#زهره_النرجس
#لقيطه
#الثاني_عشر
ويبقَى الله في كلّ حين جابراً للخواطر .
.
.
من دخل كاظم ومرته كلت هاي نهايتي صح انه غلطت من حجيت وياه بالفيس بس جنت مراهقه وكل الي اريده انتقم منه لاحبيته ولافكرت بيوم احبه
بس الناس اذا عرفت بالي جان بينه راح يألفون من كيفهم وكل واحد يحجي شكل
كاظم ... شنو الي صار ليش هاي الهوسه والكل يلوم بسم....قصدي رقيه تره النسوان ماعدهن غير الحجي وهاي جبت ام حسين تعتذر منج ولاتفتهمينه غلط هي جانت ماله خلك بعد الشي الي صار
ضجت من حركاته وطريقته بالكلام لو باقيه مرته مامعتذره الي احسن مااريد اخون هلال حتى لو بنضراتنه
هم من شافو عمهم جاي ومرته وياه طارو بي وماصدكو لان هو صاحب الحجايه بالبيت هم كعدو يسولفون ويهدون بينه بس انه وهلال واحد يباوع على الثاني واثنينه غلطنه
نعيم ... كوم بويه روح صالح مرتك وروحو للبيت انتم بعدكم عرسان جدد
اجه كعد بصفي وباسني براسي بس انه مثل الجماد ماسويت رده فعل رفعت نضري وشفت كاظم يخزر بيه شلون هلال مخلي ايده على جتفي ويعتذر مني صح هو غلطان بس انه هم عليت صوتي وكمت احجي عليه
هلال ...يلا حبيبه امشي نروح لبيتنه وقبل لانروح كومي بوسي راس امي
رقيه ... انه ماغلطانه حتى ابوس راسه هي الي غلطت عليه
هلال ... اعرف ماغلطانه بس هي اكبر منج لخاطري كومي
كمت سمعت كلامه وبست راسه وانه اشوف عيون كاظم تلحكني وين مااروح ضجت اريد بس ارجع لبيتنه
رقيه ... يلا هلال امشي نروح
هلال ... يلا تصبحون على خير راح اخذ مرتي واروح تدرون بعد عرسان جدد وعادي تصير المشاكل من اول يوم
كاظم ... باجر غداك عدنه انت ومرتك
هلال ... الله كريم عمي تصبح على خير
رحنه لغرفتنه واجو بيت عمي ورانه وطبعا عمي نعيم ماقبل على حجي مرته ولعب بيه لعب كدام اهله ومن رجعنه هم حجه عليه
رحت للحمام اغير ملابسي لبست دشداشه ربع ردن وتوصل للركبه غسلت وجهي ورحت تمددت على الجربايه بعدني ضايجه ومقهوره منه وامي اليوم ماحجت وياي هذا الي قهرني بالزايد
هلال ... شبيه عزيزتي بعده زعلانه
رقيه ... لاتكول عزيزتي لو عزيزتك جا مامديت ايدك عليه
تقدم عليه وباس راسي وخدي وهو يعتذر واخر مره واكص ايدي اذا انمدت عليج وقشمرني بالحجي واخذني لحضنه وبلحظه نسيت الزعل كله
كعدنه الصبح كال حضري نفسج نروح لبيت عمي على الغده
رقيه ... مااروح الهم ولاادخل لبيتهم
هلال ... يمعوده احنه مانريد هاي الخلافات تستمر نريد يطيح الحطب ونتصالح مااحب المشاكل ابد
