غضب وعشق

بارت 21

غضب وعشق ~*

عشق : رحنه اختارينه اثاث الاستقبال ولغرف ولمطبخ كله حته اماعين وكلاصات وصواني اخذنه وغضب اجر النه تكسي وكال رجعو انتو واحنه نجيبه ونجي اخذنه ويانه بس غراض المطبخ ورجعنه اني و ودق كاعدين بلتكسي و ودق صافنه عله ابو التكسي كتله وين صافنه

ودق : يشبه احمد

عشق : لازم كمتي تحبي

ودق : شتكولين

عشق : عيونج تكول اي

ودق : مو بس احبه صرت مدمنه عليه

عشق : انشالله نرجع وتكمل خطبتكم

ودق : انشالله بس شوكت هاي

عشق : نصبر والله كريم احنه اجينه هنا وكل واحد منا عايف شي ورا اني عفت ورايه عمتي صديقتي الي هيه مثل اختي وانتي امر من حالي عايفه حبيبج وانتي اذا يحبج راح ينتضرج بس حسين الي كل ثانيه هوه عايش بخوف ليروحون اهلها يزوجوها شيكول

ودق:  هيه منو هاي الي يحبها مكايلي

عشق : ايمان

ودق : هااا اشوفه جان لازك يم المدرسه عبالي ميت علينه طلع ميت عله ايمان امداني شلون منتبهت ههههه

عشق : ههههه مو من عوايدج متنتبهين

ودق : اي والله هههه اني الكفها هيه وطايره

عشق : ههههه مثل اخوج

ودق : اي والله بس حرامات هاي ضاعت عليه

عشق : ههههه يله يمعوده اهم شي ميصير شي عله حسين وغضب

ودق : هههههه اهم شي حبيب قلبج

عشق : منو حبيب قلبي تره ماحبه

ودق : تحبي

عشق : ماحبه

ودق : تحبي

عشق : ماحبه

ودق : تحبي

عشق : ماحبه

ودق : تحبي

عشق : يووووه احبه اااا قصدي ماحبه خبلتيني

ودق : هههههه تره واضحه مثل ضوح الشمس انتي تحبي بس مادري ليش كدامه متضهرين مشاعرج اله

عشق : ودق افتحلج قلبي بس توعديني حرف ميطلع

ودق : وروح ابويه وامي اعتبري داتحجين ويه نفسج

عشق : مااشي لين اني ماعرف مشاعره تجاهي ماأضهر مشاعري

ودق : يعني تحبي

عشق : هزيت راسي اي وكتلها اعشقه

ودق : خررب بيج وهوه 24 ساعه كاعد يمج وضامه بقلبج ومتكولين اله

عشق : ماكدر اكول اله اعرف مشاعره وهاي شغله من سابع المستحيلات اول شي غضب مو كل يوم ولا كل ساعه اله تصرف لا كل ثانيه اله تصرف ويايه شويه زين شويه مو زين شويه عصبي شويه هادئ شويه يذبلي بسامير ولرايحه ولجايه يسمعني حجايه وشويه ماكو احله منه وممفتهمته وثاني شي ميضهر مشاعره ابد كتووم شلون اروح اكله احبك انوب يكلي حجايته الشهيره انتي مثل بنتي خليني ساكته ودق لتحجيني تره اخوج هسه  اتمنه الزمه واكتله كتله واطلع ضيم قلبي كله بي