🌸 تمرد وكبرياء 🌸
اخر احداث البارت السابق
ياسين: يضربهم ويخافوا الشباب ويهربوا ويمسكها ياسين من ايديها ويركبها العربيه بتاعته بالعافيه
سچي: ايه اللي انت عملته دا انا معايا عربيتي لو سمحت نزلني
ياسين يبص ليها وقلبه يدق بسرعه
سچي: تبص ليه وتشوف نظرته ليها قلبها يدق ليه بسرعه ويقرب منها ياسين اكتر واكتر وهي تغمض عنيها وتستسلم لمشاعرها واحساسها ويلمس شفايفها ويبوسها بوسه طويله وتتجاوب سچي معاه وتفتح عينيها فجأة وتبعد عنه بسرعه بصدمه
ياسين بصدمه: ا.ا.انا ا.ا.سف معرفش ازاي عملت كده سچي انا اسف سامحيني والله انا..
وتقاطعه سچي بصفعه قويه يتصدم ياسين من رد فعلها القوي وتحاول تنزل من العربيه بس يمسكها ياسين
سچي: سيبني اوعي تلمسني والا قسما بالله هقطع ايدك نزلني بدل ماصوت والم عليك الناس انت بني ادم حيوان حيواااان ومتستاهلش البنت اللي بتحبك وعايشه بس علشانك انت فعلا زباله ومتستاهلش حبها ليك انت زبااااااااله
ياسين بزعيق: بس بقي كفااايه كفااايه حتي انتي هتتكلمي زيهم انتو ليه مش عايزين تعرفوا اني مش بكره تالين انا مش بكرهاا انا بحبها بس حب اخوي وبخاف عليها زي ما بخاف علي اروي بالظبط افهموني ليه محدش بيفهمني ليييه كلكوا كده ليه محدش بيسمعني لييييييه
سچي: انا مش فاهمه حاجه
ياسين بحزن: ويحكيلها ان عمه علاء طلع هو المجرم وقالها علي شغل ادهم وازاي تالين انهارت بعد اللي حصل وطلب والده منه انه يتجوز تالين ولو رفض هيخسر اهله وشغله
سچي: وايه المانع انك تتجوزها البنت بتحبك جدا وهتكون سعيد معاها انا متأكده
ياسين بحزن: بردو محدش فاهمني اتفضلي انزلي واسف علي اللي حصل
سچي تحس بالحزن علي حالته وتحس بوجع في قلبها تقول لنفسها: ليه قلبي وجعني لما شوفتك كده ياتري ليه ليه حسيت كده وانا معاك: احم طيب عن اذنك وتنزل سچي وتركب عربيتها وتمشي
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله عمران تحديدا في غرفه تالين
اروي: يا تالين مينفعش كده لازم تاكلي ياحبيبتي
تالين بدموع: صدقيني مليش نفس
اروي: بردو لازم تاكلي علشان التعب اللي باين عليكي يا تالين الدكتور طلب من ياسين تعملي شويه تحاليل
تالين بصدمه: بتقولي اييهه
اروي: دا اللي حصل وبعدين يا تالين من رأيي تقوليلهم الحقيقه
تالين: اوعي يا اروي تقولي حاجه بجد عمري ما هسامحك ابدا
اروي بحزن علي حالها: حاضر يا حبيبتي المهم ترتاحي ممكن تاكلي بقي وانا ياستي هكلم كارما والبنات يجوا بكره بعد الجامعه ونقعد مع بعض بس الاول تاكلي
تالين: صدقيني يا اروي مش عايزه
ويدخل ادهم الغرفه: ولو قولت علشان خاطري
تالين: ابيه ادهم اتفضل انت كويس دلوقتي
ادهم: ايوه ياحبيبتي انا كويس هاا الجميل زعلان ومش عايز ياكل ليه
تالين: ماليش نفس يا ابيه
اروي: حاولت معاها كتير بس بتقولي مليش نفس كلمها يا ابيه يمكن تسمع منك
ادهم: طيب يا اروي هاتي انتي الاكل دا واخرجي وسيبيني معاها شويه
اروي: حاضر يا ابيه وياخد منها ادهم الاكل وتخرج اروي بره الغرفه
ادهم: بصي يا حبيبتي انا هتكلم معاكي كأب وأخ مش معني ان والدك غلط يبقي وحش لا هو عمل كده علشان حس ان ممكن حقكم يضيع والاعمال بالنيات مش هقول هو برئ لا هو غلط وهيتحاسب علي غلطه بس هو والدك في الاول وفي الاخر وبيحبكم وبردو مش معني انه مبقاش معاكم هنا يبقي بقيتوا اغراب لا البيت دا بيتكم واعتبرينا احنا اللي ضيوف فيه فاهمه اوعي تفكري في يوم انكم هتبقوا تقل علينا خليكي دايما عارفه ان دا بيتك وبعدين البيت دا بيت جدك الله يرحمه هو صاحب البيت وهو صاحب الفلوس اللي معانا دلوقتي يعني متقوليش دا بقي بيت عمي واحنا هنا ضيوف فيه لا ياحبيبتي البيت دا بيت العيله كلها بيت عائله عمران وهيفضل لعيله عمران وانتي اسمك علي اسم العيله دي انتي واخوكي ووالدتك ليكم حق في البيت والشركه والفلوس وكل حاجه تخص ثروه عائله عمران انتو ليكم فيها فهماني اوعي تحسسي نفسك انك تقيله علي حد انتي عايشه في بيتك والفلوس دي فلوسك وليكي حق هنا زي ما كل واحد ليه حق
تالين بدموع: ياااه يا ابيه انت كويس اوي يمكن انا محظوظه علشان عندي عيله زيكم ويمكن محظوظه اكتر اني عندي أخ زيك انا بحبك اوي يا ابيه وتترمي في حضنه وتبكي
ادهم: وانا حنبك ياحبيبتي وهفضل دايما ضهرك وسندك ووعد مني وقت ماتحتاجيلي هتلاقيني في ضهرك بس علشان خاطري ممكن تاكلي
تالين: حاضر يا ابيه بس عارف البنت اللي اسمها اسيا دي كويسه اوي وطيبوبه اوي اوي امبارح لما كنت تعبانه خدت بالي انها كانت بتعيط شكلها وهي بتعيط يقول من جواها طيوبه اوي نش قويه زي ما باين عليها
ادهم يبتسم ويدق قلبه من سماع اسمها ويقول لنفسه: فعلا هي ملاك وزي الاطفال: احم طيب يلا بقي علشان تاكلي وكمان بالليل عمك عايزك في موضوع وهيكون مجمع العيله كلها كمان
تالين: عايزني انا طب ليه
ادهم: خلي اكل بس وغيري هدومك دي بدل مانتي شبه البلياتشوا كده وانزلي وهتعرفي
تالين بصدمه: ياخبر ايه دا صحيح شكلي عامل كده ليه هههههههههه ويدخل عمر الغرفه
عمر: احم ادهم جرحك اخباره ايه دلوقتي
ادهم: كويس يا سيدي وبعدين قاعد في غرفتك كل دا ليه يا باشمهندس مش فيه شغل في الشركه ولا استغليت اني مسافر وطنشت لا اوعي انا رجعت اهو وهنفخك شغل من تاني
عمر: احم مانا كنت عايزك بخصوص الشركه روحتلك غرفتك بس سعاد كانت بتظبطها وقالتلي انك هنا
ادهم: كنت عايزني في ايه فيه مشاكل في الشركه
عمر: لا احم بس كنت عايز اقدم استقالتي
تالين بدموع: ايييه
ادهم: انت اتجننت استقاله ايه دي اللي تقدمها
عمر بحزن: مليش حق فيها خلاص ولا بقيت استاهلها مليش عين اروح الشركه بعد اللي بابا عمله يا ادهم
ادهم: لا حول ولا قوه الا بالله يابني ادم افهم بعيدا عن اللي ابوك عمله البيت دا بيتك والشركه شركتك والشركه اللي انا فيها انت شريك فيها ولا نسيت والفلوس فلوسك ازاي تقدم استقاله من حاجه انت ليك حق فيها
تالين: ياعمر زي ما ابيه ادهم قالي من شويه احنا هنا في بيت جدو والفلوس دي فلوس جدو وبعدين عمو سالم مش هيسمحلك بحاجه زي دي ابدا
عمر: ادهم انا بجد مش عارف اقولك ايه ويترمي في حضنه وتنزل دموعه
ادهم: لا بقي يادي الليله السوده غرقتوني دموع ياعم ابعد كده
تالين: هههههههههه
ادهم: طب كويس تالين ضحكت ايه ايوه كده اضحكي انتي ملكيش دعوه بالواد الاهبل دا
عمر: انا اهبل احم طب اسكت يا باشا علشان انت دلوقتي واحد لسه عامل عمليه يعني مش قدي
ادهم يقوم يقف قصاده: مش قد مين يالا
عمر: بهزر يا باشا ايه مبتهزرش يا رمضان ولا ايه
ادهم: طب يلا يا خفيف اجهز وانزل علشان عمك عامل اجتماع عائلي وعايزك فيه وانتي يا تالين كملي اكلك وغيري هدومك وانزلي
تالين: حاضر
عمر: طيب انا جاهز صحيح عملت ايه في موضوع عاصم هو اتقبض عليه علشان مشتبه فيه
ادهم: لا دا عاصم دا طلع مصيبته سوده دا هو السبب في موت مراته وكمان عمر انا كلمته وهيجي النهارده هو واخته علشان عمك عايزهم في الاجتماع العائلي
عمر: طيب دلوقتي نفهم يلا بينا ننزل
ــــــــــــــــــــــــــــــــــــــــــــــــــــــــــــــــــــــــــــــــــــــ
في غرفه ناهد
فريال: اهدي يا ناهد كفايه بقي اللي بتعمليه دا علي الاقل خليكي قويه علشان ولادك
ناهد: انا هاخد ولادي وهشوف شقه نقعد فيها مش هقدر اقدر اعيش هنا تاني بعد اللي حصل
فريال: ايه اللي انتي بتقوليه دا انتي فاكره انك كده صح طب وحق ولادك هتسيبيه ولا نسيتي ان ولادك ليهم حق هنا زيهم زي ادهم واروي وياسين اهدي يا ناهد علشان ولادك انتي شوفتي تالين حصلها ايه والبنت مش حمل صدمات تاني
ناهد: انتي بجد طيبه اوي لو واحده غيرك كانت هتعاير ولادي بجريمه ابوهم
فريال: لا طبعا مستحيل دول ولادي وبحبهم ربنا عالم يعني لو انا مكانك كنتي هتعايري ولادي
ناهد: ابدا والله مستحيل ولادك هما ولادي
فريال: طيب خلاص اهدي ويلا بينا ننزل تحت علشان سالم عايز العيله كلها في موضوع
ناهد: طيب يلا
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عاصم الحسيني
يجلس عمرو في غرفته ويعمل علي جهازه الخاص اللاب وتدخل عليه كارما
كارما: بص بقي مانا زهقت من القاعده في الڤيلا عايزه اخرج وانت كل يوم بترفض قال ايه خايف عليا انا زهقت والله ياعمرو حرام عليك
عمرو: اعوذ بالله يخربيتك بابور ايييه خلاص افصلي
تروح كارما وتقعد فوق المكتب: لا مش هفصل وهتخرجني يا هخرج لوحدي هاا
عمرو: اهدي يابت بقي خلاص ياستي كده كده كنت هاخدك معايا النهارده عند اروي وتالين
كارما: هيييييييه بجد والله
عمرو: طفله طفله يعني عبوشكلك
كارما: يا أخي زهقت من الڤيلا والله حاسه اني في حبس انفرادي
عمرو: اونكل سالم كلمني هو وادهم وطالبين حضورنا النهارده في اجتماع للعيله
كارما: اشمعني يعني
عمرو: ادهم كلمني وقالي ويحكيلها عن سفريه ادهم واسيا وازاي طلع علاء هو الراس الكبيره
كارما بدموع: اكيد تالين تعبانه دلوقتي ومصدومه ارجوك ياعمرو قوم وديني لتالين دلوقتي
عمرو: طيب ياحبيبتي غيري هدومك وانا هستناكي تحت في العربيه
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عامر زين
بعد ماتخرج اسيا من ڤيلا عائله عمران تركب عربيتها وترجع بيتها
اسيا: السلام عليكم
نيڤين: وعليكم السلام وتروح اسيا تحضن والدتها
اسيا: وحشتيني اوووي يا ماما
نيڤين: وانتي كمان يا حبيبتي الحمد لله انك رجعتيلي بخير يابنتي احمدك واشكرك يارب
اسيا: هههههه بنتك اسد متخافيش
نيڤين: اسكتي يابنتي دا انتي كل سفريه بتوقعي قلبي لحد ماترجعيلي بالسلامه
اسيا: ربنا يخليكي ليا ياست الكل اومال فين سچي وكريم وبابا
نيڤين: ابوكي زمانه علي وصول وسچي فوق في غرفتها وكريم رجع غير هدومه وخرج
اسيا: طيب انا هطلع اسلم عليها لحسن وحشتني جدا البت دي وتطلع اسيا علي غرفه سچي وتفتح الباب وتدخل تلاقي سچي قاعده علي السرير وبتعيط
اسيا: سچي مالك بتعيطي ليه
سچي: اسيا تعالي رجعتي امتي وتمسح دموعها
اسيا: رجعت النهارده قوليلي بس مالك
سچي تفتكر اللي حصل يينها هي وياسين: احم لا يا حبيبتي مشكله بيني انا وريتاچ ومخنوقه شويه
اسيا: طيب ياحبيبتي بس ابقي روحي بكره اطمني علي اروي وتالين صحابك علشان....... وتحكيلها اللي حصل
سچي تعمل نفسها متعرفش: ياخبر مش معقول طيب بكره هروخ اطمن عليهم انا والبنات
ويدخل كريم الغرفه: اخص متجمعين من غيري وينط كريم جنبهم علي السرير
اسيا: دا انت ليك روقه انت والحيوان نادر هنفخكم صبركم عليا بس
كريم: ههههه قلبك ابيض بقي ياعم عبده
اسيا: عم عبده في عينك
كريم: هههههههه وانت ياعم الفتوه ساكته ليه مش عوايدك
سچي: بسمعكم وبعدين انتو جايين تصدعوني هنا يلا بره انا عايزه انام
كريم: بتطرديني بقي دي اخرتها شكرا يا مصر ويضربها بالمخده. انا ماشي عيال كئيبه
اسيا: وانا كمان هروح انام شويه لاني هلكاانه
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله عمران
تتجمع العائله كلها ويوصل عمرو ومعاه كارما وتسلم كارما علي تالين واروي وتقعد جنبهم ويسلم عمرو علي ادهم وعمر وسالم ويقعد جنب ادهم
سالم: اومال فين ياسين
عمر: ياسين خرج ولسه مرجعش
سالم بغضب: يعني ايه لسه مرجعش محدش كلمه وقاله ان فيه اجتماع عائلي
ادهم: انا كلمته يا بابا وزمانه علي وصول اهو وصل اهو
ياسين: احم السلام عليكم اسف علي التأخير
سالم: تعالي معايا يا ياسين دقيقه عايزك
يروح ياسين يقف بعيد عنهم هو ووالده
سالم: فكرت في اللي قولتلك عليه
ياسين بحزن: ايوه يا بابا انا موافق
سالم يحضنه: ايوه كده يابني وانا متأكد انك هتكون سعيد معاها يابني وربنا يتمملكم بخير يلا بينا علشان نفرح الباقي ويروحوا يقعدوا مع العيله
سالم: طبعا الكل عايز يعرف السبب اللي جمعتكم علشانه اولا عايز اقول ان عمرو هيبقي هو شريكي في الشركه بنصيب والده وانا هكون معاه وهساعده علشان يفهم في الشغل اكتر ويكون رجل اعمال يعتمد عليه ومش عايزك يابني تحس انك ملكش حق فيها بعد اللي ابوك عمله
عمرو: ربنا يخليك يا عمي ويباركلنا فيك
سالم: وتاني حاجه عمر هيكون ليه نصيب في الشركه بتاعه جده اللي كلنا شركاء فيها انا وولادي وطبعا تالين وعمر وكمان عمر هتفضل في مكانك زي مانت في شركتك انت وادهم
عمر: مش عارف اقولك ايه ياعمي ربنا يخليك لينا
سالم اما اروي وتالين هديه مني ليهم هفتحلهم مرسم بس هيكون هنا ف الڤيلا علشان عارف انهم موهوبين في الرسم
اروي: بجد يا بابا ربنا يخليك لينا يا احن اب في الدنيا
تالين: ربنا يخليك ياعمو بجد دا كان حلمي انا واروي
سالم: والهبر التالت هيفرح كل اللي موجود بس اللي هيقول الخبر دا ياسين مش انا
يتصدم ياسين من كلام والده
سالم: قول يا ياسين يابني اللي عايز تقوله
ياسين: احم عمر تسمحلي اطلب منك ايد اختك تالين
تالين تتصدم من طلب ياسين وتحس بالفرحه ويدق قلبها بسرعه
اروي تفرح بالخبر وتميل علي تالين وتهمس في أذنها: مش قولتلك هيلف يلف ومش هيلاقي غيرك يا جميل
عمر: انااا ......
ـــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ياتري عمر هيوافق علي طلب ياسين؟
وفعلا سچي قلبها خلاص دق لياسين؟
وياتري ابتسامه ادهم لما سمع اسم اسيا جي كده بدايه حب؟ وايه مصيرهم؟
وايه مصير سچي وياسين وتالين؟
وهل علاء وعاصم بعد ما اتسجنوا هيسيبوهم ف حالهم ولا هيحاولوا ينتقموا؟
