غضب و عشق ~*
البطل غضب : مواليد 1970
البطله عشق : مواليد 1981
حسين: مواليد 1977
سامر: مواليد 1977
ودق: مواليد 1981
ادوار راح تضهر قليل بلقصه
احلام: مواليد 1974
ام غضب : مواليد 1945
ابو غضب : مواليد 1939
نبده القصه
غضب : جان اليوم عيد ميلادي ال11 دنحضر ودك تلفون امي وبقت تبجي وتعيط وراحت عله ابويه ولبست عبايتها وطلعو ضلينه بلبيت اني واخويه جان عمره 4 سنين واختي الزغيره عمرها شهرين ضلينه اني وحسين ننتضرهم و ودق تبجي لل 7بليل 7 ونص يله اجوي وامي شايله بيدها طفله زغيره
غضب : منو هاي ماما
ام غضب : هاي بت خالتك
غضب :(بوقتها ماتت خالتي وجانت هستوها مزوجه مصارلها سنه وحامل وجانت رايحه دجيب ومسوين حادث ناقليهم للمستشفى وميتين بس للبنيه اجتي للدنيه)
غضب : امي كاعده تبجي ولطفله بحضنها جان تكوم تبجي ضلت امي تريد تسكتها ماكو اوووو سكتيها
ابو غضب : خاف جوعانه سويلها ممه
ام غضب : هسه
غضب : سوتلها امي ممه وشربتها وهم رجعت تبجي اني جنت ضايج عله عيد ميلادي لين مصار عفتهم ورحت اقره لليل رحت انام وهيه مساكته وراها نمت وكعدت الصبح عل بجي مالتها كمت نزلت لامي اووو شنو بليل تبجي الصبح تبجي شكد مزعجه هاي بدلت ورحت للمدرسه خلصت مدرستي ورجعت امسوين الفاتحه ابيتنه وعالم وهوسه صعدت بدلت وكعدت اقره بغرفتي وسمعت صوت بجي عرفته صوت الطفله عفتها مرحت بس بقت تبجي رحتلها لكيتها هيه واختي اختي نايمه بس هيه كاعده وتبجي شكلها حلو تنحب بس مزعجه شلتها حطيتها عله جتفي وضليت اطبطب عله ضهرها جان تسكت كعدت وضليت حاطها بحضني وهيه تلعب اني ضليت العب وياها صعدت امي مستغربه
ام غضب : شبسرعه سكتتها
غضب : بس شلتها سكتت
ام غضب : لعد خليها يمك ماما اني انزل يم العالم
غضب : ضليت حاطها بحضني والعبها كامت تضحك من اجتي لحد الان مضاحكه
بعد مرور 3 ايام
ام غضب : ابو غضب هاي لبنيه شنسميها لحد الان ممسميها
ابو غضب : والله هسه دافاتحج بهاذ الموضوع حته جنسيه بعدنه ممطلعيلها
ام غضب : انته شسميتها بشهادت الولاده
ابو غضب : سميتها عله بنتي ودق هوسه وبس هاذ الاسم اجه عله اسمي
ام غضب : نروح بس تخلص ال 7 نغير اسمها بس خل نختارلها اسم
ابو غضب : مروه
ام غضب : محلو سميها روئ
غضب : سموها عشق
بعد مرور سنه
غضب : كامت عشق متنام اذا مو انومها بحضني واني كمت كلش احبها كمت حته ماحب اروح للمدرسه حته ابقه يمها
تعلقت بيها كلش اذا اطلع يم اصدقائي نلعب اخذها اذا اكعد اقره احطها يمي حته اني اشربها الممه مالتها واني البسها هدومها باكثر الاواقات كمت احس اني امها وابوها وكولشي صرت الها واني بعدي طفل بذاك الوكت 12 سنه مو جبير وذا احد طخها اكوم اتعارك ويا حته من اختي تضربها اتعارك وياها
غضب : مرت السنين وصار عمري17وصار عمر عشق 6 صارت صف اول ابتدائي وشكلها كلش حلو بيضه وشكره وعيونها صفر وشعرها اشكر ووجها بريئ اجيت من المدرسه ورحت ركض عليها لكيتها كاعده بل مطبخ كعدت اباب المطبخ عله ركباتي وفتحتلها ايدي هيه اجتي ركض وحضنتني
عشق: حبيبيييي
غضب : فدوه لحبيبتي وين البوسه مالتي
عشق : اممح هاي
غضب : شلونج اليوم بل مدرسه
عشق : زينه
غضب : شلتها عله ضهري ورحت عله امي كاعده تطبخ هله يمه
ام غضب : هله بيك يمه عوف لبنيه كبرت مصير تلعب وياها هيج
غضب : شكد متكبر ماغير تصرفاتي وياها اني مربيها هاي اني صاعد انام شويه يمه العصر كعديني حته اقره
ام غضب : ماشي
عشق : انام وياك
غضب : بس متكعديني مثل يوميه
عشق : ماكعدك
غضب : صعدت حطيتها عل جوربايه ورحت للحمام بدلت وغسلت ورجعت لكيتها نايمه شلتها حطيتها عله صدري ونمت مكعدت اله واحد يضرب بوجهي
عشق : كوووم غضب اكعد
غضب : كلبتها جوايه وضليت ادغدغ بيها وهيه خربانه ضحك ولج مو كتلج لتكعديني
عشق : هههههههه نمت هوااي هههه عووووفني ماااماااا
غضب :( عشق تعرف امي مو امها بس تصيحلها ماما ) ميخالف لتكعديني بعد
عشق : هههههههه ماكعدك بعد
غضب : نشوف
عشق : المعلمه كالت بعد اسبوع ونخلص دوام
غضب : اريدج الاولى عل مدرسه
عشق : احاول
غضب : ااخ يلسانج هلكدوتج وكل البله بيج وكمت اعض بيها
عشق : هههههه والله انجح عوفني ههههه
غضب : اني من اشاقه وياها او العبها اله اعضها بخدها عضيتها بخدها وصار احمر
عشق : بعبوس تأذيني من تعضني هنا
غضب : بستها بنفس الخد وكتلها هنه خدودج مال عض
ام غضب : ها ابني كعدت
غضب : اي والله
ام غضب : بعدلك شكد وتخلص مدرسه
غضب : 5 ايام
ام غضب : شد حيلك ابني بل دراسه وركز زين
غضب : توصيني الي يمه ادعيلي انجح وحقق حلمي واصير مهندس
ام غضب : انشالله ابني يوميه ادعيلك
غضب : انشالله
عشق: اريد اصير مفلك من اكبر
غضب : همم كالت مفلك ولج بابا اسمها مثلك مثثلك
عشق : اي اي مفلك
غضب : مث ث ث مثلك
عشق : مفلك
غضب : لاااا مثلك
عشق : مفلك
غضب : خرب لج مثلك
