البارت السابع عشر
أيام لا تحتسب
#طائر_بلا_تغريد
مساء الورد
طبعا ما هان عليه اعوفكم اليوم بدون بربوت صغير ههههه
علي .....
دخلت للخيمه كلت السلام عليكم
حيدر.....
وعليكم ال.......
ما كملت السلام لأن الي جاي أشوفه كدامي أخوي علي
معقوله لو جاي اتوهم
علي بطوله الحلو وكشخته صح متغير هواي بس يبقه ذاك هوه
فركت عيوني مره مرتين واني أردد
يارب دخيلك
يارب دخيلك
تقربت منه كتله انت منهو
علي
شفت حيدر الي صارلي سنتين ادور عليه
ربي رحمته على ساعه
ماعرف شلون اوصف شعوري
فرحان ؟؟؟؟ لا اكثر
مصدوم ؟؟؟؟ يمكن
لزمت كلبي بأيدي واني أكله أهدء أهدء دخيلك لا توكف هسى
موكته اريد اتأكد من أخوي
اريد أحضنه
اريد اشبع منه شوف
شفته هو هم ما مصدك عيونه تقرب يمي وهو يكول
انت منهو
علي..... انت منهو اخوي حيدر لو لا
هز راسه وكال
أي أنا حيدر بس انت علي أخوي
أي علي أخوك
أخوك الي كطع هاي المسافه كله وشفت الظيم حتى بس اسمع خبر عنك
أخوك الي من يوم طلعت من البيت وانا مشفت طعم النوم والراحة
اخوك الي قسمت بشيلة امي ما أرد اذا ما أردك وياي
أخوك الي عفت هلي وعمامي واجيت ادور عليك
أحجي وعيوني تجري دموع امسحه ماريد شي يغوش على شوفي أريد أشوف أخوي زين
حيدر.... كل هذا صار وياك من وراي
انا ما أستاهل الي سويت
كبل لا يكمل سديت حلكه وجريته الحظني
أفيييييييش ياريحة هليييييي
عمر..... معقوله هذا أخو علي شلون صدفه ربي جمعهم بمكان محد يفكر بيوم يوصله
أم فيصل .....
ولك حيدر بس لا هذا اخوك
ههه أكولن كمت تحوس بس تريد تجي لهنا
وانا حسبالي تريد تتعرف عليه أثاري أخيك
خاله هذا اخوي شفتي شلون كلبي حس بيه
أي والله صدك كلبك حس ربي يحميكم ويردكم لميمتكم سالمين وتفرح بيكم
علي حيدر
أمين رب العالمين
ولك عمر شفت الله شلون ما يضيع تعب
شفت شلون جابه الي
عمر.... حشى الله يضيع عبده ألف مبروك خيي
حيدر هذا عمر اخوي ورفيجي
اجيت ويا من تكريت لهنا ابد ماعافني وكف وياي بكلشي
أنت تقرأ
ايام لا تحتسب
Aventuraالحب ليس أقوالاً مهما كانت جميلة إنما أفعال مهما كانت بسيطة الحب ليس ماذا تشعر إنما ماذا تفعل لتجعل من تحب يشعر بحبك الحب ليس بعدد المرات التي تقول فيها "أحبك" إنما بعدد المرات التي تثبت فيها أنك تحب الحب هو أن تعلم أن واحدا زائدا واحدا لايساوي إلا...
