#زهره_النرجس
#لقيطه
#الثالث_عشر
.اهجر كُل ما يؤذيك واستمر في حياتك ،
وإذا نظرتَ إلى الخلف .. فقط ابتسم .
انتي طالك
رقيه ... شنو طلكتني بدون ماتفهم شي والله حرامات هذا الشهر الي كضيته وياك
راد يطلع رجع عليه
هلال ... طلع من البيت ماطلعين فاهمه لولا هسه ارجع
يمه اذا طلعت البيت احركه عليكم
بدور ... شكو باقيه موطلكته وديه لربيعه
هلال ... لاتكفروني محد اله علاقه امشي دخلي جوه
جنت مصدومه من الشي السواه صح جنت خايفه يعرف بس جنت متوقعته يعاقبني بغير شي بس مو يطلكني ويهيني كدام اهله اشوف امه شلون متشمته وفاطمه شلون مقهوره عليه
وهو حسيته تندم من طلكني بس موانه الي اطلك بعد شهر من عرسي لو ينغلط عليه والله لااربيك ياابن بدور اله ارجع لوكاحتي ولساني حتى الكل يخاف مني
طلع وشخط السياره عفتهم ودخلت للغرفه نزعت كل الذهب مالتي وكلشي هو جايبه الي ولبست دشداشه من دشاديشي القديمه ولبست عباتي وشالي وحته ماخابرت لاامي بس اخذت التلفون وياي وطلعت من البيت صح كعدت وياهم شهر بس كرهت عيشتهم وحتى الي جنت معتبرته سند خذلني والله لااحرك كلوبهم كلهم
بدور ... وين رايحه يمدهوره لايسويلنه هلال سالفه
رقيه ... ماتخوفوني
جانت فاطمه ملتهيه ويا بته وكامل طلع
طلعت للشارع وانه اشوف بعد مالي عيشه هنا بهذن البيوت نصير مو اخوي وابن عمه الي طلكني يعني محد راح ياخذ حقي منه
طلعت من الباب الجبير وانه احس روحي خسرانه للمره الثانيه المره الاول من طردني كاظم وذبني بالشارع وهسه من طلكني هلال
فتحت الباب الجبير مال الشارع الي طلع على المزار والبيوت الي مجاوره المزار
بيت اهلي بعد كم بيت بس هم هم مسيجين بيوتهم بسياج وباب جبير من ضخامه السياج ماجنت اعرف شنو اكو جوه
جان اكو باب زغير يدخل للبيوت وباب جبير للسيارات
فتحت الباب ودخلت البيوت جوه تجنن بيت احلى من الثاني والشوارع مبطله وكله شجر وعبالك مو بالعراق عايشين
شفت طفل يم الباب واكف ياولد تعال اكلك وين بيت ابو حسين
هذا ابوي ابو حسين شنو تردين اصيح لاامي
انت شسمك
انه حسين
فدوه لااسمك اني رقيه اختك
هااا انتي رقيه بس شلون خلوج تجين ابوي يكول ماتكدرين تجين
حسين روح صيح لاامك بسرعه
راح للبيت يصيح بصوت عالي يمه تختي رقيه بره بالباب تريدج جان باب الكراج مفتوح ومبين الكراج
