#زهره_النرجس
#لقيطه
#الحادي_عشر
في حياة كلّ منا شخص كالإبرة، إذا لمسك يزعجك ويؤلمك، قد تصرخ منه وقد يبكيك إذا وجدته، فتشبّث به جيّداً لأنّك ستدرك في النّهاية أنّه كان يُخيط لك ما مزّقتَه أنت في نفسك
فزيت شفت هلال واكف فوك راسي امي هم فزت وياي
ربيعه ... هاي يمه كعدت ومريتك مو يمك
هلال ... شسوي ياعمه اتحمل
يلا اني وراي طلعه اليوم اريد اجيب شغلات الوالد موصيني عليهن وامي اخذه وياي رقيه ترحين ويانه
رقيه ... لامااروح تعبانه كلش
هلال ... الي يسمعج يكول الليل كله اكرب عليج
عافني وطلع ادري بيه ضايج لان مانمت يمه
ربيعه ... يمه روحي سدي الباب وره رجلج وتعاي اريدج بموضوع
رحت وره هلال وهو ماحجه شي قبل لااطلع كال حضري الغراض كلهن ورانه رجعه من الصبح ماحجيت شي لان يحجي وياي من وره خشمه سديت الباب ورجعت لاامي الم بالفراش الي بالهول واسولف وياها
ربيعه ... شوفي انه امج موغريبه وتقشمريني
ودريت ماصاير شي بينج وبين هلال
ماراح اكلج ليش جذبتي عليه ولااعاتبج بس يايمه هاي مولعبه جهال وعبالج يومين وتخلص وكل واحد يروح لبيته يمه هذا زواج وراح تبقين وياه العمر كله تعيشون على الحلوه والمره
رقيه ... هسه منو الحجه شي وانه كتله من اتعود عليك يلا نسوي شي
ربيعه ... وشنو احنه وين كاعدين شنو عبالج عايشه ويا المسلسلات التركيه تره احنه نختلف عنهم شنو عبالج بدور ماراح تسئل ابنه وحته لو جذب عليه تره المره والرجال يبين اذا بينهم شي لولا واذا احد من اهلنه دره تعتبر هاي اهانه اله
رقيه ... شسوي يايمه مامتعوده عليه هو خبيث
ربيعه ... وانتي عنوديه هو رجال مايحب المره الي تعانده وتتحداه بكلشي انه ماراح اعيش وياج طول العمر ومحد دايم الج غير رجلج
رقيه .. يعني راح تعوفيني
ربيعه ...مااعوفج بس انه اتعودت هنا اروح للزياره واروح للمقبره وعفت هذيج حياتي
رقيه ... اذا هيج انه مااروح يريد يجي هو للنجف يكعد خلي يكعد انه مااعوفج
ربيعه ... شنو لعب الجهال هذا ترحين ويارجلج وانه اسبوع واجي للبصره اشوفج موبعيده عليج ولاعايفتج كومي حضري روحج لرجلج اليوم بدلي ومكيجي ولبسي من هذن الي جبتهن الج هسه هو مايجي وانتي روحي يم اهله شوي عيب من امه ورجعي المغرب حضري روحج وانه اجي باليل
يمه لاتخلين احد يحجي عليج ويكولون ربيعه ماعرفت تربي لو يحجون بشرفج بيني للكل انتي طاهره وماعندج شي لان الكل جان يكول الله يستر منه لو كبرت
