تراب الماس

بارت ٣٥

الكاتبه ايه محمد

من بعد ما حجيت وي ناز ضوجتني وسديت الخط بوجهه لازم تضوجني ..
اني ماكدر اتركهه ماكدر هسه اطلكهه اني بالكوه حصلت عليهه مو اروح اعوفهه اعوف كلشي وهيه ماعوفهه ..

اخذني التفكير ونمت ..

.....

السـاع٨:٢٤

حسيت ايد بارده تلمست لحيتي ؟

ما اهتميت ضليت مغمض عيوني ونايم

شوي والستره الي متغطي بيها تعدلت ؟
نزعجتتت منو الي دا يسوي هيج ؟
فتحت عيوني ؟

سكرتيرتي ؟

ريم : صباح الخير استاذ عمر

هاا ريم صباح النور

اسفه كعدتك من نومتك بس الجو بارد وممتغطي زين

شكراً

شعجب بقيت نايم هنا؟

عندي شغل وتاخرت ب المكتب

احضرلك قهوه استاذ ؟

اي واتصلي على مصطفى يروح لبيتي يجيبلي تبديله اريد اغير ملابسي

حاضر استاذ

انتظرج ...

مديت جسمي شويه فتحت فوني ..

دخلت على الواتساب ناز ماكو ؟

اتصلت عليها ماكو ب الـ ٥ مكالمات دا اتصل وندك الباب ريم

تفضلي..

تركت الفون ودا يتصل على الطاوله واخذت القهوه

اتصلتي على مصطفى يجيبلي ملابس ؟

اي استاذ اتصلت علي بس ..

شنو بس ؟

ماكدر والدك راسله علمود شغله وبعيده كال تعذريلي من الاستاذ عمر هواي

دزي غيره ؟؟؟

استاذ اذا تريد اني اروح اجيبلك اني اعرف شتحب تلبس

لا ما اريد اتعبج اني رح اروح

لا استاذ ماكو اي تعب

الموظفين مشغولين ومصطفى هم مشغول وانته عندك اجتماع بعد ساعتين هيج متلحك اني اروح عادي ...

ماشي جيبيلـ..

اعرف استاذ اعرف ذوقك شنو لا تدير بال

شكراً

لا العفو استاذ ..

........

ناز : جنت نايمه فززني فوني عمر يتصل ...

جاوبت ردت احجي سمعت صوت بنيه؟
هايييي منو ؟

باوعت على الرقم هذا عمر ؟