سيلين: ماغسي كي دافعت عليا
حسام: مكانش مشكل
وراحت سيلين لصحباتها وحكاتلهم واش صرا..
روحو لديارهم وحكاو شوي منبعد رقدو غدوة الصباح ناضت سيلين لبست وهبطت تفطر مع عايلتها
عبد النور(أب سيلين): اليوم عندنا ضيف
سامية(أم سيلين): شكون هو؟
عبد النور: صاحبي لي عندو شركة لي موالف نكحليك عليه
سامية: اا صاي عرفتو مرحبا بيه
عبد النور: بصح جاي مع عايلتو يعني لازم تحضرو نتم وتحمرولي وجهي ههه
ياسين(أخ سيلين): بابا انا اليوم معروض عند صاحبي
عبد النور: معليش براحتك
هدى(أخت سيلين): أنا متفرغة تماما هههه
سيلين: وأنا موش حابة نحضر لواش
عبد النور: قلت ضيف مهم يعني حضورك واجب
سيلين: بففف
عبد النور: وشنو
سيلين: والو
وراحت سيلين تقرا مع صحباتها غير دخلت عيطلها حسام
حسام: معليش دقيقة!
سيلين: البنات نباعد نحكيو باي..
حسام: واش صافا
سيلين: الحمد لله ونتا
حسام: لباس ومش لباس
سيلين: علاه غير الخير
حسام: بابا معروض عند ناس اليوم وقالي لازم تروح بويسك دارنا كامل رايحين بففف
سيلين: حتى حنا جايينا ضياف ومجبورة نحضر ومارانيش دايرة كيفك يخي حالة يخي
وراحت وخلاتو..
روحت سيلين للدار ولقات ماماها واختها وجدو رواحهم يعني بقات غير هي ههه
سامية: سيلين اجري وجدي روحك راهم قريب يجيو
سيلين: بففف اوكي
وطلعت لشمبرتها ولبست سروال واسع لونو احمر مع شوميز بيضا وصندالة بيضا ودارت مكايج خفيف وطلقت شعرها وهبطت
سامية: يعني المهم ماتلبسيش الصواري كيما ختك
سيلين: ماما خي قتلك ماتجبرينيش نلبس حوايج البنات لي يقرفوني
سامية: خلاص اسكتي ،ديجا جا باباك
سيلين: صاي سكتت
سامية: واش عبد النور جا صاحبك؟
عبد النور: مزال قالي راني قريب
سامية: اوكي
زادو شوي وصونا الباب
سامية: واقيل جاو ضك نوض نشوف
ناضت سامية وفتحت الباب وسلمت عليهم....
