فصليه الاسد الجريح

البارت 13

أمجد

فكرت بكلام الوالد گلت هم نتونس وهم أقربهه ألي بعدين گلت لا خلهه للزمن لاأستعجل وأخلي البنيه تنفر مني شوي شوي وهيه تحبني مااريد أخذهه فصليه أريد إنسيهه هاذ اللقب حته نعيش طبيعي طبعآ اليوم مرتاح لان باجر راح أروح أفتح الجبس من أيدي وأرجع الشغلي ورتاح من گعدة البيت طلعت روحي ولو راويه جانت مهونتهه علية رغم البعد البينه بس جان صوتهه بلبيت كافي يونسني

راويه
نزلنه وكملنه شغل اني والبنات ورحنه كعدنه بغرفت ساره لان بعد يومين بيت علي يرجعون البغداد 😭راح اتوحش زينب وسوالفهه صدك حبيبه ومتنمل بس همه گالو بس يطيب امجد يرحون سولفنه وكالت زينب فتره وتعالو لبيتنه ابغداد اله أشبعكم ونسه گالت ساره والله ياريت نتونس عاد التفتت ألي زينب كالت وانتي ساره مامتحمسه تجين لبغداد كتلهه والله مااعرف شكلج بس اني ماشايفه بغداد گضيت عمري كله بلعماره بس يله اذا قبل أمجد نجي اريد تشوفيني بغداد سامعه يكولون حلوه عاد زينب كالت تجين وتحكمين شفت الساعه بل1كتلهن يله بنات اروح انام باجر وراي گعده

ساره
اكلج زينب.
بس توصلون فتره وخابرو امجد يجيكم ويجيب راويه بلكي الله ويتقبلون بعض والله كاسره خاطري راويه ولاجنهه مزوجه واريدج تعلمينهه كلشي حته تعيش، ،،لاتنسين امجد عنده تجربه زواج سابقه وهاي فقيره ماتعرف تقربه الهه

زينب
الله كريم يجون واني أله أخليهه تصير غير شكل يله حبي باجر وراي كعده 😘

امجد

جنت سهران ويه الوالد وعلي
باجر يسافرون والله يعز عليه فراكهم بس انعم الله عليهم وقفو شغلهم ودواماتهم علمودنه

خلصت سهرتنه وصعدت انام مالكيت راويه بلغرفه رحت اشوفهه وين لكيت باب ساره مفتوح والبنات يسولفن جان يسالنهه ع روحه لبغداد كالت ذا امجد وافق،
،هاذ المحببني بيهه انو تقدمني بحجاياتهه وتخليني بلصوره عاد كلت بس افرغ اخذهه واروح البيت علي

حسين
صارت بل1
وساره ماخابرت وهيه كالت بس تفرغ تخابرني خابرتهه
الووو
ساره،،،،،، الووو حبيبي
وين جنتي ضل بالي انتيي كلتي ربع ساعه وصارلج 3ساعات
ساره ،،،،،حبيبي ملتهين أبيت علي باجر يسافرون وسهرانين وياهم راح نتوحشهم همه وجهالهم جانو مسوين صوت بلبيت

أي حبيبتي نكضيهه نحجي ابيت علي ولج سمعيني رومنسيات شبيج جافه
ماكو حبيبي گلبي
ساره
عههههههه
حبيبي وكلبي شعندي غيرك بس موكله رومنسيات
اذا كله نستهلكه چا شنخلي للزواج
حسين
وره الزواج صباح الخير تطلع بلعرك هههههه 😂😂
ساره
يمه غير أذبحك
كلشي ولا الكلام الحلو علمتني وتريد تكطعه يلضالم

حسين
هههههه اني ضالم وبعدين شنو الاكطعه منج شنو هوه جكاير. 😂😂
ساره
اهووو هوه هاذ انته الواحد لايستلم منك لاحق ولاباطل أشو زعلت يله طلكني