فاتو اليامات وسيلين ولات ديما تحكي مع حسام..
"بعد شهر''
سيلين: ااي مروة ماشفتيش حسام؟
مروة: واش واقيل وليتي تحبيه
سيلين: بلعي سقسيتك جاوبي وديجا صديقي برك
مروة: مابانش اليوم
ريمة: بصح خالد جا
مروة: حتى نتي تحبي خالد؟ خخخ
ريمة: بففف صاي
سيلين: راهي صونات نتم ادخلو انا راني مريضة رايحة نروح
مروة: اوو هذا وين كنتي لباس عليك
سيلين: هيا باي
ودخلو البنات وسيلين خرجت وبقات قدام الباب تستنى في حسام
سيلين: بففف نعيطلو خير
عيطتلو ولقات تلفونو مغلق.. منبعد روحت للدار وقالت لماماها بلي جاتها دوخة هههه
فاتو 10 أيام وحسام مابان عليه حتى خبر حتى خالد وماعلابالوش صاحبو وين راه..
راحت سيلين لباباها..
سيلين: بابا معليش تعطيني لادراس تاع دار عمو حسين
عبد النور: علاه؟
سيلين: لازم نروح نجيب كراس من عند حسام بويسك الامتحانات قربو وصحبتي تقرا باك تحتاج كراسو
عبد النور: داكوغ
عطاها باباها لادراس بدلت قشها وراحت..كي وصلت طبطبت الباب خرجتلها أم حسام
زهرة: أهلا بيك سيلين كيفاش حتان تفكرتينا
سيلين: يعيشك طاطا جيت ندي كراس من عند حسام برك
زهرة: ههه وعلاه حسام راه هنا!
سيلين: كيفاش؟! مافهمتش
زهرة: ياك حسام راح لتركيا باش يكمل قرايتو حسبتك عارفة
سيلين: وشنوو منك صح طاطا؟
زهرة: ايه يا بنتي، تفضلي ادخلي
سيلين: لالا صاي نروح....
