#زهره_النرجس
#لقيطه
#الرابع
*ثق بربك*
وارفع أكف الخضوع والتضرع
واعلم أن فوق سبع سماوات
رب حكيم كريم
نحن قوم إذا ضاقت بنا الدنيا
اتسعت لنا السماء فكيف نيأس ...
حياه جديده محافظه جديده ناس اقل مكان مغلق لا اكو نخل ولا شارع اطلع بي
دخلنه للنجف جانت منطقه الكوفه البيوت والشوارع تختلف عن بيوتنه زغار واكثر البيوت مابيهن حديقه وكراج بس مدام امي يمي يعني انه بالجنه
وصلنه للنجف ب٢ باليل انه كبل نمت ماشفتهم لان جنت نايمه بالسياره وحسيت امي سلمت ونامت بصفي
كعدت الصبح من وكت لان احنه متعودين نكعد من الصبح لكيت امي كاعده وتتلمس خدي
رقيه... جاي ادغدغيني هههههههه
ربيعه ... صباح الخير يمه كعدي اريد احجي وياج قبل لاترحين تغسلين وتسلمين
شوفي يمه انه ماحاسبتج على سوايتج ويابت عمج كاظم من كصيتي شعرها ولاحاسبتج من غلطتي على اخوي بس هذول اهلي واحبهم ومااقبل احد يأذيج انتي زغيره وماراح تفهمين كل الحجي بس تصرفاتج غيريهن غلط مااريد انتي بنيه والبنيه لازم تتصرف بأنوثه اي غلط تسوينه راح تتحاسبين عليه حساب قوي تذكري وتعرفيني لو عاقبتج وزعلت منج
اي واحد بالمدرسه لو الجوارين يسئلج احمد شنو يصير منج تكولين ابوي وانتي وركيه خوات توم صرتن بنفس اليوم وانه ربيتج لان ماعندي جهال تحترمين اخوي احمد وتصيحيله بابا وكواكب تصيحيله يمه كواكب
نصير وعلي ومحمد تحترمينهم يجون للنجف انتي ماتطلعين يمهم وتلعبين زايد اهم شي دراستج اريد شهاده افتخر بيه مااريد تعبي يروح
كل الي كالته نحفر بعقلي مادام محد يأذيني ماأذي احد
رحت سلمت على عمو احمد وبست ايديه لان هجي عاداتنه بس كاظم ماابوس ايده
وسلمت على كواكب بس مبينه ماتريدني وكلت اله يمه كواكب
احمد ... تعاي بويه يمي خلي احاجيج لزمني وكعدني على رجله وهو يمسح على راسي بحنان
بويه وكاحه وغلط مااريد هاي ركيه وياج شوفيه شنو تسوي تسوين وياها
المدرسه مابقاله شي وتخلص وانه راح انقلج بمدرسه الكوفه وانه اخذجن يوميه وياي وارجعكم تصيحيلي بابا وتحترميني اني طبعي مااطك الوكحات بس ازعل عليج
كعد يسولف هواي وياي وانه اهز براسي واكله صار بويه انشاء الله بويه
كعدو يسولفون وامي تحاجي كواكب ماتضوج مني ولاتحجي حجايه تزعلني وهي كواكب تحترم عمي وتخاف منه وانه هم تغيرت كلش
بديت اداوم صف ثاني ابوي ياخذني انه واختي ويجيبنه والكل بدت تكول انتن ماتتشابهن ليش انتي عيونج ملونه واطول منه
