🌸 تمرد وكبرياء 🌸
اسيا: لاااا انت زودتها اوي يا جدع انت انا نازله وعنك مانزلت هي ناقصه وتسيبه اسيا وتمشي
ادهم يتصدم من غضبها بس يبتسم علي مشيتها الطفوليه ويقوم وراها وهو يتوعد لها علي غضبها ويشوفها نازله في الاسانسير اللي فيه عطل يتصدم ادهم ويجري عليها بس يتقفل الباب يوقف مصدوم لااا مش دي نهايتها يفوق ادهم ويصرخ ب اسمها ويجري علي السلم وينزل تحت يصرخ وينادي علي الامن ويتجمع صوت الموظفين وباقي فريق الحمايه علي صوت ادهم
الامن: خير يا باشمهندس فيه ايه
ادهم: اسيا في الاسانسير العطلان
الامن: الاسانسير شغال يا باشمهندس والعطل اتصلح من يومين
اسيا: فيه ايه
يلف ادهم اول مايسمع صوتها ويجري عليها ويشدها لحضنه بقوه قدام الموظفين
ادهم بخوف: الحمد لله انك بخير كنت هموت من القلق عليكي لو حصلك حاجه كنت همو... وينتبه ادهم للموظفين اللي واقفين مستغربين الموقف ويبعد عن اسيا.. احم يلا بينا يا حضرت الظابط
اسيا باحراج وكسوف تبص ل ادهم بغضب: طيب يلااا
ويخرجوا من الشركه ويركبوا العربيه ويرجعوا علي الڤيلا وطول الطريق نظرات اسيا لادهم كلها غضب وتوعد
ــــــــــــــــــــــــــــــــــــــــــــــــــــــــــــــــــــــــــــــــــــــــــ
في لندن في الجامعه عند سچي
تصحي من نومها تلبس هدومها وتأدي فرضها وتنزل تركب عربيتها وتذهب للجامعه وبعد وصولها للجامعه تنزل من العربيه وتمشي في طريقها للكافيتريا بس تخبط في شاب وتقع شنطتها في الارض تبص للشاب بغضب وتحس من شكله انه مصري
سچي بغضب وتتحدث باللغه العربيه: مش تفتح يا جدع انت
الشاب برفعه حاجب: عرفتي منين اني مصري
سچي: واضح من شكلك
الشاب: من شكلي!!! من شكلي ازاي يعني
سچي باحراج: احم قصدي يعني باين عليك مصري
الشاب ب ابتسامته الساحره فهو شاب بشرته بيضه عيونه زرقه طويل جسمه رياضي: طيب ياستي انا اسف مكنش قصدي ويوطي يجيب شنطه سچي من الارض.. اتفضلي واسف مره تانيه
سچي بابتسامه: حصل خير عن اذنك
الشاب: احم استني رايحه فين
سچي: احم اصل انا اول يوم هنا في الجامعه ومعرفش حد
الشاب: كليه ايه استني خليني اخمن!!! حقوق
سچي: هههههه اه حقوق
الشاب يسرح في ضحكتها اللي سحرته وعيونها العسليه
سچي: ياااااا بتكلم
الشاب: احم اكرم اسمي اكرم
سچي: وعرفت منين اني في حقوق
اكرم: اصل انا كمان في حقوق قولت يمكن امي دعيالي ويكون القمر معايا
سچي بغضب: افندم وتسيبه وتمشي
اكرم بضحك: هههههههه استني بس بهزر معاكي خلاص ياستي انا عرفت من دي ويديها فايل فيه ورق
سچي: اه الفايل احم انا اسفه
اكرم بابتسامه: حصل خير ويمد ايده ..تقبلي نكون اصدقاء
سچي بابتسامه: اكييد انا سچي
اكرم بابتسامه: اكرم
سچي: اتشرفت بمعرفتك
اكرم: الشرف ليا تعالي بقي اما اعرفك علي صحابي كلهم مصريين هتحبيهم اوي
سچي: اوكي يلا بينا ويروحوا لكافيتريا الجامعه
اكرم: اهم صحابي هناك تعالي ويروحوا علي ترابيزه يجلس عليها 3 شباب و 3 بنات
جاسر: اهو كيمو وصل يا جماعه
بسمله: اهلا ياسي كيمو ما لسه بدري
نوران: كنت فين كل دا انا كلمتك من بدري وقولتلي دخلت الجامعه
مازن: تلاقيه كان بيعلق مزه ههههههه
مالك: ايه يا جماااعه اهدوا علي الواد
نرمين: اخرس انت يا مازن محدش هنا بتاع بنات غيرك
مازن: شهاده اعتز بيها
اكرم: خلصتوا رغي اعرفكم دي سچي اول يوم في الجامعه النهارده ومعانا في كليه حقوق اعرفك يا سچي بسمله نرمين نوران مالك جاسر مازن
سچي: اتشرفت بمعرفتكم
مازن: دا انت اللي شرفتنا ومورتنا يا قمر
بسمله: ماااااازن
مازن احم الشرف لينا يا سچي اقعدي واقفه ليه
الكل: هههههههههه
نرمين بابتسامه: نورتينا ياقمر
سچي: ميرسي ياقلبي
نوران: سنه كام يا سچي
سچي: انا في سنه 2
جاسر: واحنا كمان معاكي
اكرم: واحنا مين اتكلموا عن نفسكم لو سمحت
بسمله: ومين قدك اخر سنه ليك وهتخلع وتسيبنا
سچي: ايه دا انت في سنه 4
اكرم: ايوه دي اخر سنه ليا
مالك: يابختك يابن المحظوظه
اكرم: يخربيت فقرك ياشيخ بطلوا قر بقي علشان تعدي علي خير
سچي: ربنا معاك
بسمله: انا هحضر المحاضره هتحضروا
اكرم: سچي هتحضري
سچي: ايوه هحضر هي دلوقتي
بسمله: ايوه فاضل 5 دقائق وتبدأ
نوران: انا جايه معاكم
نرمين: وانا كمان
بسمله: طبعا ال 3 بشوات مش هيحضروا زي كل مره
مازن: لما انتي عارفه بتسألي ليه ها
مالك: يلا يا ماما اتكلي علي الله منك ليها
جاسر: انتو عيال فاضيه احنا مش فاضيين
نوران: لا والله وراك ايه حضرتك
مالك: بذمتكم فيه حد يسيب المزز دي ويروح يحضر معاكم المحاضره امشي يابت منك ليها عبو اشكالكم غفر بصحيح
نرمين: طااااااايب صبرك عليا لما اخلص المحاضره يلا يا بنات
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله عمران
فريال: وانتو بقي مش ناويين تنزلوا الجامعه
اروي: ليه النكد دا طيب يا فيري
ناهد: بقالكم شهر منزلتوش الجامعه يابنتي هتتفصلوا كده
كارما: ان شاء الله هننزل من بكره!!! اروي اشوفك بكره في الجامعه بقي
فريال: ليه يابنتي مامتي معانا هنا اهو روحوا مع بعض
كارما: لا يا طنط ميرسي عمرو جي حالا وهياخدني
عمرو: السلام عليكم
الكل: وعليكم السلام
فريال: ليه ياعمرو يابني هتاخد كارما
عمرو وعنيه علي اروي اللي تشوفه تبصله بنظره اسف: والله ياطنط هي اللي طلبت مني اجي اخدها
ناهد: ليه يا بنتي حد زعلك
كارما: لا طبعا يا طنط بس بحب اكون في المكان اللي ماما مانت فيه وحشتني اوي
اروي: تصقي انك واطيه ابت يعني هتسيبيني انام لوحدي وانتي عارفه اني بخاف
كارما: معلش ياقلبي ماحنا هنتقابل في الجامعه
اروي: طيب خلي بالك من نفسك
كارما بابتسامه: حاضر يا حبيبتي
ويمشي عمرو وكارما ويجي ياسين وتالين
ناهد بخوف: مالك يابنتي وشك ازرق تاني ليه
ياسين: مفيش يا طنط بس هي اصرت نروح الملاهي ووديتها
اروي: تالين حبيبتي انتي كويسه
تالين: انا كويسه يا جماعه مفيس حاجه
ادهم بصوت جهور: يااااسيييين
ياسين: ايوه يا ادهم
ادهم بغضب: ازاي تمشي من غير الحراسه
ياسين: فيه ايه يا ادهم اولا احنا بالنهار ثانيا انا راجل واقدر احمي نفسي ومراتي كويس اوي
ادهم بعصبيه: يااسيين اول واخر مره تخرج من غير حرااسه مفهوووم
يبصله ياسين بغضب: مفهوم ويسيبه ويطلع علي غرفته
وتطلع وراه تالين
فريال: ليه كده يا ادهم يابني تحرجه قدامنا
ادهم: يا ماما انا خايف عليه
اروي: انا هنزل الجمعه من بكره يا ابيه
ادهم: طيب ياحبيبتي نادر هيكون معاكم
اروي: اوكي هطلع اذاكر المحاضرات اللي فاتتني البت ريتاچ طلعت عيني عقبال ما بعتتهالي
ناهد: طيب يا حبيبتي ربنا معاكم وتطلع اروي
فريال: عمرو كان هنا ولسه ماشي هو وكارما
ادهم: طيب عن اذنكم هطلع غرفتي
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا فريد المنشاوي
فريد المنشاوي: محمد انت رايح الشركه امتي
محمد: شويه كده يا بابا رامي هيعدي عليا
فريد المنشاوي: ماشي يابني ربنا معاكم
جميله: صباح الخير
محمد: صباح النور ياقلبي
فريد المنشاوي: صباح الخير ياحبيبتي
جميله: بابا لو سمحت انا عايزه انزل ابدأ شغل في المستشفي تاني
فريد المنشاوي: بس انتي لسه تعبانه يابنتي
محمد: ايوه ياجميله انتي لسه تعبانه
جميله: يا محمد انا بقيت كويسه ومش عايزه اقعد في البيت عايزه انزل شغلي
فريد المنشاوي: يابنتي احنا خايفين عليكي
جميله: ياحبيبي والله انا كويسه بس
ويقاطعها صوت اياد
اياد: بس ايه مفيش شغل دلوقتي
جميله: انا بكلم بابا وبعدين انت ايه اللي جابك هنا
اياد: واضح يا هانم ان انتي ناسيه اني جوزك
جميله: وانا طلبت الطلاق
محمد: ايه
فريد المنشاوي: ايه اللي انتي بتقوليه دا ياجميله عيب كده
جميله: انا اسفه يا بابا بس انا فعلا طلبت الطلاق ومش هرجع في قراري تاني
اياد وهو يتنهد لكي يخفف من عصبيته: جميله تعالي نقعد الاول ونتكلم بلاش نفرج الناس علينا
جميله: وانا مش هقعد معاك وقولت طلقني يا اياد وتسيبه وتطلع علي اوضتها
محمد: معلش يا اياد انت عارف ان هي لسه تعبانه وكل حاجه هتبقي كويسه بأذن الله
اياد: لو سمحت ياعمي ممكن اطلعلها
فريد المنشاوي: اكيد يابني اتفضل ربنا يهدي الامور بينكم
ويطلع اياد عند جميله الاوضه
جميله انت ازاي تدخل الاوضه من غير إذن
اياد: تفتكري اني محتاج إذن علشان ادخل اوضه مراتي
جميله: وانا مش كل مره هقولك اني طلبت الطلاق
اياد: وانا مش هطلقك ياجميله علشان ببساطه انا مش هقدر اعيش حياتي من غيرك
جميله: وانا مش عايزه اعيش معاك
اياد: جميله ارجوكي اسمعيني وحاولي تفهميني بلاش تضيعي الحلو اللي بينا بسبب قرار سريع
جميله: وانا مش هرجع في قراري تاني
اياد بحزن: جميله طيب اسمعيني لاخر مره وبعد كده خدي القرار اللي يريحك وصدقيني مهما كان قرارك هيتنفذ
جميله بقوه عكس مابداخلها: اسفه يا اياد بس مبقاش ينفع اسمعك لو سمحت طلقني
اياد بحزن ودموع في عينه: حاضر ياجميله هطلقك انتي طالق ياجميله اتفضلي الكاميرا دي ياريت تفتحيها وتشوفي اللي فيها كويس عن اذنك ويسيبها ويمشي والدموع في عنيه ونقعد جميله علي السرير وتعيط وبعد شويه تمسح دموعها وتمسك الكاميرا وتفتحها وتشوف اعتراف مايا وميرڤت وتتصدم ازاي هي اتسرعت كده ويدخل عليها محمد
محمد: عرفتي بقا ان اياد بيحبك ومستحيل يخونك
جميله: انا غلطت يا محمد غلطت اياد طلقني وتترمي في حضنه وتعيط
محمد: اهدي ياجميله خلاص ارتاحي
جميله: اهدي ازاي بس اياد خلاص طلقني وهيبعد عني
محمد: ياحبيبتي اياد بيحبك مستحيل يبعد عنك
جميله: محمد لو سمحت احكيلي كل حاجه حصلت وانا مخطوفه
محمد: حاضر ياقلبي بس ارتاحي ويحكي محمد لجميله اللي حصل وازاي اياد انقذها من اللي كان بيحاول يعتدي عليها وازاي مايا وميرفت وتالا خططوا
جميله: ليه كده انا عملت ايه لكل دا عملت ايه وتنهمر دموعها
محمد: اهدي ياحبيبتي انتي تعبانه ارتاحي دلوقتي وكل حاجه هتبقا تمام بأذن الله
ــــــــــــــــــــــــــــــــــــــــــــــــــــــــــــــــــــــــــــــــــــــــــ
في غرفه ياسين وتالين
تطلع تالين ورا ياسين تلاقيه قاعد علي السرير ومخنوق من طريقه ادهم تروح عند الدولاب وتاخد هدوم وتدخل تاخد شاور وتخرج من الحمام لابسه قميص نوم شفاف يشوفها ياسين يقوم يوقف تروح تالين توقف قصاده وتحضنه
تالين بحب: قولت اعملك حاجه اشكرك بيها علي اليوم الجميل دا
يبصلها ياسين ويفهمها ويبتسملها ويشدها لحضنه تاني ويحضنها بقوه ويبوسها من شفايفها ويشيلها يحطها علي السرير و......
(وتسكت شهرزاد عن الكلام الغير مباح 🤭) ويلت بقي عشان عيب 🚶🚶
ــــــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ياتري اكرم هيكون ليه دور في حياه سچي علشان تنسي ياسين وياتري هتعرف تنساه
