فصليه الاسد الجريح

البارت التاسع

ساره
،،،،،،،،
دخلت لغرفتي مااعرف ليش من شفت حسين رجف كلبي صار سنين مشايفته بس هاي اول مره انتبه لرجفة كلبيي.   اهووووو.  شبيج ساره هاذ صاحب اخوي موأني الانزل راس اخوي
وخلي رجفة الكلب تفيدج اذا عرف اخوج

أمجد
،،،،،،،،،
اجه حسين وكلعاده حجيتله ألابداخلي لان بس هوه اليفهمني

حسين
،،،،،،،،،،،
امجد اذا شايف لبنيه فاتت الكلبك هاي هيه ياخوي قربهه الك عاملهه معامله جيده موتعاملهه بقسوه وتريدهه تجيك تره المره تحب الزلمه اليعاملهه مثل الطفله مو اليضرب ويصيح تره العنده هيج صفات المره ماتحسبله اي احساب واني نصحت وانته بعد حر

امجد
،،،،، ،،   ،،،،
بس موضوع أخوهه ماجاي يروح من بالي خاف اضلمهه واضلم نفسي لمن ارضه اعيش ويه اخت كتال اخوي
حسين
،،، ،،،،،،،،
شبيك أمجد انته مجاي تفهم اني اكلك البنيه مالهه ذنب ليش كلساع عايد موضوع اخوهه وبعدين لوأختك ابمكانهه ترضالهه هاذ الحال تره هيه خدامه موانته تكول مشموره بلمطبخ طول اليوم وحته اكلهه ابحدهه يااخي شنو هلضلم ترضاهه على خواتك لاننسه الشرع
الله مايقبل بهاذ الشي ولا الانبياء محللين هاذ الشي الفصليه اكثر شخص خسران بلمعركه حته يحمون الولد يضحون بلبنيه ويشمرونهه مثل ميشمرون الزباله ياخويه خطيه لاتزيد فوگ ضلمهه ضلم لاتنسه انته صاحب خوات والله ميضيع حق مضلوم قربهه الك وخليهه تحتويك انته وابنك وهيه هم ازغيره تربيهه ع ايدك لاتنسه فرق العمر هيه 16وانته 34يعني تربات ايدك بس شيل السوالف البالك وتوكل ع الله

امجد
،،،،،،،،،
انشالله خويه اني هم هيج اكول مادام الله قسمهه الي وأن كان الضرف سيء بس. هاي حكمته شنسوي خل أطيب والله كريم
راويه
،،،،،،،،،،
طول اليوم بشغل البيت والهوسه والخطار رايح جاي نهد حيلي اني وزينب بس ساره اليوم ماكو معقوله تقره كل هاذ الوكت خل اروح اشوفهه
رحتلهه لكيتهه نايمه يله الصبح اسالهه يجوز بيهه شي صعدت لغرفتي ولكيت أمجد يحاول يكوم بس ميكدر كتله اساعدك كال والله ياريت صار ساعه اريد اروح للحمام وماكدر اسند واكوم جان سندته ووصلته للحمام وبعدين رجعته لفراشه خطيه مبين علي المرض جان يكلي راويه انتي محتاجه شيء من يوم مافتي لبيتنه ولايوم طلبتي مني فلوس حاجه اجيبلج ياهه لاتستحين اني زوجج جان اني وجهي صار هيج 😨يمه هاذ شبي مصخن يهذي وين قبل وين هسه بس لالا هاذ اكيد الضربه مأثره على راسه

كتله لاسلامتك عود من احتاج اكلك مشكور

أمجد
،،،،،،،،،
ردت اروح للحمام بس اليكومني منو بهل أثناء فاتت راويه طلبت تساعدني ووافقت خطيه هيه كوه تكومني اني ثكيل بس ماتستسلم لمن كومتني انتبهت لوجهه ماعرف شمغيره يمكن حواجبهه بس صدگ طالعه حلوه وهيه اصلآ حلوه جذبتني عاد من رجعتني للغرفه ردت افتح موضوع نسولف لان هيه أبد ولامره طلبت شي من جميع البلبيت كلت اسائلهه وجان جوابهه ممحتاجه شي گلت اكول لساره وتشوفهه شمحتاجه ومنهه شوي شوي اعودهه عليه