#الثامن
#لقيطه
الشيء الوحيد الذي يطمئنني هو أنني أعرف من أنا، أعرف جيدًا أن قلبي لا يضُرّ أحدًا، وأني لا أدعو حتى على أعدائي، ولا يهمني أي شيءٍ مملوك ولا أسعى نحو الأشخاص الذين هربوا مني، لدي عزّة نفس تكفيني لو اضطررت لأن أعيش كل حياتي حزينًا دون أن أتسوّل الفرحة ممّن يستكثرونها عليّ، هذا أنا.
شنو ابن عمي ومنو اهلي يعني هنا بنفس المنطقه مالتنه
ربيعه ... اي يمه هنا وكراب علينه
رقيه ... يعني كل هاي السنين ابوي مافكر يشوفني لو يسئل عليه ماشافني من اروح للمدرسه
يايمه هاي كله ماادري بيه بس الحجي خلي بينه اكيد المشاكل ماراح تخلص لان حسين طاك اخو ضرغام بالسجينه وهذول اجو دكونه
ومبين الشغله ماراح تنتهي هنا كل الي اريده منج يايمه ماتطلعين كدام احد
رقيه ... شسالفه يايمه يعني شنو ابقى محبوسه
ربيعه ... يمه انتي حلوه ماشاء الله وتجذبين مااريد احد ينعجب بيج ولااريد اسوي مشكله ويااحد وانتي تعرفين نسوان عمامج
وخايفه عليج من كاظم لايشوفج ويسويلج مشكله
رقيه ... يمه هسه احنه شعدنه باقين خلي نسوي باجر الجناسي ونرجع للنجف
ربيعه ... هو بيدي يايمه وارجعج غير ابوج احمد هو جبير اخوانه لازم يحلون المشكله
وكاظم بلمستشفى مانعرف شنو حالته مرته تكول صارله فتره ماله خلك ويتعارك وياذبان وجه
هسه خابر شيخ عشيرتنه للولد كلهم لادكونهم ويبقون للصبح مسلحين ينتظرون هو يكلهم شنو يسون
يمه هلال مساع من اجه وحجه وياي كال هو ماجان رايده وعمج لزم عليه اله ياخذه وهو مايحب يكسر كلمه عمج وهي بالخطوبه كالت مااريده ماموافقه وابوها كلهم تدلع هواي وهي موافقه وراد كلشي يجهز بسرعه
رقيه ... يمه الي ادري بيت ابو صكر من الاول عدهم خير وحالتهم زينه كاظم ليش ماقبل عليه
ربيعه ... يمه هو من اتزوج بدريه راد يتزوج عليه وحده من بيت ابو صكر غريبه ومن راح وحجه ويا اخوانه رفضو وابوي هم رفض ماعدنه واحد يتزوج غريبه وكاظم من عرف بت عاشكه من بيت ابو صكر تخبل وراد يزوجه قبل لايجون ويخطبون
رقيه ... والله يمه مااريد اتشمت بس هاي حوبتي وداعتج
ربيعه ... لاتكولين هيج واندعي تصفى على خير ولايصير بيه كاتل ومكتول
رقيه .... وشدعوه الكاتل والمكتول علمود هاي الحوله عيونه يلعبن زار خلي هو وياها مو شردو خليهم يتبرون منهم
ربيعه ... يايمه اذا هي بهيج سهوله جا الدنيا بخير بس هي نزلت راس اهله وعمامه والكل يدري اليوم عرسه نامي يمه وارتاحي انتي تعبانه من الطريق
