#زهره_النرجس
#لقيطه
#الاخير
يوماً ما ستُدرك أن أقسى ما مررت به كان خيراً عظيماً أنقذك ليجعلك أقوى مما كُنت عليه ..
خبر موت كاظم جان مثل الصدمه مالحك يتعذب بالدنيا مالحكت اخذ حقي منه ماخليته يتعذب مثل ماعذبني واني زغيره وقبل لايموت هم سوالي كارثه
احس ثكل على كلبيبقيت بالشارع وانه اشوف الناس تركض لبيت كاظم والنسوان صوت صريخهن وين واصل جنت خايفه على امي اكيد هسه تنقهر لو شنو يسوي كاظم يبقى اخوها وتحبه
خابرت اكثر من مره ماردت اكيد عرفت بموت كاظم هسه شلون حالته
ساعتين واجت الجنازه وشيعو بالمنطقه وراحو للنجف
رجعت خابرت الضهر على عمتي كواكب ردت رقيه وهي تبجي وصوت نسوان تبجي
كالت امي متخربطه ونقلوها للمستشفى
ماتحملت وكمت ابجي عليه طلعت اركض بره اريد اشوفلي واحد ياخذني للمستشفى
ام رقيه ...يمه استهدي بالرحمن هسه يجي ابوج وياخذج للمستشفى
رقيه ... مااتحمل منا لحد مايجي رجلج ادري باامي ترتاح ويخف وجعها لو شافتني
طلعنه للشارع وشفنه ذو الفقار يريد يطلع السياره من الباب الجبير
ام رقيه ... روح ولك حسين صيح على ابن عمك خلي ياخذنه للمستشفى
راح حسين يصيح ذو الفقار وشفناه شحك السياره بصفنه
ذو الفقار ... خير شنو صاير بت عمي
رقيه ... عفيه وصلني للمستشفى امي متخربطه وطايحه واريد ابقى يمه
ذو الفقار ... شنو صاير فهموني
ام رقيه ... يمه كاظم مات ويكولون سبأ كاتله حسين بس ماميته
ذوالفقار ... وابوي وين راح انه ماجنت بايت هنا وتلفوني صامت وضرغام وين شنو صاير
لزم التلفون وخابر على ابوه وكله اخوه كلشي مابي هم راجعين للبصره وناس يعرفونهم منطين عنوانهم لحسين ورايح للبيت وداجه بالسجين وضرغام ماجان بالبيت ومن شايف مرته هيج متعارك هو وحسين بس حسين فقير وماتحمل حجي الناس وسوه هيج ومن شاف اخته مدمايه ماخذينه للمستشفى وتدري الخبر بسرعه ينتشر عبالهم ميته ومن سامع كاظم ماتحمل كبل ميت لان هاي المدلله مالته ماتحمل الخبر
ام رقيه ... اوكفي يمه خلي البس عباتي واجي وياج
رقيه ... لامايحتاج انتي ابنج على ايدج
ام رقيه ... اخذي وياج حسين اخوج
رحت لبست عبايه واخذت حسين ورحنه وياذوالفقار
ذو الفقار ... الافضل ماترحين للفاتحه علاقتج بهذول الناس انتهت
رقيه ... لا مااروح كل الي يهمني امي وصحته
