كانت سيلين واقفة في الساحة مع ريمة ومروة يحكيو ومروة هي لي ديما تكحل على الذراري وتشوف وش راهم يديرو ومعامن راهم يخرجو وهدفها الوحيد في الحياة هو أنو يولي عندها حبيب، وريمة هي الخوافة فيهم وماتجيبش حقها وديما نيتها غالبتها، وسيلين هي رئيسة العصابة يعني هي لي دافع على صحباتها وديما تنصحهم وتخرجهم من المشاكل.
المهم كي كانو واقفين جا فايت واحد طويل وشباب وجسمو مخدوم وباين بلي متكبر غير جا فايت بدات مروة تلدغ في البنات قاتلهم شوفو السلعة الجديدة ريمة بقات تشوف فيه وسيلين قالت لمروة اسكتي ديجا راهي صونات هيا ندخلو...
