راويه
،،،،،،،،
عقدو لحسين ولساره ومرت خال حسين هلهلت بس عمتي ماقبلت
عاد مرت عم أمجد كلتلهه خيه بلاهه الهلاهل تره مصابهم بعده جديد بس همه لخاطر حسين وافقو بلخطوبه
أني هناا كلش استحيت ودنگت لأن بسبب عملت أخوي تنغصت عليهم افراحهم
ساره
،،،،،،،،،
عقدولنه أني وحسين والفرحه ماسايعتني وره شوي فات هوه وأخواني تباركولي رحت بدلت لان خواني لزمو حسين وبيت خاله ع العشه لان هيه اصلآ الخطوبه ع الساكت المعازيم ماجاوزو ال15نفر كلمن راح وبقو حسين وكرايبه
نزلت أساعد البنات كملنه العشه وصارت سفره تخبل تعشو وكملو عاد أمجد صاح ساره جيبي الجاي أني هنا تذبحوني ماتلكون قطرت دم من المستحه يمه شيفوتني گدام أخوتي وأبوي دخلت الجاي وأني ارجف عاد حسين كام وخذاء مني كال ليش أتعبون أمريتي
ألكل ضحك واني اضحك جذب من الخجل 😂
وره شوي ابوي كال أني اترخص اروح انام جن الضغط صعد، ،بويه حسين بعد انته من اهل البيت أخذ راحتك علاوي هم راح يسبح
بقينه بس أحنه وامجد ردت اگوم گال أمجد أبقي يم خطيبج شوي
أني أترخص بس موتسوون وكاحه 😂😉
يمه اني متت من الخجل هاي عود اخوي وهيج يحجي
أشو بس طلع امجد حسين اجه گعد يمي
حسين
،،،،،،،،،،
خلصت الخطوبه وتعشيت يمهم أمجد صاحلهه حته تجيب الجاي أدري بي يريد يسوي الميانه بيناتنه
عاد اني لطفت الجو بحجايه ههههه وهيه ماتت خجل
وره شوي الكل ترخص بقينه بس احنه وأمجد عاد امجد أخوي وعرف شريد من نضرت عيني
گام وبقينه لوحدنه
وهيه لازكه بطرف الاستقبال رحت يمهه وكلت أعلمهه عليه خو مانضل بهل خجل
كتلهه شبيج مستحيه مو اني صرت رجلج ليش هل خجل ياحبيبتي أروح فدوه لليخجل بس كليلي شهلترافه منين الله خالقج وبستهه من خدهه هههه هيه تكهربت كتلهه بعد هاي الكمزه بطليهه أحنه مخطوبين كلشي توقعي 😉
ساره
،،،،،،،،
حبيت شلون يدلعني ويسهل عليه لان شافني مستحيه بس من باسني يمه متت من المستحه هههه هاي البدايه وأني كاتلني المستحه عاد كتله حبيبي كافي تره والله أخجل لاتسويهه بعد
حسين
،،،،،
بويه كلبي
بله عيدي شكلتي
،
ساره
،،،،،،
🙈حبيبي
حسين
،، ، ،،،،،
بويه من اروح فدوه لكلمة حبيبي ولج منين انتي أجيتني لعد شكد امي داعيتلي وهاذ العسل يصير من نصيبي أشو تعاي نطيني بوسه أشو هاي خلتني وشردت هههههه
ألزمج ألزمج وين تروحين
ساره
،،،،،،،،،😝😝😝😝😝😂😘
أمجد
،،،،،،،،،،
عفت العرسان وحدهم خطيه خل يتعرفون ع بعض احسن ماينصدمون وره العرس😂 وحسين أخوي وصديقي وادري بي يحافض ع اختي ازيد مني ماأكول غير الله يسعدهم ثنينهم طيبين يستاهلون كل خير
ماعرف ليش رحت للمطبخ كلبي گبل رجلي خذاني حته اشوفهه
رحت ولكيتهه تمسح أندارت ولكتني وراهه نصدمت
راويه
،، ،،،،
هاي شبيك تحنحن كول شيئ هيج تفززني يمه جان متت عبالي جني
امجد
،،،،،،،،
ههههههه وهيج الجني حلو مثلي
راويه
،،،،،،،،
شدعوه هلغرور الخلقك ماخلق غيرك تواضع ياوسيم العرب
أنت تقرأ
فصليه الاسد الجريح
ChickLitقصة فتاة تذهب فصليه هل ستعيش سعيده أم العكس صفعات وخواطر مؤلمة #الفـرحة عبرتنا ومشـت😢💔 شبينـا مــا #نـستاهــل ؟! من #يمنه فاتت غمضت😪 شيگعده حظنه #المايـل ؟😔😔
