البارت التاسع
أيام لا تحتسب
#طائر_بلا_تغريد
شلت سلاحي وباوعت من شباك المطبخ جان اشوف ولد فتح الباب كله ودخلت سياره جيب سوده
بعدين نزل رجال عمره بلخمسين
فتحوا باب الكندور تفاجئوا الباب مفتوح
يابه الباب مفتوح
هه يابه ذوله بكيفهم يدخلون حسبي الله ونعم الوكيل
أشرت للولد ولا صوت
دخلو من باب الكندور للصاله دقيقه وصارت العيطه وصوت ماعين تكسرت
ركظنه للصاله ونشوف البنيه واكفه والصينيه بلكاع مكومه هيه وماعينهه وعيونه متروسه دمع وخوف
وأصحاب البيت يعيطون بيه ويسبون
من شافونه تخبلوا اكثر وزاد صياحهم
الرجال...... انتو منو متستحون تدخلون بيوت الناس ولا ماخذين راحتكم بيه
هذا البيت نظيف ما يلم هاي الشكولات
علي .... حجي بس اسمعني
صاحب البيت..... شسمع عمي انتو خليتوا بيه سمع بعد
علي.... عمي والله مو الي بالك احنه
صاحب البيت..... لعد شنو انتو ها اذا مو دواعش قذرين الله يخلصنه منكم
الولد يهد من كتر
وأبو يسب ويغلط
عمر يحجي من جهه
و أزاد من جهه
عزيز من جهه
والي أذاني بواجي البنيه دمرتني
نريد نفهمهم ماكو نريد نحجي وياهم ماكو
طلعت أم البنيه ركظت عليه بتهه حظنته وتبجي
تخبلت اريدهم يسكتون ماكو
طلعت سلاحي وسحبت أقسام وجهته عليهم وصحت
الي ما يسكت هسه افرغ هذا السلاح براسه
الكل سكت بقو يباوعون عليه
أشرت للمره تاخذ بته وتدخل جوه
وباوعت عليهم كتلهم اكعدو خلي نتفاهم
عزيز جيب مي للحجي
وانت خويه كعد ابوك واكعد خلي افهمكم
جاب المي عزيز شرب الرجال وكعد
كعدت كبالهم كتلهم
عمي الله بلخير عليكم
بقه واحد يباوع على الثاني
الله بلخير ردوا بثقل
شوفو عمي احنه موش دواعش
احنه من الحشد
الحشد بس الحشد بعده أطراف الموصل مداخلهه
صح عمي بس احنه طلعنه بمهمه وصلنه لهنا
كعدت سولفت الرجال كلشي بالمختصر
لحد ما وصلنه البيته
واحنه نعتذر منك طبينه البيتك بس ما لكينه بيت مفتوح غير بيتك
شنو مفتوح ليش مو انتو الي فتحتوا
لا والله لكينا مفتوح البيت جاوب عزيز
أنت تقرأ
ايام لا تحتسب
مغامرةالحب ليس أقوالاً مهما كانت جميلة إنما أفعال مهما كانت بسيطة الحب ليس ماذا تشعر إنما ماذا تفعل لتجعل من تحب يشعر بحبك الحب ليس بعدد المرات التي تقول فيها "أحبك" إنما بعدد المرات التي تثبت فيها أنك تحب الحب هو أن تعلم أن واحدا زائدا واحدا لايساوي إلا...
