فصليه الاسد الجريح

البارت السابع

راويه
،،،،،،،،،،
خلص عمو مخابره.

علي
،،،،،،،،
هايابه بشر شكو وين امجد ليش ماتحجي

الاب
،،،،،،،
امجد مسوي حادث وهسه هوه بلمستشفه حضر روحك حته نروح

راويه
،،،،،،،،،،
كلنه نصدمنه من حجاية عموو ضلينه نبجي وام امجد تملخ بروحهه ليش ياربي خلصو ولدي
اخذ عمري وريحيني ليش جاي تختبرني بولدي والله بعد مابيه صبر ولاقوه لهاذ الاختبار

علي
،،،،،،،،
رحنه للمستشفه
لكينه امجد مكسر ووجهه صاير خريطه من الخدوش مال الحادث سألنه الدكتور كال جابو حالته خطره ونازف هواي دم مكسوره رجله وايده الحمدلله ماصير شي لراسه جان فقدنا هسه هوه تحت تخدير البنج من يكعد نفحصه ونشالله عده العافيه
مرت ساعتين وهوه نايم كعد وبس يهذي جيبو ادم اريد ادم موتني ميقبل يسكت أجه والدي تحمدله بلسلامه جان والدي مكسور بس مايبين أدري والدي كلش يحب امجد واله مكانه عنده لان جبيرنه ورافع راسنه لامنه احنه الاخوه ويميل ع نفسه في سبيل نرتاح ماانسه وكفته لمن ردت اتزوج حبيبتي من بغداد وجان شرط اهلهه اله نعيش يمهم رفضو اهلي بس هوه ماكسر خاطري وقنع اهلي كوه وعيشني ابغداد برضات اهلي
وبعد وبعد حسناته هواي مينعدن
الاب
،،،،،
علاوي بويه روح جيب امك تشوف امجد احنه طلعنه وماكلنه وين رايحين
علي
،،،،،،،
ماشي يابه

راويه
،،،،،،،،،طلعو وماكالو بيامستشفه رايحين وللعصر وماكو اخبار عنهم كلوبنا نار بس ماكو بالايد حيله غير الدعاء
للعصر ودخل علينه
علي كال مابي شي بس ايده ورجله مكسوره

علي
،،،،،،،،
هاي ولاغيرهه لوماستر الله جان مات يله يمه حضري نفسج تجين تشوفينه
أم امجد
اي يمه جاهزه جنت منتضره احد ياخذني كلبي نار
ساره

واني هم اروح وياكم اريد اشوف امجد وناخذله ادم ويانه
علي
،،،،،،،
اباوع لراويه عيونهه تبوعلنه بس ماتكدر تسأل علي ولاتكدر اتروح وياكم اني جاوبت  كلش جان هيه المفروض تسأله خطيه اكيد هيه هسه كلبهه نار ادري هيه وامجد منجذبين لبعض بس الضروف صايره حاجز بيناتهم جان كلتلهه راويه تعاي ويانه شيلي ادم امي مابيهه حيل وساره تلزم امي منو ينتبهلهه جذب اكدر اني ادير بالي علي بس ردتهه تجي ويانه ادري بيهه حابه تجي ويانه بس تستحي تكول

راويه
،،،،،،،،
اجه علي من المستشفه وكلش ريحني كلامه كل الاسئله البداخلي جاوب عليهن بدون ماسئله كللهم يروحون وياا يشوفون امجد واني بداخلي جنت حابه اروح
لحد ماعلي طلب اروح الزم ادم لان محد اله
صدك ضجت لان ماحاسبيني منهم ولاحاسبيني مرت امجد بس يله ميخالف اهم شيء. أروح أطمن علي

علي
،،،،،،،،
اخذتهم ورحت للمستشفه وراويه طول الطريق عيونهه للشارع خطيه بعدهه زغيره ونضلمت بموضوع الفصل اني صح ابن عشاير بس عيشتي ابغداد غيرت هواي مفاهيم أبالي وخلتني انسه الاحكام. الباطله التطلقهه العشاير بحجه الاعراف والتقاليد