تراب الماس

بارت ٤٢

الكاتبه ايه محمد ✨

عمر : اني الي ما وديت علي بينما جان كلعد امس اني رايدها تلبس  من ملابسي هيه كادره تاخذ من امي او اني اروح اجيبهن الها بس مارحت

وره شويه شفتها لابسه الملابس الي انطيتهن الها كبار عليها حيييل
بس هيه محليتهن هوايه ..

طلبت اضفر شعرها وضفرته بأديني
اتعمد اطول ب الضفيره حتى ابقى اعاين على شعرها اكثر

....

اني نمت ب الصاله وهيه بلغرفه ماريد اضايقها

كل ما اغمض اذكرها واذكر سوالفها ونكدها

رغم هيه عصبيه وماتتفاهم مو مرحه بس اني حبيتهه والي يحب لازم يتحمل
واني دا اتحمل كلشيي علمود اخليها تحبني كلشي اتحمل وكلشي اسوي ..

الصبح حسيت على صوت خالتي ام عباس وناز بس ماكعدت نعسان

اسمع حركه ب الغرفه كل مره ما اسمعهه واتخبل اذا احد دك الباب عليه واني نايم

واليوم الحركه بغرفتي واني فرحان عسى يدوم هالحركه بغرفتي ومنج انتي ..

وره نص ساعه اكثر كعدت
دخلت للحمام غسلت وجهي

ودخت للغرفه الثانيه مجانت موجوده والغرفه بارده والبردات ساحبتهن والهدوم الي لابستهن جانن ع الجربايه

لا ارادياً كعدت ع الجربايه وبديت اشم بيهن ريحتهه موجوده بهالملابس
ضليت اشمهن واذكرها البارحه واضحك

حسيت الباب بعدتهن عن وجهي بس كامشهن

حسيت بيها متفاجأه

صبحت عليها وهيه هم

ناز من تجي العامله خلي تغسل ملابسي وهذا التراك هم علمود انقلهن لبيتي

ها ؟

اي ييعني خل تغسل ملابسي وهذا التراك هم

ماشي

حنزل

اخذي راحتج

شكددددددد غبي هسه شتكول عليه ماعجبه لان لابستهن اني ..
لا ولو اني انطيتهن الها ماعرف بسسسس ردي غلط

نزلت جوه صبحت عليهن وكعدنه كلمه نتريك اول ريوك ناز ببيت اهلي ..
خلصت ريوك وصعدت لغرفتي ردت ادخل للحمام الباب ندك

تفضل ؟

العامله : استاذ دزتني ست ناز كالت اكو ملابس يحتاجلهن غسيل

ها ايي هنا ب الغرفه 

انتبهت عليها راحت اخذت التراك

سحبته منها لا هذا عوفي لا تغسلي

العامله وعلامات الصدمه على وجهه

حاضر استاذ

طلعت العامله وسفطته زين وخليته بكنتوري