي علشان بقول عايزه عربيه
ادهم: مش ياسين بيوصلك الجامعه ولما بتخلصي بتيجي معاه
اروي: ايوه يا ابيه بس انا مش عايزه ياسين يجيلي الجامعه تاني
ياسين: وليه بقي ان شاء الله
ادهم: ياسين اسكت انت ليه ياحبيبتي مش عايزه ياسين يوصلك
اروي: يا ابيه بيعاكس في بنات الجامعه وانا بقي شكلي وحش قدامهم
ياسين: متصدقهاش يا ادهم دي كدابه
ادهم بعصبيه: ياسين انا حذرتك كام مره بسبب تصرفاتك دي وبعدين ايه اللي في وشك دا
ياسين: ويحط ايده علي جرح في وشه لا ابدا ولا حاجه انا بس اتخبطت
اروي: كداب يا ابيه دا كان بيضايق واحده من صحابي وضربته في وشه
ادهم: بذمتك مش مكسوف من نفسك لما بنت تمد ايدها عليك قدام الناس
ياسين: ادهم انا....
ادهم: من غير كلام اتفضل علي اوضتك ويطلع ياسين علي اوضته
اروي: ابيه انا اسفه
ادهم: انتي رايحه فين
اروي: صاحبتي عندها بطوله كنغ فوه ورايحه احضر المباراه في النادي
ادهم: طيب تعالي انا هوصلك
اروي: لا يا ابيه شكرا انا هتصل بصحابي يعدوا عليا
ادهم قولت يلا هوصلك
اروي: حاضر يا ابيه وتمشي اروي مع اخوها في طريقم للنادي
اروي: احضر معايا المباراه والنبي يا ابيه
ادهم: حاضر ياحبيبتي وفجأة تيجي عربيه وتبقي علي وشك الاصتدام بعربيه ادهم
ادهم: اروي انتي كويسه
اروي: ايوه انا كويسه
ادهم وينزل من عربيته ويروح عند العربيه التانيه
ادهم: يعني ماشي عكس الطريق وكمان اعمي ويتفتح باب العربيه وتنزل منه بنت
البنت: والله وانت مين بقي علشان تعرفني امشي ازاي
ادهم: وانتي مش شايفه قدامك ولا اتعميتي
البنت: احترم نفسك ياجدع انت بدل ماخليك تبات في الحجز النهارده
ادهم بعصبيه: ومين بقي اللي هيخليني ابات في الحجز انتي
البنت: ايوه انا تحب تشوف
وتنزل اروي من العربيه وتروح عند ادهم خلاص يا ابيه حصل خير يلا بينا
ادهم: يلا ويبص للبنت بقرف ويمشي
البنت: طب بلاش البصه دي يا شاطر وبعد كده اعرف بتكلم مين
ادهم ويلف ولسه هيرجعلها تمسكه اروي خلاص يا ابيه علشان خاطري يلا بينا
ويركب ادهم العربيه ويمشي وهو متعصب وتطلع البنت الموبايل بتاعها وتكلم حد
اسيا: ايوه يا كريم العربيه عطلت مني انا دلوقتي في ... تعالي بسرعه متتأخرش وتقفل اسيا مع كريم
اسيا بغضب: انسان قليل الزوق والادب
ــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ياتري اسيا وادهم هيتقابلوا تاني؟
واللقاء التاني بينهم هيكون ازاي؟
