🌸 تمرد وكبرياء 🌸
ياسين بدموع يمسك ايديها ويقعد ويقعدها جنبه: وافقي بس يا سچي واوعدك انا هتصرف ولو علي تالين هعترفلها بكل حاجه واكيد هتفهمنا وهتساعدنا بس انتي وافقي ويملس ب ايده علي شعرها وينزل ب ايده علي خدها ويقرب ويبوس راسها هااا ياسچي موافقه
سچي بتوهان: ا.اناا بحبك اوي وتترمي في حضنه
يضمها ليه ياسين بقوه وتنزل دموعه وفجأة يرن موبايل سچي برقم اروي تحس سچي باللي بيحصل تبعد عنه بسرعه بصدمه: غلط غلط مينفعش مينفعش
ياسين بصدمه: ايه اللي مينفعش انتي لسه قايله انك بتحبيني سچي قولتلك اني هتكلم مع تالين بس ارجوكي ماتسيبنيش
سچي: ارجوك انت افهمني اللي هتتجرح دي صاحبتي مقدرش اعمل كده مقدرش
ياسين بغضب: متقدريش تجرحي صاحبتك بس قدرتي تجرحيني انا مش كده طيب يا سچي انا هتجوز تالين بس انتي كده بتدمريها لاني مش هقدر احبها علشان مفيش غيرك في قلبي ولا هيكون فيه واسف علشان مش هقدر اسعدها ولو شايفه ان سفرك دا الحل سافري مش همنعك اهربي يا سچي اهربي عن اذنك ويمشي ياسين والدموع في عنيه وتقعد سچي منهاره علي خساره حبها ويرن الموبايل تاني برقم اروي تمسح دموعها وتحاول تتماسك وترد
سچي: الو
اروي: ايه يابنتي قلقتيني عليكي
سچي: احم معلش ياقلبي بس الفون كان في الشنطه وماسمعتهوش
اروي: طيب ياحبيبتي مفيش جديد عن حاله اسيا
سچي بدموع: لسه زي ماهي
اروي: طب اهدي بس انا جيالك خليكي مكانك
ـــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عامر زين في غرفه كريم
نايم علي السرير ويفتكر لما راح ڤيلا عائله عمران لاول مره لما رجع من امريكا مع اسيا وادهم وشاف اروي هناك والاتنين اتصدموا ويفتكر كريم
فلاش باااك
في النادي يوصل كريم وينزل من عربيته ويدخل النادي وهو داخل يخبط في بنت
البنت: اااه مش تحاسب
كريم: انا اسف والله مخدتش بالي
البنت: حصل خير عن اذنك
كريم: ويسرح في عنيها اتفضلي ويتابعها بعنيه لحد ماتمشي ويمشي هو كمان يروح مكان المباراة
بااااااك
كريم بتنهيده: ياااه معقول اتقابلنا تاني دا انا من يوم ماشوفتك وصورتك مابتروحش من خيالي شكلي حبيتك يا اروي لازم بكره اتكلم معاكي ويقوم يقعد علي مكتبه ويفتح اللاب ويعمل سيرش علي الفيس يبحب عن اكونت اروي ويلاقيه ويشوف صورتها ويحس قد ايه ملامحها بريئه ويفكر يبعتلها رساله ولا لا وبعد تفكير يبعتلها طلب صداقه ويكتبلها رساله
ــــــــــــــــــــــــــــــــــــــــــــــــــــــــــــــــــــــــــــــــــــــ
عند اروي تروح لسچي وتهديها وتاخدها تقعد معاهم ويقعدوا مع بعض وتنام كارما من مفعول الادويه ويخرجوا البنات ويقعدوا بره وتفتح اروي الاكونت بتاعها وتلاقي طلب صداقه من كريم وتفكر تقبله ولا لا وبعد تفكير تقبله وتلاقي منه رساله مكتوب فيها (صباح الخير)
تبتسم اروي وترد ب (صباح النور )
كريم يفرح لما يشوف ردها: الانسه كارما اخبارها ايه
اروي: احسن شويه
كريم: مفيش اخبار عن اسيا بردو
اروي: لسه زي ماهي ربنا يقومها بالسلامه ان شاء الله
كريم: يارب
وتسكت اروي متعرفش تتكلم تاني بس تلاقي كريم بعتلها رساله تاني
كريم: حلوه صورتك اللي علي الاكونت
اروي تتكسف وتبتسم: ميرسي دا من زوقك
كريم: مش بجامل علي فكره انتي فعلا حلوه
اروي: ميرسي
كريم يبعتلها قلب احمر ❤ تشوفه اروي وتتكسف ومتعرفش ترد عليه وتقفل
تالين: احممم مالك مبحلقه في الموبايل كده ليه بتكلمي مين هااا اعترفي
اروي بغيظ: ماتتلمي يابت انتي
تالين: طب بذمتك يا سچي الابتسامه اللي علي وشها دي مش وراها إنه
سچي تحاول تداري حزنها: ههههههه اه
اروي: تصدقوا انكم رخمين اوي
تالين: اومال ياسين فين لما روحتي لسچي طلبت منه يجيبلنا قهوه
ويجي ياسين ومعاه القهوه تشوفه سچي يوجعها قلبها وتحاول تحبس دموعها ويقرب منهم ياسين بالقهوه وتقوم تالين تاخدها منه
تالين: تعالي اقعد معانا
ياسين وعنيه علي سچي: لا هنزل انا اقعد في العربيه
اروي: ماتيجي يابني مفيش حد غير سچي واحنا واخدين علي بعض عادي
تالين تمسك في دراعها: طب قوليله انتي يا سچي يمكن يوافق
سچي: احم ا.ا.تفضل اقعد
ياسين يدير وشه للجهه الاخري: لا خدوا راحتكم عن اذنكم وينزل ياسين تحت ويخبط في شاب
ياسين: انا اسف مخدتش بالي
رامي: لا عادي ولا يهمك شكلك متضايق من حاجه
ياسين: لا ابدا مفيش حاجه
رامي: ياجدع قول فضفض مش هتخسر حاجه اقولك تعالي اقعد معايا انا وصحابي هتفرفش وربونا
ياسين: ههههههه
رامي: شوفت ضحكت اهو تعالي بس وهنفرفوشك اجدع وياخد رامي ياسين ويروح يقعد في عربيته
ذياد: بني ادم بارد والله كل جا بتجيب الموبايل بتاعك
رامي: اتلم ياولا معانا اجانب
ياسين: هههه لا عادي خدوا راحتكم
رامي: صحيح متعرفناش
ياسين: انا ياسين عمران
رامي: وانا رامي ودا احمد نصار ودا ذياد نصار ومعانا اياد نصار بس فوق مع مراته
ياسين: اتشرفت بيكم
ذياد: لينا الشرف
رامي: مالك بقي وليه الحزن اللي في عنيك دا لو حابب تتكلم ممكن تفضفض
ياسين بحزن: حاجات كتير ملهاش اخر وانا اللي اتظلمت فيها انا وبني ادمه ملهاش ذنب تتظلم معايا
احمد: لاا دا انت تحكي من الاول بقي وبالتفصيل
ياسين: يحكيلهم عن جريمه عمه وحكم ابوه عليه علشان يتجوز تالين وانه هو بيحبها زي اخته والبنت اللي بيحبها تبقي صاحبه تالين وجرحته علشان متجرحش صاحبتها وتنزل دمعه من عيون ياسين
ذياد بحزن: لاحول ولا قوه الا بالله
رامي بحزن: ليه الدنيا بقت كده الاول اياد وجميله ودلوقتي انت وسچي وتالين
احمد: اسمع يا ياسين حارب الكل واكسب حبك اوعي تتنازل عن حبك مهما حصل
ياسين بحزن: وحبي رافضني ومش عايزني وكمان هتسافر بعد جوازي من تالين علي العموم ربنا يوفقها احم عارف اني صدعتكم
رامي بهزار: لا ياجدع متقولش كده احنا تافهين اصلا ومش ورانا حاجه
ذياد: تصدق انك بني ادم معندكش دم شوف احنا في ايه وانت قاعد تهزر
رامي: شوف الواد الواطي الحق عليا اني بفرفشكم
احمد: ياشيخ اتنيل بقي ونقطنا بسكوتك
رامي: هاااار اسوووووح انتو بتغلطوا فيا قدام السيااح
ذياد: هي الساعه كام دلوقتي
احمد: الساعه 5:30
رامي: لييه وراك مشوار
ذياد: لا بس قلقان علي نور
رامي: احم انا لما روحت الڤيلا شوفتها وهي كويسه
ياسين: ليكم حد هنا في المستشفي
رامي بهزار: اومال احنا هنا بنصيف
احمد: الله يخربيتك يا شيخ يابني اسكت بقي
ذياد: اه اياد مراته في غيبوبه وهو معاها فوق واحنا هنا علشان لو احتاج حاجه
ياسين: ربنا يقومها بالسلامه ويرن موبايل ياسين برقم تالين. ايوه يا تالين
تالين: ابيه ادهم هنا في المستشفي وكان عايزك وانا قولتله هتصل بيه اطلع هو قاعد معانا دلوقتي
ياسين: ادهم ايه اللي جابه
تالين: معرفش يلا بقي تعالي
ياسين: طيب جي سلام
رامي: فيه حاجه
ياسين: لا دا اخويا هنا ولازم اطلع اتشرفت بمعرفتكم يا شباب
احمد: الشرف لينا وياريت نتقابل تاني
رامي: دا رقمي وان شاء الله هنتقابل تاني
ياسين: ان شاء الله عن اذنكم ويطلع ياسين
رامي بحزن: صعب عليا اوي والله من ناحيه واحده بتحبه وهو قلبه عايز غيرها
احمد: حاجه صعبه يضحوا بحبهم علشان يسعدوا واحده تانيه مع انه كده غلط ادام مفيش حب مش هيبقي فيه سعاده
ــــــــــــــــــــــــــــــــــــــــــــــــــــــــــــــــــــــــــــــــــــــ
فوق عند البنات
يطلع ياسين يلاقي ادهم: ادهم ايه اللي جابك دلوقتي انت تعبان ولازم ترتاح
ادهم بكدب: احم كنت جي اطمن علي كارما بس من جواه جي علشان اسيا
ياسين: هي فاقت
ادهم: لا لسه نايمه
سچي: احم طيب عن اذنكم هروح اطمن علي اسيا
اروي: لا مش هتروحي انتي تعبانه وكان هيغمي عليكي من شويه خليكي قاعده
ياسين بدون وعي: تعبانه مالك فيكي ايه قومي نشوف دكتور
تالين: ياسين اهدي مش كده
ياسين ويحس انه اتسرع بالكلام: احم انا قصدي لو تعبانه نشوف دكتور
سچي: احم لا انا كويسه شكرا يا ياسين
ادهم: طيب انا شويه وراجع ويسيبهم ادهم ويروح لسچي ويفتح الباب ويدخل يقعد علي الكرسي اللي جنبها ويبصلها اوي
ادهم: طلعتي ضعيفه اقل حاجه توقعك لو ظابط بجد هتبقي اقوي من كده قومي ارجعي اسيا اللي الكل بيخاف منها ارجعي البنت القويه اللي عرفتها انا مش عارف ليه بحس بقلبي بيدق بسرعه لما بشوفك وليه بخاف عليكي مجرد مابشوف اي خطر حواليكي ليه بحب اشوف ضحكتك ليه بحب اعصبك ليه بحب عنادك معايا مع ان عمري ماسمحت لحد يعاند قصادي او يتحداني ليه يا اسيا بس تعرفي اني مش عايز الاحساس دا يطلع حب لاني بكل بساطه مش عايز احب مش عايز اي ست في حياتي بكرهم كلهم ومش عايز احبك علشان مش عايز اخسرك ويخرج ادهم يلاقي شاب قاعد قدام الغرفه اللي جنب اسيا وعنيه مليانه دموع يروح ادهم يقعد جنبه
ادهم: متقلقش هترجعلك خلي عندك ايمان ب كده
اياد: يارب بس مين حضرتك
ادهم: انا ادهم عمران
اياد: وانا اياد نصار سمعت عنكم كتير
ادهم: وانا كمان سمعت عنكم مالك لو حابب تحكي انفضل
اياد بحزن: جرحتها وظلمتها ولما حبينا بعيش حياتنا جالنا اللي يدمرنا وحرموني منها ولما رجعتها دخلت في غيبوبه وكمان خسرت ابني قبل مايجي علي الدنيا
ومش عارف لما تفوق هتسامحني ولا لا
ادهم: اكيد هتسامحك انت ملكش ذنب
اياد: ازاي وهي شافتني في حضن غيرها
ادهم: خونتها
اياد: عمري ماقدر اعملها علشان بحبها هي وبس
ادهم: ازاي شافتك في حضن غيرها
اياد: واحده حقيره خدرتني بحبوب منوم في القهوه وجميله وصلت في الوقت دا وشافتها في حضني
ادهم: اشرحلها اللي حصل يمكن تفهمك
اياد: بتمني تفهمني وماتبعدش عني لاني بيساطه مقدرش اعيش من غيرها جميله حياتي هي النفس اللي بتنفسه
ادهم: يااااه فيه حب كده حقيقي
اياد: اللي بيحب بجد بيحس بقلبه اللي بيدق لما يشوف حبيبه قصاد عنيه بيفرح لما يشوف ضحكته تعرف اني دلوقتي شايل هموم الدنيا ومستني جميلتي ترجعلي بابتسامتها اللي بتنسيني همومي
ادهم يفتكر الكلام اللي قاله لاسيا دلوقتي وليه بيفرح لما بيشوفها بتضحك ويحس انه فعلا دا حب بس وبعدين هو عقله رافض فكره الحب تماما ياتري مين اللي هيسيطر قلبه ولا عقله
اياد: بتحبها علي فكره
ادهم: احم هي مين
اياد: اللي بتفكر فيها دلوقتي واللي لسه خارج من عندها
ادهم: لا فاهم غلط دي...
اياد بمقاطعه: صدقني لو هتعاند قصاد قلبك هتخسر وهتندم بلاش تضيع وقت في القسوه والعند انت بتحبها وباين عليك اوي كمان بلاش تستسلم للعند عيشوا ايامكم بالحب علشان ولو جه وقت الندم هتخسروا كتير عن اذنك ويقوم يدخل لجميله وقلبه يوجعه عليها لما يلاقي حواليها الاجهزه ويروح يقعد علي الكرسي اللي جنب السرير ويمسك ايديها ويقول بدموع: جميله انا عارف انك سمعاني دلوقتي وحاسه بيا ارجوكي يا جميله ارجعيلي انا مقدرش اعيش من غيرك انا عارف اني غلطت في حقك كتير وكل دا حصلك بسببي بس وحياتك عندي انا ماخونتكيش ومقدرش اعملها والله فوقي ياجميله انا عارف انك سمعاني قومي ياجميله مش عارف اعيش وانتي بعيد عني مفيش حياه من غيرك ياجميلتي ويوطي اياد يبوس ايديها ويسند دماغه علي الكرسي ويروح في النوم
ويقعد ادهم قدام غرفه اسيا يفكر في كلام اياد وياخد قرار انه ......
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ياتري ايه هو قرار ادهم؟
وياتري مين هيكسب التحدي قلبه ولا عقله؟
وكده فعلا انتهت قصه حب سچي وياسين؟
وممكن ياسين يسمع كلام احمد ويحارب الكل علشان حبه ولا كده الحكايه انتهت؟
طبعا فيه ناس مش عارفه مين اياد ومين رامي واحمد وذياد دول ابطال اول روايه ليا (حطمت كبريائه)
بس ياتري ظهور الابطال هنا ليه فايده ولاا....... 🤔
