البارت الثاني
#
#طائر_بلا_تغريد#
ايام لا تحتسب
وصلت للبيت لكيت الناس متجمهره بلباب
كوه دخلت
شفت منظر طول عمري ما انسى
لكيت امي كاعده بنص البيت ونازعه شيلته
ومطلعه ضفايرهه الي من مات ابويه لسه هيه ما محنيتهم وصايرين بلون الفضه
زينب نايمه على رجليهه
والنسوان داير مدايرهه
بس هيه ابد مجانت تبجي
من شافتني صاحت
هلا هلا بوليدي وخيمتي ولك حيدر واكع بظيج وانت الي تطلعه منه
ركظت حظنته وكتله وداعتج يمه وداعت كل دمعه وحسره وداعت كل ليله كظيتيه سهرانه ويانه باجر رايح وما ارد اله ارده وياي عدل ميت ارده وياي
دنجت على ايديه بستهن ودخلت الغرفتي
جانت اصعب ليله تمر عليه
كبل الأذان طلعت اشرب ماي شفت امي كاعده بغرفت حيدر وتنعى وتكول
يمة البيت وحشة وليش ماجيت
يايمة أعله بختك ترحل شلون
وليدي دموع ثكلى الصبت أعليك
تون وتنوح مو مثل الينوحون
اذا دمعاتي نشفن فوك الخدود
اظل عليك اصبن حتى الجفون
ولا ريدن عيوني ونورهن راح
وهيه بلاية نور شتسوة العيون
كعدت كبال الباب وخليت راسي بين اديه واني اسمعه تون وتنوح
أذن الأذان كمت توظيت وصليت
سجدت و دعيت من كل كلبي لو اموت لو ارجع اخوي
بعده كمت حظرت جنطتي وبدلت ملابسي وطلعت أودع امي
دكيت الباب
يمه كاعده
أي يمه كاعده تعال فوت
شلونج يحبيبه
الحمد لله كلبي يوجعني على اخوك
الله كريم يمه ان شاء الله يرجع لا تخافين عليه حيدر سبع ومايخاف
يمه الحرب مابيه سبع
الله ارحم الراحمين يمه أنا هسه رايح وما ارد اله وياي حيدر
مودع بلله ومحمد وعلي وليدي الله يسهل طريقك ويردك الي بخير انت واخوك
اخذت ايده بستهه وكتله
يمه لا تنسينه من دعائج
بكل وكت ادعيلكم شعندي غيركم انا
يلله رايح انا وكفت وشلت جنطتي
اوكف اخذني وياك
رديت كعدت وين يحبيبه
اخذني وياك اريد اروح لبو حسين علي (،عليه السلام )اريد اشكيله حالي
خوش ميخالف اخذج اصعدج بسيارة النجف
اطيني هاي هديماتي
التفتت شفت اهدومهه على المخده شلتهن انطيته الهن وكتله
راح اكعد زينب
أي كعدهه خاطر تبقه بلبيت خاف واحد يجي
أنت تقرأ
ايام لا تحتسب
Pertualanganالحب ليس أقوالاً مهما كانت جميلة إنما أفعال مهما كانت بسيطة الحب ليس ماذا تشعر إنما ماذا تفعل لتجعل من تحب يشعر بحبك الحب ليس بعدد المرات التي تقول فيها "أحبك" إنما بعدد المرات التي تثبت فيها أنك تحب الحب هو أن تعلم أن واحدا زائدا واحدا لايساوي إلا...
