دخلو يقراو ومروة ما خلات حتى طفلة وماقالتلهاش على الطفل الجديد وكامل قالولها وريهولنا.. كملو القراية وكي خرجو راحو للريسطورون وكانو يحكيو حتى دخل نفس الطفل تاع قبيل بصح جا مع واحد.. مروة قاتلهم راهو جا قالولها شكون قاتلهم الطفل تاع قبيل سيلين كملت تاكل بصح ريمة بقات تشوف في صاحبو قاتلها مروة وش عجبك ول هبطت راسها ريمة وسكتت وماتولهتش بلي حتى هو كان يشوف معاها خخ.. زادو شوي حتى جاهم صاحب ذاك الطفل قاللهم معليش نقعد؟. نطقت سيلين ومروة في نفس الوقت
سيلين: لالا ماتقعدش
مروة: وي تفضل
قعد معاهم سقساتو مروة واش اسمك؟
هو: خالد
مروة: وانا مروة وهاذي ريمة وهاذي سيلين
خالد: تشرفنا
سقساتو مروة على اسم صاحبو قاللها اسمو حسام
بقاو يحكيو حتى عرفو بلي يقراو في نفس الثانوية منبعد خرجو وكل واحد راح لدارو...
