تراب الماس

بـارت ٣٢

الكاتبـه ايـه محمـد

ندار عليه باوعلي بنضره مماعرفت افسرها حسيت نور منقذتي ..

طلع ...

ايي نور همزين اجيتي

ليش

يريد يحاسبني لان ما اتصل علي وقبل فتره ضحكت علي جرحت رجولته ولا اعتذرت وراد يحاسبني

خما سوالج شي؟

واني اغطي ايدي
للا حبيبتي ماسوه

ناز

ها

عمر حافظي علي تره يحبج والله

مو حب هاي انانيه يا اختي

صدكيني

لا تقنعيني اني اعرف عمر شنو.

ع راحتج ناز

..............

بعد ما خلص كلشي رجعت للبيت ضحكه مابيه اضحك التعب اكلني اكل

رجعنه للبيت صعدت لغرفتي ذبيت البدله ومسحت المكياج ونمت

حتى شعري مغسلته ..
عمر مادري بي وين فوني عند امي ما اخذته منها ...

نايمه حسيت شي يتلمس شعري ..
ما اهتميت كملت نومتي
شوي ونفس الحاله شميت ريحه امي

اي هاي امي اعرفها
بعز نومتي وعرفتها رغم هذا ماكدر افتح عيوني من التعب ..

احس بوجودها تمشي اصابيعها على شعري ووجهي حسيت بأمي مكسوره ؟
ليش ؟؟؟

اول مره امي تمسد ع راسي وتجي لغرفتي بنص الليل

رغم علاقتي بأمي حلوه وعلاقه ام وبنتها

سامعه وشايفه هواي بنات هنه وامهاتهن مو ام وبنتها لا صديقه وي صديقتها يحجن كلشي يسولفن يفضفضن

ما اكدر افضفض لامي واحجيلها على الي دا امر بي
اصلاً ما اكدر افضفض لأي شخص احسسسس نفسي انكسر ؟

دايماً اخلي بكلبي والله موجود وهوه يساعدني الله يدري بحالي ..

غفيت مره الثانيه وامي قريبه مني ..

فزيت الصبـح بـ ٥:٢٤

دخلت للحمام غسلت شعري وتوضيت وصليت دعيت ربي يوفقني بحياتي الجايه ادري الجاي صعب بس الله موجود ونعم بالله

خلصت صلاه قريت قرأن ونزلت اسوي ريوك الي لان اهلي كلهم نايمين

دا اسوي ريوك وانتبهت ع الحلقه
شكددد حلوه!!

هسه تكولون شنو مشفتيها امس!

لا ماشفتها ما انتبهت عليها تفكيري مو يم الحلقه

عباره عن شذر تلمع وبسيطه حيل
نزعتها اعاين عليها

محفور داخلها Om_n