تراب الماس

بارت ٢٤

الكاتبـه ايـه محمد

السلام عليكم

طبعاً ماحبيت اخليكم تنتظرون للاحد

فـ نزلت اليوم جزء بسيط 💛

اخليكم وي القصـه ❤️✨

وسام

مرت ايام صرت اشوف ناز بكثره دام انو همه قريبين عنه حيل الصراحه اني شاب وكل شاب
مصمم اباله يريد بنيه مواصفاتها تختلف عن الباقيات بهواي من اللبس الكلام الاسلوب الملامح من كلشي واني اكيد ببالي مواصفات البنت الي اريدها تكون  زوجتي

بعد معرفتي على ناز كل يوم اشوف بيها انطباع حلو حتى والدتي تحجيلي عنها تكول خوش بنيه ودارسه ومثقفه ...

مرت ايام ناز ماتروح من بالي
ماريد اضل هيج مكتف وكاعد ماسوي شي اريد اخطي خطوه قبل لايرجعون لبغداد

ماعرفت صراحه شلون ابدي اني حتى رقمها ماعندي ...

بلكي موجود عند اختي

وسام: قبس وينج

قبس : ها وسام

تعالي كعدي عندي موضوع وياج

اسمعك؟؟

عندج رقم ناز ؟

اي عندي شسوي بي

انطينياه

شنو انطيكياه هيه أمنتني وانطتنيا

قبس جيبي الرقم

كول شسوي بي

اريد احجي وياها

شغله ضروريه قبس انطينياه

ماكدر

استغفرالله

قبس ترا مالي خلكج كلش تجيبي لو شلون

شوف دير بالك تسوي شي غلط ماشي ترا ما مسؤله على شي اني

جيبي ومعليج

اوك اكتب ****

..........

من بعد ما اخذت الرقم شجعت نفسي واتصلت
مره مرتين اكثر ماكو جواب
رحت للعياده مالتي وهناك اتصلت مرتين الثالثه جاوبت جان هدوء ماحجت شي

وسام السلام عليكم

وعليكم السلام تفضل منو ؟

انتي ناز ؟

اي منو وياي ؟

اني وسام

منين جبت رقمي

من اختي اقصد اخذتها منها بدون متدري

بس هذا الشي عيب ليش تاخذها منها

اسف بس ردت اكلج شي مهم

تفضل ؟

ناز اني ...