غضب وعشق~*
عبير : شبيج يمه شكو
عشق ببجي غضب
عبير : شبي
عشق : مدعوم بلسياره وهسه بلمستشفى ضليت اني ابجي وعمتي تهدي بيه
عبير : بس صبري بنيتي لتفاولين عل ولد هسه اخابره اشوف بيا مستشفى ونروحله
عشق : خابرت عمتي عله حسين وبدلنه ورحنه الهم طلع النه حسين اباب المستشفى واخذنه للغرفه الهوه بيها فتت عليه راسه ملفوف وايده ورجله نعصر قلبي من شفت منضره رحت كعدت يمه
حسين : الضربه الي براسه كلش قويه وصاير عنده ارتجاج بل مخ
عشق : محجيت شي ضليت بس لازمه ايده وابجي شويه وكتله وشكال الطبيب عليه هسه
حسين : هسه شويه ويجي يحجيلنه
عشق : انتضرنا الما اجه وحجه ويا حسين سأله عله وضعه
الدكتور : مثل مكتلك صاير عنده ارتجاج بل مخ
حسين: زين شنو اله علاج لا
الدكتور : اي بس هسه منتضري يصحه لان احتمال صاير عنده ورم بل دماغ
عشق : شنوو ... ورم شنو دكتور هيه ضربه
الدكتور : بنتي شاكين عنده ورم بلدماغ يجي يوم 13 بل شهر ونحوله عل فحص العصبي ونسويله رنين احتمال اورام حميده ام اورام سرطانيه
عشق : عفته يحجي ويه حسين وعمتي واني عفتهم وطلعت من المستشفى كلها ضليت واكفه بلباب مالتها وابجي ياربي اخذني الي وهوه لا والله ماتحمل اشوفه يروح مني ياربي اذا راح صدك انكسر هل مره رغم اذيته الي بس هوه الشاد ضهري وبي اني متقويه والله ضليت واكفه وابجي فاتت من يمي سياره نزلو منها العالم وفاتو للمستشفى ضليو صافنه عل سياره واحجي ويه نفسي هيه هاي الي اخذت مني امي وابويه وهسه تريد تاخذ غضب مني رحت عل سياره مثل لمخبله اضرب وادفر بيها واصيح بكل علو صوتي شتريدين مني بس فهمييني شتريدين العالم كلها ضلت تباوع وكامو يلزمون بيه
حسين : شبيج عشق تخبلتي امشي ويايه جوه العالم كلها تباوع
عشق : وخررر مني معليك بيه عوفني
حسين :فوتي ياعيني فوتي
عشق : كعدت يمه بلكاع وحجيت بصوت ناصي احبه حسين والله احبه مو جذب والله لك بكل صلا اني ادعي من ربي ياخذ من عمري ويحط عله عمره والله بس خل يكوم وراضيه يأذيني يضربني يقهرني بس خل يكوم ومابي شي
حسين : يكوم ومابي شي صدكي
عشق : والله
حسين : والله
عشق : كمت ويا واكو جهال ثنين واكفين يمي ويصيحون عله امهم ماما هاي لبنيه مخبله ماما عاد امهم ستحت وجرتهم سكتتهم رجعني حسين للغرفه يمه كعدت واباوع عليه والله متلوك الك هاي النومه كوم ضليت ويا سبوع بلمستشفى وبعده هوه مصاحي واني لا اكل ولا شرب بس منتضرته يصحه ويوميه اغيرله ملابسه اليوم جنت البسه بل فانيله وفاتت احلام صارلها سبوع هيه مجايه لهنا ولا شايفته كعدت يمه عل جربايه
