البارت الرابع عشر
أيام لا تحتسب
#طائر_بلا_تغريد
مساء الخير عليكم
نص الليل ونسمع دبه كلش قويه
فزيت من النوم طلعت بره شفت عمر يلبس بقميصه ويركظ لبره
ركظت لزمته من أيده سحبته للغرفه كتله وين رايح
اطلع اشوف شكو
أي بلله طلعو الدواعش واخذونه
جا شلون اباوع واسكت
لا مانسكت بس خلينه نفهم السالفه وبعدين عود
تمام نتر عمر بقهر
شويه هم صارت دبه ثانيه
طلعنه على كيف باوعنه من باب الصاله
كلشي منشوف لأن ماكو شباك والباب كلش جبير
ولك عمر هاي بانين حصن شلون واحد يباوع للشارع
تعال وراي
ركظ عمر ركظت ورى صعد للسطح فتح باب البيتونه ودنك صار يمشي وهو مدنك وانا ورى
لحد ما وصل للتشريفه
بيه رازونه زغيره بقينه نباوع منهه
دواعش وياهم مجموعه شباب مربوطين
ولدواعش يحاولون يكسرون القفل مال بيت عمه
البيت جان مقابيلنه وعليه قفل جبير
ولك ذوله يردون يدخلون البيت عمي
اصبر شويه هاي خوش فرصه خليهم يدخلون وبعدين نتصرف
بقينه مراقبينهم لحد ما كسرو الباب ودخلو
سحبو الشباب وياهم و سدو الباب
علي .... ماكو طريق ثاني ندخل البيت عمك غير الباب
عمر.... بلي اكو مثل ما دخلنه البيتنه
هاي البيوت قديمه كله بيهه سراديب
كلش زين امشينه ندخل للبيت وهناك نشوف شنكدر نسوي
فعلا طلعنه البيت عمه افترينه من الجه الثانيه ودخلنه من الرازونه
صرنه بلسرداب مساحه جبيره مليانه كراكيب قديمه
وبيه تهويه
السرداب بارد كلش جانو يستخدمونه الناس بلصيف ينامون بيه لان بارد
وهم يحتفظون بيه بلغراظ الي ميحتاجونه
بيه دراج يصعد للبيت
افتريت شويه بلسرداب شفت حبل وتوثيه اخذتهم
صعدنه الدرج واحنه حذرين
باب السرداب جوه الدرج يعني مينشاف للي بلبيت
طلعنه نتختل على كيفنه
بصف الدراج غرفه دخلنه بيهه
وبقينه نستمع للدواعش
عرفنه ذوله جايبين الشباب حتى يعذبوهم هنا وبعدين يأخذون فلوس من أهلهم ويكتلوهم
هيج سمعنه يحجون مع بعظهم
صرنه نفهم حجيهم من كد ما شفنه دواعش
اكو حمام بصف الغرفه الي بيهه احنه
سمعنه واحد دخل الهه
أشرت العمر وشلت التوثيه وطلعت
دخلت عليه للحمام( تكرمون)
جان توه كاعد
شافني راد يصيح
ضربته بلتوثيه على راسه بسرعه ما لحك يحجي
وكع بلكاع
أنت تقرأ
ايام لا تحتسب
Aventuraالحب ليس أقوالاً مهما كانت جميلة إنما أفعال مهما كانت بسيطة الحب ليس ماذا تشعر إنما ماذا تفعل لتجعل من تحب يشعر بحبك الحب ليس بعدد المرات التي تقول فيها "أحبك" إنما بعدد المرات التي تثبت فيها أنك تحب الحب هو أن تعلم أن واحدا زائدا واحدا لايساوي إلا...
