فصليه الاسد الجريح

البارت الثاني

راويه
،،،،،،،،،،
نزل عليه الخبر مثل الصاعقه وخيروني بين نفسي ودراستي وطموحي وبين اهلي واخوتي وماعرفت منو اختار وهوه اصلآ ماتركولي خيار گبل حكمو عليه بالاعدام لخاطر طيش اخوي خليت اهلي يحجون امي ترفض وابويه يكلهه خلص فضت وبعد باجر راويه تروح صعدت الغرفتي بجييييت باوعت الكتبي ملابس المدرسه كلشي تلاشه لامستقبل ولاحياة سعيده راح اروح خدامه ساعدني يارب اني موحمل هيج مسؤليه نمت ومااحس اله خواتي زهراء وسعاد فوك راسي يكعدن بيه ويبجن علئ حضي المصخم
ضل ينصحني اشلون اتعامل ويه العالم واحترم وماجدل واهم شي ميطلع صوتي واني ولايمهن لان عزت عليه روحي الي حته صدك جذب ماخيروني كبل حكمو عليه نزلت وياهن تعشينه وكملنه صعدنه الغرفتي وهم لزمني بلحجي والنصايح وسولي تنضيفات وحفن وجهي حسبالك عروس حسبالك مايدرن اني رايحه للضيم نمنه وكعدنه ثاني يوم لكينه عمي ابو محمود سلم عليه وكلي

ابو محمود
،،،،،،،،،،،،،،،،،،
ابنيتي بعد ماوصيح كون ترفعين راسنه كدامهم وتتحملين العيله والميله وانتي بعد مانوصيج راويه المعدله ام السان الحلوو ويابنيتي هاذا قدرج ومتعرفين الله شضاملج تره يجي يوم تتعدل ماتضل دنيتج مايله

راويه
،،،،،،،،،،
لمن عمو حجه هيج ريحني ع الاقل حاجاني مومثل اهلي كئنما يردون بس يسدون السالفه بيه اهم شي اخوي احمد يزول عنه الخطر والله للعصر حضرت ملابسي وحته ملابس مدرستي وكتبي خذت كل احتياجاتي هوه هم اغراضي موهواي سبقت وكلت حالتنه موكلش زينه فماجان عندي هواي طلبات ماحب اثكل على اهلي خلصت تحضير غراضي وجان يصيحولي اهلي
الاب
،،،،،،،
يابه راويه اني ماتخليت انتي بنيتي واخر العنقود المدلله بس شسوي مجبور وادري بيج كدهه وعذرينه اذا ذبيناج بيهيج سالفه بس تعرفين هوه بس هاذ الحل

الام
،،،،،،،
يمه راويه لاتضوجين متعرفين الله شضاملج روحي وعيشي عدهم حته اذا معاملتهم سيئه لاتعامليهم بلمثل بنتي بنتي هله هله بأم الولد داريهه تره مكسوره ع ضناهه وشتكول كليلهه بلي

راويه
،،،،،،،،،
انشالله ارفع راسكم بس دعولي لان كلبي مقبوض

الام والاب
،،،،،،،،،،،،،،،،
الله يريح بالج بنتي وتعيشين سعيده بجاه الله واهل بيته

راويه
،،،     ،،،
للصبح مانمت الف حسبه اجت ابالي جان تصعد امي كلتلي حضري نفسج راح يجي عمج ياخذج هنا اني نهاريت وبجيت مثل الماخذينه للعدام بس استسلمت المصيري كمت بدلت جبه سوده وحجاب اسود وحذاء فلات اسون وجنطه سوده لبست اسود لان عيب خومويكولون ماهمهه ابنه الكتله اخوهه نزلت لكيت عمو وخواتي واخوي محمد ومرته وجهاله وهلي كلهم متجمعين ع الريوك تريكنه او تريكو اله اني منين اجيب النفس واكل خلصنه سلمت عليهم طبعآ نهارينه بجي لان محد يدري يجوز هاي اخر مره اشوفهم وطلعت ويه عمي والشيخ ورحنه مكان بعيد ارياف وزرع بس الجوو حلوو وجان نوصل يم بيت كلش حلو وبناء حديث وبالباب كومه زلم اول ماوصلنه دخلونه المضيف لكينه شيخ وزلم كومه عقدولي ع واحد واني اصلآ ماشفته لان مارفعت راسي دخلوني جوه البيت تلكتني بنيه بعمري كالت اني ساره وانتي شسمج كتلهه راويه كالت فدوه صدقه اسم ع مسما صدك راويه والله يستاهل امجد هيج مره فوتتني جوه لكيت مره موجبيره بعدهه بس مكسوره وتبجي سلمت عليهه ماردت السلام بس يله هم معذوره المكتول ابنهه حقهه ودتني ساره لغرفه كلش حلوه كالت هاي غرفت امجد ارتاحي هناا وبعد انزلج