🌸 تمرد وكبرياء 🌸
ياسين: احم عمر تسمحلي اطلب منك ايد اختك تالين
تالين تتصدم من طلب ياسين وتحس بالفرحه ويدق قلبها بسرعه
اروي تفرح بالخبر وتميل علي تالين وتهمس في أذنها: مش قولتلك هيلف يلف ومش هيلاقي غيرك يا جميل
عمر: انااا لو عليا معنديش مانع بس ناخد رأي ماما والاهم رأي تالين
ناهد: انا معنديش مانع طبعا ياسين ابني ومتأكده انه هيسعدها وهيحطها في عنيه ايه رئيك يا تالين
تالين بكسوف: اللي تشوفيه يا ماما انتي وعمر
فريال: متتصوروش فرحانه قد ايه بالجوازه دي رينا يتمملكم علي خير ياولاد
عمر: طيب علي بركه الله
سالم بفرحه: يبقي نقرأ الفاتحه وياسين ياخد تالين وينزلوا دلوقتي وتختار الشبكه اللي تعجبها
ياسين بسرعه: دلوقتي احم قصدي يعني نخليها بكره ونروح كلنا
ادهم: لا انزل انت وتالين لوحدكم احسن وبعدين تتم قرايه الفاتحه ويبارك الكل لتالين اللي فرحانه جدا والفرحه باينه علي وشها وياخدها ياسين ويروحوا علشان يختاروا الشبكه
ـــــــــــــــــــــــــــــــــــــــــــــــــــــــــــــــــــــــــــــــــــــ
في العربيه عند ياسين وتالين
ياسين: احم تحبي شبكتك تكون دهب ولا الماظ
تالين بنظره حب: انا ولا عايزه دهب ولا الماظ كفايه عليا انت وبس
ياسين: طيب ويمشي بالعربيه وتبص عليه تالين بنظره معناها ليه مش باين علي وشك الفرحه زيي ياتري مابتحبنيش زي مابحبك ولا واخدني شفقه ياتري يازمن مخبيلي ايه وتنزل منها دمعه يلاحظها ياسين بس ميتكلمش معاها
ياسين لنفسه: سامحيني بس مش عارف اقبلك زوجه وحبيبه اسف يا تالين عارف انك متستاهليش كل دا بس غصب عني يمكن بعد الجواز اقدر احبك بس دا مش ب ايدي سامحيني وبعد وقت يوصلوا محل المجوهرات ويدخلوا وتختار تالين شبكتها دهب بس يرفض ياسين الدهب ويطلب من صاحب المحل يعمل نفس الشكل بس الماظ ويجيب طقم الماظ هديه ليها
صاحب المحل: طيب بس دا هياخد وقت يا ياسين بيه
ياسين: طيب هناخد الطقم دا وهعدي عليك بكره اخد منك اللي الهانم اختارته بس يتعمل بالالماظ مش دهب
تالين: ياسين دا كتير اوي
ياسين: لا مش كتير ولا حاجه يلا بينا ويخرجوا من محل المجوهرات ويرجعوا الڤيلا
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عامر زين تحديدا في غرفه كريم
يجلس كريم علي مكتبه يعمل علي جهاز اللاب يدخل والده الغرفه
كريم يقوم يقف احتراما ليه: بابا اتفضل
عامر يروح يقعد علي الاريكه ويقوم كريم يروح قعد جنبه
كريم: خير يا بابا حضرتك عايزني في حاجه
عامر: اه كنت عايز اعرف رد فعل اسيا لما عرفت ان انت طوني
كريم: يا نهار دي كان هاين عليها تضربني بالنار زي ماضربت العصابه
عامر: ههههه اختك ظابط مفيش منها المهم جيت اقولك ادهم كلمني هيقدم استقالته بكره الصبح
كريم بصدمه: ازاي دا وليه
عامر: معرفش يابني بيقولي مش مستعد يعرض عيلته للخطر بسببه وبسبب شغله
كريم: ازاي بعد ماتعب علشان يثبت برائته يقدم استقالته انا لازم اروح اكلمه ودلوقتي
عامر: روح يابني يمكن يرجع في كلامه دا وخد معاك اسيا كمان
كريم ويقوم: حاضر يا بابا عن اذنك ويروح كريم لغرفه اسيا ويفتح الباب يلاقيها نايمه يروح يصحيها
كريم: اسيا اسيا قومي
اسيا: امممممم
كريم: اسياااا قومي بقي بسرعه
اسيا بنعاس: ايه ياكريم فيه ايه عايزه انام حرام عليك
كريم ويهزها: اسيا قومي يا اسيا لازم نروح لادهم دلوقتي دا كلم بابا وهيقدم استقالته بكره الصبح
اسيا وتقوم بخضه: ايييهه انت بتقول ايه
كريم: مش وقته الكلام دا البسي بسرعه وانا هستناكي في العربيه وينزل كريم وتقوم اسيا تغير هدومها وتنزل تجري تركب جنب كريم ويمشوا في طريقم لڤيلا عمران
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله عمران
يوصلوا ياسين وتالين ويدخلوا الڤيلا
سالم: جيبتوا الشبكه يا ولاد
ياسين: ايوه
ادهم: ها يا تالين عجباكي ولا تحبي تتغير
تالين بكسوف: لا عحباني دا كتير كمان
سالم ويحضنها: لا يابنتي انتي جوهره وتستاهلي اكتر من كده كمان
عمر يروح يحضن اخته: مبروك ياحبيبتي
تالين: الله يبارك فيك ياحبيبي
ناهد بدموع وتحضن بنتها: مبروك يابنتي
تالين: الله يبارك فيكي يا ماما
ويباركوا الباقي ليهم ويرن موبايل ادهم
ادهم: ايوه يا كريم
تحس اروي بالفرحه من سماع اسمه وتبتسم وتشوفها كارما وتالين ويغمزوا لبعض ويروحوا يقفوا جنبها
كارما بخبث: تعرفي يا تالين اسم كريم دا حلو اوي الواحد كده يسمعه يبتسم لوحده
تالين بخبث: لا ولا اللي اسمهم كريم حلوين قد ايه مقولكيش
اروي بغضب وغيره: ايه ايه انتي وهي ماخلاص هي قصه ولا ايه
كارما: ههههههههه طب وانت زعلان ليه ياجميل
تالين: يابت احنا فاهمينك كويس دا الواد لما كان هنا الصبح ماشالش عينه من عليكي وانتي كنتي بتراقبيه من تحت لتحت
اروي بغيظ: وانتي كنتي مركزه في ايه ولا في ايه
تالين بحزن: احم عن اذنكم وتطلع تالين غرفتها
كارما بحزن: ليه كده يا اروي
اروي بدموع: والله مقصدش تعالي نشوفها ويطلعوا لتالين غرفتها ويدخلوا يلاقوا تالين نايمه علي السرير بتعيط
اروي تروح تقعد جنبها وتقول بدموع: اسفه والله اسفه مكنش قصدي اجرحك اسفه ياتالين سامحيني عمرها ماهتحصل تاني
كارما بحزن: تالين اروي مكنتش تقصد خلاص كفايه عياط انتي تعبانه
تالين تقوم وتمسح دموعها وتترمي في حضنهم ويعيطوا التلاته
تحت يوصل كريم واسيا ويدخلوا الڤيلا ويقابلهم ادهم
كريم: ادهم ازاي عايز تقدم استقالتك بعد التعب دا كله انت عارف كويس تعبت قد ايه علشان تثبت برائتك وترجع لشغلك
اسيا: اللي انت بتعمله دا غلط وغلط كبير كمان عياتك انت تقدر تعين ليهم حراسه بلاش تاخد قرار تندم عليه
ادهم كل دا باصص في عيون اسيا وهي بتتكلم وتايه فيهم
اسيا: انا بكلمك
ادهم: احم اسف بس دا قراري ومش هيتغير
اسيا بغيظ من طريقته: براحتك
ادهم: طبعا مش محتاجين عزومه خطوبه ياسين وتالين
اسيا بفرحه لتالين: بجد طيب عن اذنكم هروح اباركلها
ادهم بابتسامه علي تغير مزاجها المفاجئ: هتلاقيها في غرفتها هي والبنات
اسيا: تطلع تجري لغرفه تالين وتفتح الباب تلاقي التلاته بيعيطوا
اسيا: ايه دا مالكم فيه ايه
اروي: اسيا اتفضلي
تروح اسيا تقعد جنبهم: مبروك يا تالين ربنا يتمملك بخير ياقمر
تالين: الله يبارك فيكي ياحبيبتي عقبالك
اسيا: لا لا ابدا مستحيييل
اروي: هههههههه احسن السنجله چنتله
اسيا: هههههههههههه
تالين: اسكتي بقي يا بتاعه الچنتله خلينا نعرف كارما واسيا علي بعض دي كارما صاحبتي انا واروي من الطفوله تقدري تقولي احنا التلاته اكتر من اخوات ودي بقي يا كارما الظابط اسيا اللي كانت ماسكه قضية قتل جدو
كارما بابتسامه رقيقه: اهلا وسهلا
اسيا بابتسامه: اهلا ياقمر المهم عرفتوا ان ادهم هيقدم استقالته بكره الصبح
اروي بفرحه: بجد والنبي
اسيا بصدمه: انتي فرحانه
اروي: جدا انا وتالين اللي طلبنا منه كده بس مكناش متخيلين انه يعمل كده بجد
اسيا: معقول فرحانين انتو متعرفوش الصعوبات اللي واجهته وهو بيحاول يثبت برائته متعرفوش بيحب شغله قد ايه
تالين: بس احنا يا اسيا بنحبه اكتر ماهو بيحب شغله وخايفين نخسره ابيه ادهم ضهر وسند لكل واحد في العيله دي
كارما بحزن: يا اسيا انتي متعرفيش يعني ايه يكون ليكي سند وتخسريه انا امي كانت سندي وحمايتي بس ماتت من بعدها حسيت اني مليش ضهر ولا سند يمكن كنت صغيره لما اتوفت بس كنت بحسها سندي صعب يكون فيه حد من اهلك بتحسيه سندك وفجأة تخسريه
اسيا: فهماكم وحاسه بخوفكم عليه بس ليه هو يدفع التمن ويتحرم من شغله طيب علي العموم هستأذن انا
تالين: اكيد هتحضري الخطوبه
اسيا: اكيد عن اذنكم وتنزل اروي وراها بحجه انها هتوصلها بس الحقيقه هي نازله علشان تشوف كريم وتنزل تحت واسيا تروح لاخوها اللي قاعد مع ادهم وياسين وعمر وعمرو
اسيا: مش يلا بينا
كريم: اه يلا بينا ويشوف اروي يبصلها بنظره عاشق ونفسه لو يتكلم معاها مره واحده بس وتبصله اروي بنفس النظره
اسيا تلاحظ نظارتهم: احم كريم مش يلا ولا ايه
كريم: ا.ا.ه يلا بينا عن اذنكم يا جماعه
اروي: احم اسيا ابقي قولي لسچي اني عايزاها بكره تعدي عليا هي والبنات بعد الجامعه هننزل نشتري فساتين الخطويه
ياسين يسمع اسم سچي قلبه يدق بسرعه ويحس باالفرحه انها هتيجي بكره وهيشوفها تاني بس يسأل نفسه ياتري ليه هو فرحان طب ليه قلبه مش بيدق كده لما بيكون مع تالين ليه مش بيفرح كده لما بتكون تالين معاه
اسيا: طيب ياحبيبتي هبلغها ان شاء الله عن اذنكم وتيجي تخرج هي وكريم من الڤيلا بس يسمعوا صوت ضرب نار جي من الجنينه ويجي ادهم يقوم يشوف فيه ايه
ياسين: لا خليك انت يا ادهم انت لسه عامل عمليه النهارده
اروي بخوف ودموع تجري علي ادهم وتحضنه: ابيه الله يخليك اوعي تخرج خليك هنا وينزلوا كارما وتالين بيصرخوا وخايفين تجري تالين علي عمر اخوها وتجري كارما علي عمرو
تالين ببكاء شديد: فيه ايه هو احنا هنعيش عمرنا كله كده في حرب
كارما بدموع وخوف: عمرو انا خايفه
عمرو يحضنها جامد متخافيش ياحبيبتي.
ادهم موبايله يرن: ايوه يا نادر: ادهم عاصم وعلاء هربوا النهارده اثناء ترحيلهم علي النيابه ومفيش اي اثر ليهم انا دلوقتي حي وجايب قوه معايا علشان نحمي الڤيلا
ادهم بزعيق: يعني ايه عاصم وعلاء يهربوا وانتو ايه هناك بهايم اكيد هما اللي بره وهجموا علي الڤيلا
نادر بصدمه: اييهه طيب احنا داخلين علي الڤيلا اهو سلام
اسيا بغضب: يعني ايه يهربوا ازاي يهربوا والحراسه اللي معاهم كانت فين كانوا نايميييين
عمرو: عاصم مستحيل يتغير
عمر: لازم نوقفهم عند حدهم
اسيا وتطلع سلاحها: انا هخرج حالا
ادهم يمسكها من ايدها بخوف: لا انتي لا احم قصدي المكان بره خطر عليكي
اسيا وتحس انه بجد خايف عليها: احم مفيش وقت لازم اخرج والا هيدخلوا الڤيلا بس يتصدم الكل والرعب يحتل المكان لما يلاقوا عاصم وعلاء قدامهم ومعاهم رجالتهم
سالم معاه فريال وعمر يروح عند امه وياسين ياخد تالين في حضنه وعمرو ماسك كارما ويقف معاهم كريم ويتحرك ادهم واسيا ويقفوا قدام الكل علشان الباقي يبقي وراهم وبكده يكون اسيا وادهم هما اللي الواجهه
عاصم بشر: اهلا بيكي ياخضرت الظابط دا انتي رجلك خدت علي المكان اوي
اسيا ببرد :اه شوفت بقي وانت رجلك هتاخد علي السجن بس لما ترجعله
علاء: هههههههههه نرجع السجن تاني انتي فاكره ان حد فيكم هيقدر يسلمنا تاني لا طبعا عارفه ليه لاني هخلص عليكي انتي وادهم دلوقتي حالا ويرفع مسدسه بس يقف علي صوت عاصم
عاصم: لا استني محدش هيخلص علي الحلوه غيري
كارما بدموع: ليه ليه بتعمل كده لييييه انت غلطت ولازم تتحاسب
عاصم ببرود: وانتي بقي اللي هتعرفيني ايه الغلط وايه الصح
كارما بحزن وبدموع: ياخساره يا خساره
تالين بدموع: وانت يا با..اه صح نسيت انك متستاهلش كلمه بابا
علاء: تالين انا عملت كل دا علشانك انتي واخوكي
تالين: ههه وبجد اشكرك علي اللي عملته بنيت ليا انا واخويا افضل مستقبل عارف مستقبل ايه انك هتهلي الناس تعايرنا بأن ابونا مجرم و قاتل بجد يا الف خساره
عاصم: انتو فاكرين ان الكلام دا هياكل معانا اخرسوا انتو الاتنين بدل ما اخلص عليكم
علاء بغضب: عااصم لو فكرت تعمل حاجه في بنتي هقتلك انت فاهم ويجي يحاول ياخد منه المسدس ويتعارك هو وعاصم وفجأة تخرج رصاصه وتصيب صاحب نصيبها ويسيطر الصمت علي المكان ويقطع الصمت دا صوت عمرو بيصرخ
عمرو بصريخ:....
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم: ياتري الرصاصه صابت مين؟
وعلاء وعاصم هيتقبض عليهم تاني ولا هايهربوا قبل ما نادر يوصل؟
وفعلا ادهم بدأ يميل لاسيا؟ ودي بدايه حبهم؟
وايه مصير حكايه تالين وياسين؟
