عِشْق وِجْدَانِي

الفصل الثاني

الفصل الثاني:

في صباح اليوم التالي كانت"ديما" تقف هي و صديقتها"دنيا"امام احد غرف الشركة يتحدثان عن مواضيع شتى حتى اقبلت عليهم "ايكز" بأبتسامة قائلةً:صباح الخير
اجابتها "ديما":صباح النور

و ما ان رأت "دنيا" ذالك الحديث حتى همست الى "ديما":

-هوا انتي تعرفيها يا ديما؟
-اه عرفاها دي جاية تشتغل هنا جديد
-طب و مالك بتقوليها و انتي مديقة كدة ليه؟
-اصل السنيورة اخذت مكاني
-اخذت مكانك ازاي يعني؟
-ما مستر كنان شغلها السكيرتيرة بدالي
-طيب و ايه اللي مدايقك ؟... دة انتي اتشال من عليكي هم قد كدة و اكيد مستر كنان هيديكي شغلانة تانية
-المشكلة مش في كدة المشكلة اني يعني زي ما تقولي عيني عليه من ساعت ما جيت الشركة و لما صدقت بقيت بشتغل شغلانة تقربو مني اكتر
-قال عنيكي عليه قال انتي عرفة انتي بتكلمي على مين ؟...دا مستر كنان يعني عندو اكبر شركات في مصر و في تركيا
-ماشي و ايه يعني هيبقى اسمي مدام ديما الشوربجي و هتشوفي
-ماشي ماشي بس علفكرة انتي لو عايزة تقربي منو مش لازم تبقي سكيرتيرة يعني
-اسكتي عشان انتي مش فاهمة حاجة اصلاً
-طب قولي بقى
-اولاً مستر كنان مابيدخلش الموظفين بتوعو الا للضرورة يعني لو مكنتش سكيرتيرة كنت مش هشوفو اصلاً
-و ثانياً
-ثانياً بقى ان هو شكلو انبهر بجمال السنيورة و عنيها الزرقة
-الصراحة حقو اصلها جميلة اوي

ضربت "ديما" "دنيا" بغيظ قائلةً:
-يا بت بطلي استفزاز انا على اعصابي اساساً....بس انا هعرف اتصرف معاها كويس
-هتعملي ايه يعني يا ديما؟
-هتعرفي بس لسة مش دلوقتي
*****************************************
توجهت "ايكز" الى داخل مكتبها و ما ان دخلت حتى تعجبت كثيراً من روعة المكان فأخيراً ستحظى بمكتبها الخاص و بعمل يليق بها
رتبت اغراضها و بدأت في العمل ،بينما هو كان جالساً على مقعده جاءه اتصالاً فهم بالرد ليسمع الطرف الآخر يقول:
-اهلاً كنان بيه ...عامل ايه؟
-تمام الحمد لله مامتك عاملة ايه دلوقتي
-احسن كتييير شكلي هنورك من بكرة
-ماشي يا عم عمر عايز ايه بقى عشان انا مش فاضيلك؟
-كنت بس بفكرك ان في إجتماع بعد عشر دقائق
-ياااه انا نسيت
-ازاي يعني انا منبه على ديما و انا طالع من عندك امبارح
-....طيب اقفل دلوقتي
-ماشي سلام

اغلق هاتفه الخاص بغضب شديد و رفع سماعة الهاتف الخاص بمكتبه و قال بغضب:
-تعليلي حالاً على مكتبي

و بعد ثواني دلفت "ايكز" الى الداخل ثم وقفت امام مكتبه قائلةً:
- ايوة يا مستر كنان
-انتي ازاي متفكرنيش ان في اجتماع بعد عشر دقائق
- اجتماع ايه؟
-هوا انا المفروض اللي اقولك...و بعدين انا احضر الورق المطلوب في عشر دقائق ازاي يعني كنتي المفروض تقوليلي قبلها بساعتين يا هانم

ثم قام من على المقعد و هو يضرب بكفه على المكتب و قال بنبرة غاضبة:
-اتفضلي اتصرفي في المشكلة اللي عملتيها دي و الغي الاجتماع
**************************************
كانت "ديما" تضع اذنها على الباب و هي تضحك بصوت غير مسموع و ما ان سمعت خطوات تقترب حتى اسرعت بالاختباء
فتحت "ايكز" باب المكتب بغضب شديد و كانت العبارات تهطل بسرعة شديدة علي وجنتيها. توجهت الى خارج الشركة. و عندما رأت "ديما" تلك العبارات على وجه "ايكز" ابتسمت بخبث و قالت في نفسها:
-البس يا معلم