البارت الثالث عشر
أيام لا تحتسب
#طائر_بلا_تغريد
صوب عليه بنفس اللحظه صارت ضربه قويه اندفعت من فوك الجرف
جان الجرف منحدر يعني من نوكع تتلكاك الكاع مسافه وبعدين نوصل للنهر
انظربت بحجر وشوك ورمل دخل بعيوني لحد ما استقريت بلكاع
الفوك الجرف ميشوف الي جوه
بقيت متمدد فتره سمعت صوت الطلق كملوا قتل
كل دقيقه ينشمر شاب بلمي
كدام عيني النهر صار أحمر من دم الشباب
واني مجتف باوعت داير مدايري شفت كزازه زحفت اله ولزمته بين اديه وبديت اكطع بلحبل
إلى أن انفتح الحبل
ابتعدت عن جرف النهر لحد مصار الليل
صار هدوء
قررت اسبح واطلع من الجهه الثانيه
فعلا نزلت بلماي وأخذت نفس جبير وسبحت للصوب الثاني
طلعت من الجهه الثانيه وبقيت امشي ماعرف وين اروح بس جان اكو اضويه فقررت امشي صوب الأضويه
لحد ما وصلت جانت قريه صغيره اسمهه ......
تلكوني اهل القريه رحبو بيه خاصه بعد ما عرفوا أني طلعت من مجزرة سبايكر
الي عرفته اكثر من الفين شاب انقتل بهاي الليله الفاتت
عشت بلقريه اسبوع بهذا الأسبوع اهل القريه كدرو يطلعون ثلث شباب نفس حالتي الضاهر تعبوا مكامو يركزون بلقتل
المهم بعد الأسبوع طلعنه من القريه رحنه على حدود الأنبار يمكن نكدر نرجع البغداد
بس جان الرجوع البغداد من المستحيل
جان واحد من الولد الي وياي اسمه عدي من اربيل فكال نروح الأربيل
بس ماكو نقل مباشر الأربيل
بقينه نتنقل من قريه القريه
سياره تذبنه على سياره
بيوم وصلنه على قريه بلأنبار
دخلنه على ناسه جانو فقره
تلكانه واحد اخذنه البيتهم همه ثنين أخوه بس عايشين بيت واحد
بقينه عدهم يومين سألت
ابو جلال الاخ الأكبر كتله
خيي شني سالفت ذوله الدواعش منين اجو
كلي ذوله سالفتهم طويله
واحنه ماعدنه شي نسمع مو صح يولد سئلتهم
ههه أي كاعدين لا شغل ولا عمل
خوش خلوني اسويلكم جاي واكعد اسولف الكم
صبلنه جاي وكال
اول شي جانو بس مجرد عشائر مجتمعين يطالبون بحقوق بعدين دخلو ناس برايات سوداسمهم تنظيم الدوله الاسلاميه اول مدخلو كالو للناس احنا وياكم
طبعا اجوي بسيارات مـƒřô๓ـہـن الصحراء
كالو احنا اجينا النصرتكم
وماعدنا شي وياكم
شويه شويه استمكنوشويه شويه علا صوتهم
شويه شويه بدو يحاسبون ثوار العشائر
ويردون يضموهم الهم وبدو يذبحون بيهم لو تصيرون ويانالو نذبحكم
الي بطل انهزم
والي بقى صار وياهم
بدو ياخذون مدن هواي
و السبب كان الجيش ينسحبون همه ياخذون المدينه
صارو يمنعون الجكايرلحد ما صعد سعرها وصارت الجكاره الوحده ب١٠ الاف
وهمه نفسهم يبيعون جكاير
الاكل والمواد الغذائيه كلها صعدت
صارت الناس الفقيره تدور على لكمة خبز ما تلكه
أنت تقرأ
ايام لا تحتسب
Pertualanganالحب ليس أقوالاً مهما كانت جميلة إنما أفعال مهما كانت بسيطة الحب ليس ماذا تشعر إنما ماذا تفعل لتجعل من تحب يشعر بحبك الحب ليس بعدد المرات التي تقول فيها "أحبك" إنما بعدد المرات التي تثبت فيها أنك تحب الحب هو أن تعلم أن واحدا زائدا واحدا لايساوي إلا...
