فصليه الاسد الجريح

البارت الثامن

أمجد
،،،،،،،،،فرحت برجعتي الاهلي ماجنت متمني ينفجعون بيه كافي باسم المانشف ترابه اهلي جانو فرحانين برجعتي وعلاوي خطيه كلشي واگع علي يركض منا ويجي منا البيت مختبص بأهلنه وناسنه الكل تحمدلي بلسلامه وراحو شيء ورا شيء فرغ البيت وبقينه بس احنه الكل كاعد بالاستقبال اهلي وبيت علي بس راويه كلعاده بلمطبخ متجي يمنه تخاف تسمع احجايه من احد فمجنبه الحجي صح اني مانسه عملت اخوهه الحقير بس صرت اشوفهه بدون ذنب كل هاذ موذنبهه بس اااااااخ وعقلي الماينسه دگت اخوهه الاتمنه اطلعه من جوه الگاع وأمحي من الوجود بس المقيديني حكم العشاير
راويه
،،،،،،،،،
كملنه شغل وكلمن راح البيته واهم شيء سميه الحيه راحت شبعتني بسمهه طول اليوم بس تبسمر حجي والفصليه والفصليه الله ينتقم منهه ومن السانهه السم
خلصت شغل بس مصعدت الغرفتي كلت عيب خاف يحتاجون شي جانت برد شهر الثاني والمطبخ باارد همه بالاستقبال يسولفون
اتذكرت ايامنه من جنت عند اهلي جنه من يبرد الجو نلتم ع الصوبه والتلفزيون يجون بيت اخوي وخواتي وجهالهن نتونس ونضحك صح حالتنه الماديه ماجانت زينه بس ماجان ناقصنه شي امي وابوي جانو يحاولون يسعدونه بكل الطرق ااااخ لويرجع الزمن والزم احمد وماخلي يطلع من البيت ويسوي هلبلوه الوكعت براسي اوووف يايمه وينج شوفي حالي وين جنت ووين صرت يارب باوع الحالي حنن كلوب البشر عليه اني طفله والدنيه ذبت حمولهه عليه واني موكد الحمل بجيت بحركه حسيت احد وراي التفتت، ،،،،،،،

زينب رحت اشوف راويه وين صارت خذتنه السوالف وحته مصحناهه تكعد ويانه خطيه هسه شتكول
رحت ولكيتهه تحجي ويه نفسهه وتبجي خطيه صدك كسرت خاطري وستحيت منهه لان ماذكرتهه

هااا راويه شبيج حبيبه منو غاثج ع شنو هاذ البجي احنه موتفقنه ماتبجين بعد لاتخربين عيونج الحلوه واذا عندج هموم فضفضيلي اني اختج تره السوالف اذا ضلت بلكلب تذبح

راويه
،،،،،،،،
شبكت زينب وضليت ابجي جنت محتاجه احد يحضني ويطبطب عليه لان تعبت  من العالم
كتلهه ذكرت اهلي ولمتنه سوه كلش مشتاقتلهم صاري 3اشهر ومادري بشي عنهم اتمنه لوبس اخابر امي اطمن على احوالهه

زينب
،، ،،،،،،،
شبيدي عليج يكلبي تعرفين اذا اساعدج تخابرينهم يزعلون عليه ياحبيبتي خليهه للزمن بلكي الله يحنن رجلج عليج ويخليج تخابريهم
راويه
،،،،،،،،،،
😏هه رجلي
صدك لوكالو رضيت بلبين والبين مارضه بيه
رضيت اني فصليه ورضيت بقسمتي ونصيبي وهوه ولايمه ،،
من اجيت لهسه ماسمعني كلمه حلوه تطيب الخاطر كله صياح وأوامر خوو بلبدايه جان يضربني بدون سبب بس هسه شوي خفف يله يمعوده أني خلك فصليه لاالي حق احجي ولااعترض ولاأطلب حق
اني جايه خدامه واذا عله اهلي هاهيه بعد ماضن اشوفهم

زينب
،،،،،
قهرتني بحجيهه صدك امجد ميعاملهه حلو بس هيه مبين عليهه معجبه بي الصراحه هوه طيب كلب وانسان خلوق وشكله حلو بس اعصاب فد نوب يارب حنن كلبه عليهه ولازم اكل العلي يلمحله حته يحسبهه مرته جم دوب هيه خدامه هيه شنو ذنبهه القاتل عايش حياته والفصليه شبعانه ضيم