#التاسع
#لقيطه
#زهره_النرجس
من المُحزن أن تتذكّر أنكَ ستعيش حياة واحدة فقط، والمحزن أكثر أنكَ تشعر أنها ليست الحياة التي لطالما حلمتَ بها!
هواي حجي جنت اريد اكوله ومااعرف ليش انعكد لساني ردت اعاتبهم ردت اطردهم مااريد اشوفهم هنا دمرو حياتي وانه زغيره وهسه هم يردون يدمرون حياتي من ينطوني فصليه
انه لو ماامي مااقبل بهذا الشي اريد ابقى يمه مادام اهلي عرفو منو انه اكيد ماجانو يقبلون ابقى هنا بين الغربه
بس انه مااحب هلال اتخبل منه لازم احجي وياه وافهمه كلشي اكله مااريدك بس علمود امي قبلت
ردت اكوم وسمعت الهوسه بره والكل طلع يركض امي لزمت ايدي وطلعنه من الاستقبال
كوه كدرنه نعبر من الهوسه وهم يفكون هلال وهذا الولد الي طلع اسمه ذوالفقار يصير ابن واحد من عمامي
ذوالفقار .... والله لو ماهي الناس الواكفه جاعرفت شلون اتصرف وياك
هلال ... امشي كلب والله لو جبت سيره عرضي اكسر راسك كلب
ذوالفقار.... هاي بت عمي انت هسه غريب عليه ولاتدخل انه جنت احجي بالتلفون
كامو يصيحون والكل يفك بيهم
الي عرفناه بعدين ذوالفقار جان يحجي وياامه ويكله بت عمي مثل الكمر حرامت تروح فصليه مااخليهم ياخذونه
وهلال جان طالع وراه وسامعه شنو حجه وعلكت بينهم
طبعا حسين من عرف هلال يريد الفصليه هو مادخل وطلع من الديوان وكاظم ماموجود لان حسين بعد عمله اخته ماله واهس يراوي وجه للعالم
صاح علينه نصير ابن احمد كال دخلن لبيتي لان بيته قريب على الديوان كال لاطلعن شوي ويردونجن
كمت ابجي بحركه كلب وادعي عليهم وامي هم تدعي عليهم طلعت امي تشوف شنو صار
رجعت كالت
ربيعه ...يمه لوشنو يصير ويجبرونج على شي اذا هزيت راسي وقبلت انتي كولي اي واذا رفضت رفضي
يمه انتم مافكرتو بيه اريد حالي حال البنات عرس وبدله والكل تعرف انه اتزوجت مااريد يكولون النغله خذوها فصليه يمه انه ماناقصه حجي ومااريد هلال
ربيعه ... شنو تردين تتمعشكين وتحبين يمه حسين مايفيدج تره صعبه عليه لو عرف ابوه جان يحبج وانتي شلون تتقبلين هذا الشي يمه احنه مانريد المشاكل ابعد عن الشر وغنيله
رقيه ... يمه اريد عرس حالي حال بناتهم
ربيعه ... يمه جاانه مااتمنه تعرسين واشوفج بدلتج البيضه كاعده جاانه المن اجهز بهاي الهدوم من سنين وين مااروح اشتريلج لبسه حلوه خاف تعرسين بس معليج انه اعرف هليل راح يصونج ومايزعلج يوم
