الكاتبه ايه محمد 🌿🖤
بعد مرور يومين .....
عمر : من بعد هاي السالفه اختنكت من البيت اريد اروح اطلع لعمان حتى اخلي ناز هم ترتاح اني تعبتها ادري
رجعت لعمان وبوجهي للشغل
اريد التهي بكلشي ماريد اذكرها خليها ترتاح ...
١٢ ساعه اني اشتغل اطلع اوراق ومستندات واجتماعات من جوه الكاع ما اريد اكعد
ابو عمر : عمر شنو ماناوي ترجع للبيت من اجيت لهسه تشتغل
بابا روح انته اني راح اضل اشتغل
شنو شتشتغل حبيبي خلص الشغل والموضفين طلعو
عندي كم ورقه اخلصهم وانام بالمكتب ليضل بالك
ماشي ابني دير بالك على نفسك
صار بابا
يلا اترخص
مرخوص
...
مرور ساعتين ....
الساعه حالياً ٣:٢٢
عيوني صارن يأذني نزلت لمطبخ الشركه سويت قهوه انتضرتها تجهز
صرت اكلب بفوني ب الرسائل عسى وان ناز راسلتلي شي
كل مره يخيب ضني وماكو شي
دخلت على الواتساب
دخلت على حساب ناز ..
رساله : ناز شلون صرتي ؟
طمنيني عنج ؟
شتاقيتلج ..
ردت ارسلهه تراجعت مسحتهه ضميت الفون اخذت القهوه ورحت للمكتب
دخلت للمكتب صرت مقابيل الشباك يطل ع شوارع عمان وب الطابق الـ ٦
عمان بليل جنه اناره خافته وسيارات قليله وكتها اذكرت ناز اخخخ هالبنيه ماخذه كلبي وعقلي شلون بيه اني..
فتحت فوني واتصلت عليها مكالمتين
الثالثه ماكو؟
اكيد نايمه
شمرت الفون ع المكتب
تندمت لان خابرتهه ليش عمر هيج انته؟ صرت اناني بينيه ؟
وين عمر الي ماراد بعد سما وعلاوي احد ؟
منو الي حلف مايحب ! ليششش كسرت حلفاني
لليش المعلعله كلبي حبيتهه ؟
اكو هواي بنات يردني على منصبي وفلوسي ورتبتي
ليش اختاريت الصعبه ؟
ناز صعببببه مو سهله وكلبي يحب الصعب ماحب الخفيف والسهل
شفتهه اول مره ودخلت العقلي وكتها حاولت اكذب تفكيري مره مرتين خمسه عشره
وكلهن ماكو فايده
لكيت نفسي واكع بيها انييي ؟
تهسترت من سمعت صديقي عاقد عليهه ماضل عقل براسي ..
صح وكتها اذيتهه وضوجتهه علمود تتركه بس ماتركته اله اني ادخلت وحجيت ويا
من وكتها كرهتني ؟
تكرهني ومتريدني لاننننن حبيتهه لان كلبي تعلق بيهه ؟
ياناز شسويتي بعمر ؟
تعبت من التفكير تمددت على الكرويته وتغطيت ب الستره غفيت
فوني دك ؟
شفت الفون
NAAZ 💙
ضحكت لا ارادياً منها من ابليس 😂؟
فتحت الخط
صباح الخير
ناز : صباح النور
شلونج
الحمدلله
انته وين ؟
بعمان !
شوكت رحت
البارحه الصبح
هااا
اي
محتاجه شي ؟
لااااا اصلاااا انت اتصلت عليييه
شبيج نصي صوتج
مو عالييي يلاااا شرايددد اتصلت ؟
خطيبتي واتصل عليها حرام ؟
مو خطيبتك اصلاً رح تطلكني اوككك ..
هههه اطلكج ؟
اييي سياده الضابط عمر
تحلمين
عمـ..
ناز راجع انام ترا مالي خلك باي
سديت الخط ورجعت نمت مالي خلك هسه الغييي
........
ناز
جنت نايمه فزيت عمر متصل عليه قلقت خاف صاير شي
رجعت اتصلت علي
فتحت موضوع الطلاق هوه عافني وراح
اني مصممه اطلق منه ما اريددده
استحقرته غلق الجهاز
الله يطيح حظك عمر كعدتني من نركتي علمود احاجيك وتسده بوجهي ..
رجعت نمت
..........
يتبـع
كلش اعذروني والله مريضه وعندي ضروف شوي صعبه ان شاءالله اعوضكم ب الاجزاء الجايه ❤️💙
أنت تقرأ
تراب الماس
Krótkie Opowiadaniaقصه تتكلم عن ضابط يريد قضاء باقي حياته مع مُدرسه (قصه حقيقية ) سياده الضابط سابقًا 🩵.
