ساره
رحنه للصالون وجان كلش تعب لان ماشالله أحنه نروح الصبح يستلمونه العصر
موعرايس تگول فاصوليه هههههع
طلعتني البنيه كلش حلوه
مكياج خفيف وتسريحه بسيطه
وهاذ جان طلبي لأن ماأحب الهوسه
حته يبين جمالي
بس هاذ كله وأني تفكيري مشوش
جنت خايفه ع فرحانه
وخايفه من المسؤليه
ولو حبيبي حسين خطيه ماقصر
دائمن يهديني ويحجيلي كلام حلو
ويكلي نتخطه الصعاب سوه
رحنه للبيت وجانت غصه بگلبي اخوي باسم ماموجود هوه جان المفروض هسه عرسه لان جان يحب بنيه وجنه ناوين قبل لايتوفه نخطبلياها
الحمدلله ع كل حال
الله يرحمه اكيد عريس بلجنه
حسين
قبل سبوع من العرس
رحت جبت أرقهه غرفة نوم وجهزت البيت كله ع ذوق ساره جنت أصور وأدزلهه وتختار
لأن ماجنت تروح وياي تستحي من أهلهه
كملت كلشي يخص البيت بقه بس العرس وهوه أصلآ العرس راح يكون بسيط أني أقاربي قليلين وهمه عدهم حالة وفاء فماراح يكون عرس جبير سوينا ع گد الحال بلبيت أصلآ أني وساره أخر همنه العرس جان اهم شي عدنه ننجمع ابيت واحد
أجه يوم العرس اجو خوالي وبيت عمي وشكم واحد أقاربنه وأصدقائي بلشغل
ورحنه زفه لبيت أبو امجد وصلنه ولگينه
الكل متلكينه بالباب دخلت ع ساره
وتفاجئت بلشكل والجمال والبساطه
كئنما مسويه كلشي ع مزاجي.
بين الشگر واهل السمر...
رسموا جمال عيونه😍
يعني الككو🍫وي العسل 🍯
حنطاوي يطلع لونه🙊
گعدت يمهه وهمست بأذنهه فدوه شطالعه اليوم
ولج من فوگ ليجوه حلوه مابيج نقص أروح فدوه للخجول يله نروح لبيتنه أيدچ بأيدي وننسه الدنيه
ساره
أجه حسين اول ماهل عليه صدگ گلبي حسيته رگض قبل عيوني حته يستقبله عين الله علي
طالع يخبل شنو شياكه شنو جمال ووسامه وهيبه حبيبي الله يخلي اليه
گعد يمي وهمس بأذني اجمل كلام تحلم تسمعه
كل عروس بس اني خجوله 🙈🌺
ماأتحمل الكلام الحلو عاد گالي يله نروح لبيتنه هنا أني ماعرف شنو احساسي صدگ صعبه ع الابنيه تفارگ أهلهه
دمعت عيني عاد مسح دمعتي گال أيدي بئيدج وننسه العالم طمني طلعنه وصعدنه بلسياره من بعد ماسلمنه ع أخواني ووالدي أمي والبنات گالو يجيبهم علي وراي
راويه
وصلنه للبيت جان عرس بسيط بس كلش حلو غير جو البيت حسينه بفرحه دخلت للبيت أباوع لساره فراحانه بفستانهه الحلو واهلهه وناسهه يمه صدك شعور حلو جنت اتمنه أعيشه يله الحمدلله ع كل حال موكلشي نريده يصير وزعنه عصاير ومي للمعازين واني نفسي تلعب موتتني بس لاكلام زينب صح واطلع حامل
تناسيت الموضوع وكملت شغلي
والله شوي واجت الزفه
دخل حسين وگرايبه اخذو ساره راحت كل السيارات عاد الولد كالو لحكنهه اني غير الصدگ جنت متردده أروح بس مابينت لان ماأنسه أني شنو أخاف أسمع أحجايه وانغث طلعت عمتي وزينب واني واكفه وافكاري ماخذتني لبعيد جان أحس بأيد ع جتفي
ألتفت ولنه عمو
أنت تقرأ
فصليه الاسد الجريح
ChickLitقصة فتاة تذهب فصليه هل ستعيش سعيده أم العكس صفعات وخواطر مؤلمة #الفـرحة عبرتنا ومشـت😢💔 شبينـا مــا #نـستاهــل ؟! من #يمنه فاتت غمضت😪 شيگعده حظنه #المايـل ؟😔😔
