غضب وعشق ~*
عشق : مر 4 اشهر وشويه وغضب بلعراق وصارله فوك الشهر هوه ممخابر ضليت يوميه اكعد يم التلفون انتضره وماكو بليل كاعده واجاني حسين
حسين : عشق يمكن عنده شغل وماعنده مجال يخابر
عشق : انشالله هيج مو غير سبب
حسين : روحي نامي اني كاعد اذا خابر اكعدج
عشق : ماشي تصبح عله خير ويه كومتي دك التلفون رجعت عليه ركض شلته طلع غضب سلمت عليه وكال انطيني حسين انطيته اله وصعدت تقريبآ ساعه واجاني حسين ووجها يضحك وفرحان
حسين : غضب يكول هاهيه حضرو اموركم وتعالو
عشق : بفرح والله
حسين : والله بس ليش مكتولي غضب رايح علمودي
عشق : مراد يكلك حته لتمنعه
حسين : عشق شتكولين صار سنه احنه اهنا ايمان منتضرتني
عشق : اول شي صارلنه 11 شهر يعني بعدلنه شهر يله نصير سنه ثاني شغله ايمان اعرفها واعرف حبها الك تنتضرك مو سنه عشره بس بعد منعرف شنو ضروفها
حسين : قصدح خاف اهلها زوجوها
عشق : هزيت راسي اي
حسين : بتنهيده انشالله لا
عشق : تدري شنو
حسين: شنو
عشق : صوت غضب من حجيت ويا مريحني ابد
حسين : ليش
عشق : مادري حسيت صاير شي
حسين : لا انشالله ماكو شي
عشق : انشالله يله المهم هوه بخير
حسين : اي والله يله اني رايح انام وانتي هم نامي حته باجر نروح نحجز من الصبح
عشق : ماشي تصبح عله خير
حسين : وانتي بخير
عشق : نمت وصحيت عله ودق تكعدني ثاني يوم وتصيح
ودق : ضااامين عليه مكتولي من الباارحه
عشق : شبيج غير جنتي نايمه
ودق : وكعديني شكو بيها
عشق : مادري
ودق : وجع يله كومي بدلي
عشق : كمت غسلت وبدلت ورحنه حجزنه انطونه موعد بعد يومين رجعنه للبيت ارتاحينه شويه وكمنه لمينه الهدوم ورحنه شترينه كم شغله وهدايه ورجعنه
بعد يومين
عشق : وصلنه بغداد نزلنه بلمطار غضب كال اني راح انتضركم هناك نزلنه وضلينه واكفين نريد نشوفه واني رجليه كامت ترجف احس راح يجي الموت مو غضب شفته من بعيد اجه علينه حضت ايد ودق وكتلها هذاك اجه تقرب علينه وهوه مبتسم راح عليه حسين بوسه وحضنه وودق هم واجه وكف كبالي باوعت بوجها وبتسمت هوه جرهي وحضني اني هم مصدكت بادلته بلحضن هوه حسيته راح يكسر ضلوعي من حضنته فصلنه صوت حسين
