البارت الأول
ايام لا تحتسب
#طائر بلا تغريد #
#رؤى الجبوري
الليل كله جاعده اسبح واستغفر
توني غفيت وحسيت شي كرصني برجلي فزيت واني مرعوبه
يمه دخيلك يبو الحسن
دخيلك يبو فاضل
ها يمه خيرج
ولج يمه مدري شنهي عظني برجلي
خاف فاره هههههه
لع موش عظة فاره
شنهي تعرفين عظة الفاره من غيره
جا شمالني ولج ماعرف هاي إلى الله ما مجذبني عظة ابو بريص
يا غدي غدي تلعب روحي منه
شو افتحي الضوه خلينه نشوف شنهي العظني
ههه وهسه ابو بريص منتظرج لمن تشوفينه
دكومي كومي أم لسان
كمت فتحت الضوه وبقيت اكلب برجل امي
يمه مابيه شي
جا شنهي العظني
يمه هاي يمكن كرصة
دكومي اشطفيه وردي نامي
أي اكوم اشطفهه وتجدد اريد اصلي لم البنين شو كلبي ماجلني عل خيوتج
ان شاء الله يردون بخير وسلامه
ان شاء الله
كمت تجددت وصليت ركعتين لم البنين وطلبت منهه سلامت ويلادي
بعده كعدت اسبح واستغفر لحد ما إذن الأذان
صليت الصبح وسلمت عل الحسين عليه السلام وسلمت عل ابو الحسن علي عليه السلام
وسجدت و دعيت ربي يحفظلي ويلادي
بجيت بحركة كلب أم فاكده
رفعت راسي للسما و دعيت
سيدتي فاطمه أم الحسن بجاه ظلعج المكسور وبجاه كسرة زينب الحوراء عندج ترديلي ويلادي سالمين غانمين
كملت صلاتي ورحت تمددت بفراشي
بين النايمه والصاحيه لني جاعده بذيج الهيمه (الصحراء )
جاعده وبيدي سبحه زركه اسبح وعيوني يجرن دمع
الدمعه توكع بلكاع
واني عيني منه
جن ذاك الدمع خظر منه زرع
طلعت وردتين حمر وحده جبيره والثانيه صغيره صايره جوه الورده الجبيره
جني فرحت بيهن واني اشوفهن يكبرن صحت اللهم صل على محمد وآل محمد
لشوي واجت عجه صفره ترابه هبت علي
كامت الوردات يختظن ويردن ينشلعن من جاعهن
خيمت عليهن واني اكول
دخيلك يابو الحسن ورداتي
ماحس غير علك صار بيدي كيفت ذبيت العلك عل الوردات
وره شويه وكفت العجه وطلعت الشمس
شلت العلك من على الوردات شفتهن كبرانات وصايره بيناتهن ورده بيظه تخبل جنه شمس ضاويه
أنت تقرأ
ايام لا تحتسب
Adventureالحب ليس أقوالاً مهما كانت جميلة إنما أفعال مهما كانت بسيطة الحب ليس ماذا تشعر إنما ماذا تفعل لتجعل من تحب يشعر بحبك الحب ليس بعدد المرات التي تقول فيها "أحبك" إنما بعدد المرات التي تثبت فيها أنك تحب الحب هو أن تعلم أن واحدا زائدا واحدا لايساوي إلا...
