🌸 تمرد وكبرياء 🌸
في المديريه وتحديدا في مكتب اسيا قاعده ويبدو علي ملامحها الغضب ثم ترفع سماعه الهاتف وتتحدث مع شخص ما
اسيا: عايزاك وبسرعه تكون في مكتبي وتغلق الخط وبعد ثواني يأتي شاب وسيم بعيون زرقه وبشره خمريه وجسم رياضي
نادر: خير يا اسيا طلبتيني ليه
اسيا: اتفضل اقعد والكلام اللي هيحصل هنا محدش يعرف عنه حاجه وإلا قسما بالله انت عارف هتصرف معاك ازاي
نادر: ايه يا ستي فيه ايه مالك داخله عليا بالوش الخشب كده ليه
اسيا: انا عايزه اعرف اجتماع ايه اللي اتعمل وانا معرفش عنه حاجه ومين اللي استلم القضيه دي وازاي هيطلعها من غيري
نادر: اسيا انتي عارفه ان دي اسرار شغل وانا مقدرش اقول حاجه
اسيا بغضب: هو انت بتكلم عيله صغيره فاكر لما تقولي هروح افتن عليك انطق يا نادر
نادر: يتنهد حاضر يا اسيا هقولك بس سياده اللواء ميعرفش حاجه
اسيا: اخلص يا نادر مش هقول لحد حاجه
نادر: دي مهمه جديده واللي استلمها واحد اسمه
اسيا: اخلص يا نادر اسمه ايه
نادر: بصي انا مش فاكر اسمه بس سياده اللواء قال انك مش هتقدري علي المهمه دي علشان كده عين واحد اسمه اه اه اسمه الرائد حسام بس محدش يعرف عنه حاجه لانه ظابط خفي حتي احنا هنتعامل معاه من غير مانشوف شكله وطريقه التواصل بينا هتكون عن طريق سياده اللواء
اسيا: طيب اتفضل انت دلوقتي علي مكتبك وزي ماقولتلك محدش يعرف اني عرفت حاجه
نادر: طيب ويمشي نادر يروح علي مكتبه وتقعد اسيا وهي متعصبه
اسيا: طيب يا سياده اللواء هنشوف مين اللي مش هتقدر علي المهمه وهتشوف انا ولا الظابط الخفي بتاعك وتقوم اسيا تمشي وتروح الڤيلا
ـــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا سليم عمران
فريال: ياسين
ياسين: ايوه يا ماما
الام: مالك يابني
ياسين: ابدا مفيش حاجه مخنوق شويه
الام: مخنوق من ايه يابني
ياسين: متشغليش نفسك ياست الكل المهم انا طالع انام علشان ادهم قالي اكون في الشركه علي الميعاد والا انتي عارفه ابنك هيعمل فيا ايه
الام: طيب ياحبيبي ربنا يهديك
ويطلع ياسين وهو رايح علي غرفته يسمع صوت عياط من غرفة تالين يقرب علي الباب ويخبط
تالين من جوه: ادخلي يا اروي
ياسين: طب لو ياسين يدخل بردو ولا ايه النظام
تالين بحزن: اتفضل يا ياسين
ياسين: انتي لسه زعلانه مني
تالين: ابدا مفيش حاجه يا ياسين
ياسين: انا اسف انتي عارفه ياسين لما بيتعصب بقي خلاص حقك عليا وبعدين اختي الصغيره بقي استحمليني
تالين بكسره قلب: اختك
ياسين: ايه يابت انتي تطولي اصلا
تالين: وتحاول تداري دموعها بابتسامه مصطنعه اه طبعا انت اللي تطول تبقي عندك اخت زيي
ياسين: طيب يا لمضه تصبحي علي خير هروح انام
تالين: معقول ياسين هينام دلوقتي
ياسين: ماهو ياسين لو موصلش بكره الشركه علي الميعاد ادهم بعيد عنك هينفخني
تالين: هههههههههههههه والله احسن تستاهل يلا روح نام
ياسين: ايه يارب البيت اللي فرحان فيا دا ويمشي ياسين يروح غرفته وتخرج تالين وتجري علي غرفة اروي وتفتح الباب وتدخل
اروي: الله يخربيتك مش تخبطي يابنتي حرام عليكي خضتيني
تالين بفرحه: ياسين ياسين
اروي: عمل ايه تاني سي زفت
تالين: وتضربها بالمخده متقوليش عليه زفت
اروي: بت انتي هي مش ناقصه فقعه مراره عمل ايه ياسين ومالك فرحانه كده ليه مش كنتي زي المطلقه دلوقتي وقاعده تعيطي
تالين: احم ماهو اصل ياسين صالحني
اروي بصدمه: ياسين مين
تالين: هيكون ياسين مين يعني يا زفته انتي
اروي: بتهزري ياسين اخويا صالحك
تالين: ايوه يابنتي وقالي انا اسف حقك عليا متزعليش وكمان راح ينام علشان هيروح الشركه بكره مع ابيه ادهم
اروي وعلي نفس الصدمه: مين دا اللي هيروح الشركه انتي يابت سخنه ولا حاجه
تالين: والله يابنتي هو اللي قالي كده
اروي: لااااا انا كده لازم اروح واتأكد منه بنفسي
تالين: لا يا اروي بليييز سيبيه ينام حرام عليكي هيصحي بدري
اروي: ياااختي عليكي يابت يا واقعه اتقلي شويه هتفضلي هبله كده لحد امتي
تالين: ملكيش دعوه انتي بس سيبيه ينام
اروي: طيب ياختي هسيبه يتخمد ويلا طرقيني علشان هنام عندي محاضره الصبح
تالين: اوكي ياقلبي تصبحي علي خير
اروي: تلاقي الخير ياقلبي
ـــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عامر زين
كريم: ماما اسيا فين
الام: اسيا راحت المديريه
كريم: طيب ماشي انا هطلع لسچي علشان اديها هديتها
الام: طيب يابني ويطلع كريم غرفه سچي ويخبط علي. الباب
سچي من جوه: ادخل يا كيمو
كريم: عرفتي منين ان انا اللي بخبط
سچي: هو فيه حد غيرك بيعبرني يا كيمو
كريم: هههههههه اه صح مانتي مسجله خطر البيت كله بيخاف منك
سچي: صحيح انت جيت في وقتك فين هديتي
كريم: هديه هديه ليه
سچي: وتقوم تقف علي السرير نعم نعم نعم يعني اييه مجبتليش هديه
كريم بصوت هامس: بيئه بيئه يعني
سچي: سمعتك علي فكره
كريم: اتهدي واقعدي هديتك اهي اتفضلي
سچي: وتاخد منه علبه صغيره الحجم وتفتحها وتلاقي فيها خاتم ماسي وااااااااو تحفه شكرا يا كيمو
كريم: مبروك ياقلبي
وتدخل عليهم اسيا احم مبروك يا سچي علي الكأس
سچي بحزن: الله يبارك فيكي
اسيا: طيب علي العموم دي هديتك اتفضلي
سچي: شكرا
اسيا: طيب عن اذنكم وتمشي
كريم: خلاص يا سچي متزعليش ويلا نامي علشان محاضراتك وهوصلك معايا بكره يلا تصبحي علي خير يا حبيبتي
سچي: وانت من اهله
ـــــــــــــــــــــــــــــــــــــــــــــــــــــــــــــــــــــــــــــــــــــ
شخص1: عايزك تخلص النهارده
شخص2: حاضر يا باشا
شخص1: بس مش زي ماقولتلك دلوقتي مطلوب منك تجيبلي الملفات اللي هقولك عليها ومش عايز حد يحس بحاجه
شخص2: والملفات دي فين يا باشا
شخض1: اكيد في الخزنه اللي في اوضه سليم عمران
شخص2: حاضر يا باشا هتكون معاك انهارده ويغلق الخط
شخص1: تبقي عبيط يا ادهم يا عمران لو فاكر انك هتاخد مني حاجه انا عايزها ويضحك بشر
ـــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عاصم الحسيني
عمرو: كارما
كارما: نعم يا عمرو
عمرو: بتشوفي اروي
كارما: وانت عايز ايه من اروي يا عمرو
عمرو: ملكيش دعوه انتي وردي عليا بتشوفيها
كارما: ايوه وهروح بكره عندها هي وتالين
عمرو: تمام وبكره هوصلك انا
كارما: شكرا معايا عربيتي
عمرو: طيب يا كارما ماشي
عاصم: فيه ايه يا كارما بتكلمي اخوكي كده ليه
كارما: بابا لو سمحت ابعد عمرو عن اروي
عاصم: ليه حصل ايه
عمرو: ابدا بقولها هوصلك بكره وانتي رايحه عند اروي قلبت عليا
كارما: علشان عارفه طريقتك معاها وصدقني لو ادهم اخوها عرف مش هيرحمك وانت عارف كده كويس
عمرو: يوووه ادهم ادهم ادهم يطلع مين سي ادهم دا
عاصم: عمرو خلاص كفايه خناق وتعالي ورايا علي غرفه المكتب عايزك
عمرو: حاضر ويوجه كلامه لاروي وانتي استني عليا ويسيبها ويروح غرفه المكتب ويدخل
عاصم: ايه اللي انت هببته دا ازاي تعمل اوراق صفقه وهميه وتكتب فيها شرط جزائي لا وكمان تبعتها علي مكتب ادهم علشان يوقع عليها انت اتجننت
عمرو: يعني عايزني اعمل ايه اسكت واضيع الصفقه اللي اتفقنا عليها مع الباشا
عاصم: الباشا نفسه لو عرف اللي حصل مش بعيد يقتلك
عمرو: طيب والعمل هنعمل ايه ماهو لازم ادهم يمضي
عاصم: الباشا كلمني وقال هو اللي هيعمل مش احنا
عمرو: طيب اسيبك انا بقي
عاصم: عمرو مش كل يوم سهر في الديسكوهات وشرب لحد الصبح
عمرو: بسخريه ههه ليه يا عاصم بيه خايف عليا
عاصم: ولد اتكلم معايا بأدب
عمرو: ليه وهو انت متعرفش مش امي ماتت وانا ملقتش حد يربيني
عاصم بحده: عمرو
عمرو: بلا عمرو بلا زفت عن اذنك يا عاصم بيه
ـــــــــــــــــــــــــــــــــــــــــــــــــــــــــــــــــــــــــــــــــــــ
في غرفه ادهم قاعد علي اللاب بيشتغل وفجأة يسمع صوت حاجه اتكسرت تحت يقفل اللاب وينزل يشوف الصوت جي منين ويقرب من غرفه جدو ويحاول يفتح الباب بس مقفول من جوه يحاول تاني وميعرفش ويرجع لورا خطوتين ويهجم علي الباب يكسره وكانت الصدمه انه شاف جدو علي الارض مطعون بالسكينه وغرقان بدمه يجري عليه ادهم ويطلع منديل من جيب بنطاله ويشيل بيه السكينه ويرميها علي الارض
ادهم: جدي مين اللي عمل فيك كده
سليم: بصوت متقطع ا.ا.دهم يابني خلي ب.ب.الك من العيله و.وحافظ علي ا.ا.اسم العيله يا ادهم
ادهم: بدموع جدي اهدي بس ومتتكلمش انت هتبقي كويس مش هيحصلك حاجه وبصوت كله قوه وغضب انتو يا بهايم ياللي بره حد يجي هنا وتنزل كل افراد العائله علي صوت ادهم ويتصدم الكل من اللي شافوه
سالم: بابا مين اللي عمل فيك كده
علاء: ياسين اطلب الاسعاف بسرعه
عمر: انا كلمتهم وهما هيجوا حالا
سليم: خلاص يابني مش فاضل كتير
ادهم: جدي متتكلمش لحد ماتوصل الاسعاف انت هتبقي كويس
عمر: بدموع ايوه يا جدو انت هتبقي كويس وهتفضل معانا مش هيحصلك حاجه
علاء: بابا
ياسين: جدو جدو
سالم: بابا
وتجري اروي هي وتالين علي جدهم ويعيطوا
اروي: لا جدو حبيبي مش هيسيبني جدو رد عليا يا جدو انا اروي حبيبتك مش انت قولتلي انك متقدرش ترفضلي طلب انا اهو بطلب منك ترد عليا رد عليا ياجدو
تالين: جدو رد علينا ياجدو متسيبناش ياجدو جدو حبيبي رد عليا انا توته حبيبتك جدو انت دايما بتقولي انا واروي انك متقدرش تشوف دموعنا جدو قوم ورد علينا ياجدو
ادهم: وتنزل دموعه بانهيار ولاول مره وحياتك لجيبلك حقك وهنسف اللي عمل كده من علي وش الارض
وتوصل الاسعاف وتاخد جثمان الجد سليم ويروح معاه ولاده علاء وسالم ويبلغ ياسين الشرطه وادهم قاعد في غرفه جدو منهار وواخد اروي وتالين في حضنه وهما بيعيطوا
ياسين: ادهم مينفعش تنهار كده لازم تكون اقوي علشان بابا وعمي
عمر: ايوه يا ادهم احنا لازم نكون اقوي من كده علشان عمي سالم وبابا وكمان لازم نعرف مين اللي عمل كده وليه عمل كده وكان عايز ايه
ادهم: بدموع ورحمه جدي هنسف اللي عمل كده من علي وش الارض
تالين: بدموع ابيه ادهم خلاص كده مش هنشوف جدو تاني
ياسين: ادهم بص باين ان اللي عمل كده كان عايز ياخد حاجه من الخزنه بس معرفش يفتحها
ادهم ويروح عند الخزنه ولسه هيفتحها
عمر: لا يا ادهم استني متلمسهاش دلوقتي وكمان انا خدت السكينه وهسلمها للشرطه
ادهم: عمر ياسين خلوا بالكم من اروي وتالين لحد مارجع ماشي
عمر: انت رايح فين يا ادهم وهتعمل ايه
ادهم: عمر اعمل اللي قولت عليه ويخرج ادهم من الڤيلا ويركب عربيته ويطلع علي ...........
ـــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
