تراب الماس

البارت ١٧

للكـاتبـه
#ايـه_محمـد

Instagram: 1_ayosi3

احاول اكسر الجامه واباوع عليها واني مامستوعبها
مستحيل ان شاءالله مو هيه
دخيلك ربي مو هيه

حرت الباب مقفول والجامات مسدودات وولد يفتحون بيها ماكو تهسترت اني اباوعلها وهيه الدم تارسها والسياره الثانيه ولد كاعد بس مكسر حرت بناز ولد جاب حديده ودك الجامه الوره اني وياه ونفتحت الجامه الخلفيه فتحت الباب بالموتتت وهيه بعدها ع نفس نومتهه

طلعتها رادو ولد يشيلوها وياي تخبلت يلمسوها اجنزهم لو حتى مساعده

ااحاول اكعد بيها متكعد حرت شسوي ودم مغطي وجهه حتى شالها عباره عن لون احمر عندي منديل بجيب بنطروني مسحت بي وجهه شفتها وروحي فرفحت

رجال :بويه راح يجون الاسعاف عليهم ثنينهم

عمر: .........

رجال ثاني بويه انته منو خابر اهلها

عمر :الرجال كال انته منو اني سكتت انطيته تلفوني عمي هذا هنا هنا رقم مكتوب مؤمل اتصل علي

اباوع عليها وحاير اكعدها متكعد نفس قليل كلش اباوع للناس تباوع عليها ارريد اضمها من عيونهم ماريد يشوفوها اموت 

اتصل الرجال على مؤمل

ها خويه

مؤمل ناز سوتتت حادث البنيه نفسها قليل رح تروح مني

وين ويننن انتو بيا مستشفى

منتضرين اسعاف هسه تجي

عمييييي يامستشفى

سألت الرجال

عمر :مستشفى .....

جاي جاي ماطول

لااااااتكول لاهلها بس اخوانها

ماشييي جاي بسرعه

ماعونتتت توصل الاسعاف الولد كاعد مابيه حيل احجي شالوها والولد صعدو بأسعاف ثانيه
صعدت وياها والسيارات بقت بالشارع اباوع عليها ارجف وبأيدي المنديل وقميصي دم ولازم ايدها بثنين اديه

وصلنه للمستشفى اخذوها

كعدت بالكاع ناسي كلشي حتى اسمي بس اذكرها وهيه بهذا المنضر

لهناك اجى مؤمل ماحسيت اله وهوه فوك راسي ووين ناز عمر وينننننننننننننها

بأنكسار هنا
واشر على الغرفه المقابيله

شلون صار هيج عمر شبيها

لا تسألني شي اسكت يرحم اهلك

لشويه واجو اخوانها تخبلو
رادوني احجي ماحجيت

ضلو يتعاركون وياي شجابك يمها وشعليك بيها وليش متحجي

مؤمل : ادري بولد خالي مخابيل وهذا عمر حالته مدمره ليكول مرته وسوت حادث خفت تكبر الشغله واحنه بالمستشفى
رحت على ولد خالي شبيكم هدو هسه نفتهم من الرجال وهوه بصدمه خل اغسل وجهه ويحجيلكم