البارت الثامن
ايام لا تحتسب
#طائر_بلا_تغريد
قرينه الفاتحه لأم البنين وطلعنه
لحكنه فراس بعلاكه بيهه خيار وطماطه وبتيته مسلوكه
وانطانه 100 ألف دينار كال خليه جو ايدك
مشينه على طول الطريق العام عبرنه القريه الي نوزع بيهه الحليب
صرت امشي واسولف الهم
هنا نوكف نوزع الحليب
وهنا نتريك
وهنا نكعد بهاي الكهوه
عمر شني القظيه جنك كلش متونس
أي والله مو ايام كظيتهن وياهم جنهم سنين
بقينه نمشي لحد ما طلعنه من القريه وصلنه البستان صار وقت الغده كتلهم
اكلكم تعالو نكعد تحت شجره نتغده ونرتاح وبعدين نكمل
أزاد.... أي كاكا عاشت ايدك كلش جوعان
عمر.... انت دومك جوعان
ازاد.... كاكا عمر انتي ليش مركزه وياي ها
عزيز..... لا كاكا هو مركز ويه الكل مو بس وياك ههههه
ديلله اكعدو خلي نتغده نترت بيهم
عزيز طلع العلاكه شوف شنو مخلين بيهه الولد
والله رحمله والديهم ابد ما قصروا الولد كال عزيز وهو يطلع العلاكه من الجنطه
فتحه طلع طماطه وخيار وبتيته مسلوكه
فرشنه العلاكه بلكاع وكعدنه ناكل
بعدنه ممخلصين اكل وجان نسمع الصياح وجر أقسام علينه
بعد مالحكنه نشرد او نطلع سلاحنه
طوقونه الدواعش
شلنه روسنه اربع دواعش مسلحين موجهين سلاحهم علينه
من أنتم وماذا تفعلون هنا
احنه مستطرقين حجيت بهدوء
شنو مستطرقين انتو من الجيش العراقي مو
لا يابه شودانه للجيش احنه منا بس طالعين سفره كال عمر
ابتسمت خرب يومك عمر يا سفره بهل زلك هذا همست
لك يا سفره هاي تضحكون علينه صاح الداعشي
كوموا بسرعه ويانه للأمير وهو يقرر شراح يسوي بيكم
ارفعوا اديكم وامشوا بسرعه وضربني بلبندقيه على راسي
خلينه ادينه على روسنه ومشينه
طاوقونه وسلاحهم علينه
لحد ما وصلنه جو التله جانت سياره تيوته منتظرتهم
دفعونه حتى نصعد بلبدي
صعدنه اربعتنه
صعدوا ثنين ويانه وثنين صعدوا بلسدر
مشت السياره البساتين كانت مكشوفه لو شردنه راح يلحكونه بقيت اباوع للطريق بلكت نلكه مكان نشرد عليه
دنكت كلت العزيز انتبهو لأشاره مني
من أئشر الكم نطفر من السياره
هز راسه وكال الأزاد وعمر ينتبهون عليه
أنت تقرأ
ايام لا تحتسب
مغامرةالحب ليس أقوالاً مهما كانت جميلة إنما أفعال مهما كانت بسيطة الحب ليس ماذا تشعر إنما ماذا تفعل لتجعل من تحب يشعر بحبك الحب ليس بعدد المرات التي تقول فيها "أحبك" إنما بعدد المرات التي تثبت فيها أنك تحب الحب هو أن تعلم أن واحدا زائدا واحدا لايساوي إلا...
